Cydraddoldeb, amrywiaeth a chynhwysiant

Rydyn ni wedi ymrwymo i hyrwyddo cydraddoldeb, amrywiaeth a chynhwysiant (EDI) ym mhob un o’n weithgareddau.

Ein nod yw sefydlu, cefnogi a meithrin diwylliant cynhwysol a chroesawgar sy’n sicrhau cyfle cyfartal i staff a myfyrwyr ag unrhyw un o’r nodweddion gwarchodedig a ddiffinnir gan Ddeddf Cydraddoldeb 2010 a thu hwnt.

Athena SWAN

Rydyn ni’n falch o gynnal Gwobr Arian Athena Swan a ddyfarnwyd ym mis Mawrth 2024, sy’n dangos ein hymrwymiad i gydraddoldeb rhywiol. Canmolodd y panel asesu yn arbennig ein gweithgareddau a digwyddiadau EDI difyr, ein rôl yn hyfforddi myfyrwyr i fod yn llysgenhadon EDI, a'n hymrwymiad cadarn i egwyddorion EDI.

Mae ein Pwyllgor EDI yn adolygu perfformiad yr Ysgol yn rheolaidd yn erbyn y Cynllun Gweithredu y cytunwyd arno yn rhan o'r Gwobr hwnnw.

Digwyddiadau

Rydyn ni’n cynnal digwyddiadau trwy’r flwyddyn i hyrwyddo cydraddoldeb ac amrywiaeth yn ein hysgol. Ymhlith y rhain y mae:

• Cyfres CYD-hadledd Arbennig - cyfle i gynnal trafodaethau ar faterion EDI yn y gymuned fathemateg.
• Fforymau RHAGFLAS- trafodaethau cyfnodol dan gyfarwyddyd i staff yn unig ar arferion addysgu a goruchwylio, gyda ffocws ar faterion EDI.

Rydyn ni hefyd yn gweithio gyda’n cydweithwyr ar draws Coleg y Gwyddorau Ffisegol a Pheirianneg gan drefnu gweithgareddau i wella amrywiaeth ym mhynciau gwyddoniaeth, technoleg, peirianneg a mathemateg (STEM) yn rhan o rwydwaith DiSTEM. Yn olaf, mae'r Gymdeithas Merched mewn Mathemateg a Chyfrifiadureg yn trefnu digwyddiadau'n rheolaidd ar gyfer myfyrwyr sydd â hunaniaeth menyw o MATHS a COMSC.

Cael y wybodaeth ddiweddaraf am ein digwyddiadau.

Pwyllgor Cydraddoldeb, Amrywiaeth a Chynhwysiant

Mae ein Pwyllgor EDI yn cyfarfod yn rheolaidd yn ystod y tymor i adolygu ein gweithgareddau a'n cynlluniau, ac i greu ystod o gamau gweithredu a gweithdrefnau i hyrwyddo EDI ledled yr Ysgol. Mae ein Cyfarwyddwyr EDI yn cynnig cyngor i Fwrdd Rheoli'r Ysgol ac yn sicrhau bod EDI yn rhan annatod o holl benderfyniadau'r Ysgol.

• Ana Ros Camacho – Cadeirydd a Chyfarwyddwr EDI
• John Harvey – Dirprwy Gyfarwyddwr EDI
• Jonathan Thomson – Pennaeth yr Ysgol
• Carol Hickman – Rheolwr yr Ysgol
• Federica Dragoni – Uwch Diwtor Personol
• I'w gadarnhau – Rheolwr Addysg a Myfyrwyr
• Usama Kadri – Cynrychiolydd staff academaidd
• Sarie Brice – Cynrychiolydd Ymchwil Ôl-Ddoethurol a ariennir (PDRA)
• Naomi Wray – cynrychiolydd ymchwil ôl-raddedig ac arweinydd Cymdeithas Merched mewn Mathemateg a Chyfrifiadureg
• Caroline Schreiber - Cynrychiolydd Ôl-raddedig
• Zubaydah Ahmed - Cynrychiolydd israddedi

Menywod mewn Mathemateg a Chymdeithas Cyfrifiadureg

Mae Cymdeithas Menywod mewn Mathemateg a Chyfrifiadureg yn uno myfyrwyr israddedig ac ôl-raddedig benywaidd mewn cymuned gefnogol i ddysgu oddi wrth ei gilydd a meithrin cysylltiadau gwerthfawr. Rydym yn ymgynnull yn rheolaidd i rannu profiadau, cynnig cefnogaeth, a dathlu llwyddiannau mewn maes lle mae dynion yn bennaf. Mae ein gweithgareddau’n amrywio o sgyrsiau coffi anffurfiol ac egwyliau cinio i ddigwyddiadau cymdeithasol fel Gŵyl y Gaeaf, gan feithrin ymdeimlad cryf o gymuned. Cymerwch ran trwy ymweld â’n gwefan neu drwy cysylltu â ni.

Cymerwch ran drwy ymweld â'n gwefan neu trwy gysylltu â ni.