Hafan Cyfrifon Cyflymu Effaith

Rydym wedi ymrwymo i sicrhau bod ein hymchwil yn gwneud gwahaniaeth gwirioneddol i gymdeithas. Mae buddsoddi mewn Cyfrifon Cyflymu Effaith yn ffynhonnell cyllid graidd ar gyfer ein gweithgareddau effaith.

Mae Cyfrifon Cyflymu Effaith (IAAs) UKRI yn cynnig cyllid hyblyg i gefnogi gweithgareddau sy'n helpu i wella'r defnydd o ganfyddiadau ymchwil gan fuddiolwyr a defnyddwyr terfynol, gan gynnwys busnesau, elusennau, y sector cyhoeddus, llunwyr polisi a sefydliadau eraill.

Ein hamcanion

Ein hamcanion yw ariannu prosiectau sydd â'r potensial mwyaf i gyflawni effaith o ymagweddau arloesol a dychmygus tuag at bartneriaeth a chyfnewid gwybodaeth, gan gynnwys:

ariannu prosiectau sbarduno a chyflymu sy’n cymryd syniadau newydd o ymchwil i'w defnyddio mewn busnes, cymdeithas a bywyd cyhoeddus
cefnogi newidiadau polisi sy'n llywio sut mae sefydliadau'n addasu ac yn gwella eu gwasanaethau, eu prosesau a'u canlyniadau ar gyfer defnyddwyr a buddiolwyr
cryfhau rhwydweithiau gyda darpar ddefnyddwyr ymchwil
galluogi preswyliadau a chyfnewidiadau sy'n caniatáu i bartneriaid ymuno â ni, a lleoliadau lle mae ein staff yn ymuno â sefydliadau allanol dros dro

Cyllid

Mae Prifysgol Caerdydd wedi derbyn dros £13 miliwn o gyllid Cyfrif Cyflymu Effaith UKRI ers 2025. Mae ein set gyfredol o Gyfrifon Cyflymu Effaith wedi’u cysoni UKRI yn cwmpasu cyllid o £6.2 miliwn gan Gyngor Ymchwil y Celfyddydau a'r Dyniaethau (AHRC); y Cyngor Ymchwil Biotechnoleg a Gwyddorau Biolegol (BBSRC); y Cyngor Ymchwil Peirianneg a’r Gwyddorau Ffisegol (EPSRC); Cyngor Ymchwil Economaidd a Chymdeithasol (ESRC); y Cyngor Ymchwil Feddygol (MRC) a'r Cyngor Cyfleusterau Gwyddoniaeth a Thechnoleg (STFC).

Cyllid o £13 miliwn

Gan gynnwys £6.2 miliwn mewn dyfarniadau cyfredol.

Dros 450 o brosiectau effaith

Wedi derbyn cefnogaeth ers 2015, gan gynnwys dros 500 o bartneriaethau gyda phartneriaid a chymunedau anacademaidd.

Fframwaith Rhagoriaeth Ymchwil

Rydyn ni wedi cefnogi 40 o astudiaethau achos REF2021.

Ein Cyfrifon Cyflymu Effaith

Dysgwch am bob cronfa IAA.

Y Cyfrif Cyflymu Effaith wedi’i Gysoni

Mae ein Cyfrif Cyflymu Effaith wedi’i Gysoni’n ein helpu i gydweithio’n agos â’r diwydiant, llunwyr polisïau a'r cyhoedd, a hynny er mwyn defnyddio tystiolaeth ymchwil mewn ffyrdd amrywiol ac arloesol.

Cyngor Ymchwil Economaidd a Chymdeithasol

Mae ein Cyfrif Cyflymu Effaith y Cyngor Ymchwil Economaidd a Chymdeithasol (ESRC) yn galluogi ein hymchwilwyr i gael effaith gadarnhaol sy'n gwella canlyniadau i unigolion, yn datblygu cymdeithas, ac yn cryfhau'r economi ledled y DU a thu hwnt.

Cyngor Ymchwil y Celfyddydau a’r Dyniaethau

Mae prosiectau Cyfrif Cyflymu Effaith (IAA) Cyngor Ymchwil y Celfyddydau a’r Dyniaethau (AHRC) sy’n cael eu hariannu gan y Brifysgol yn canolbwyntio ar sicrhau dyfodol ffyniannus i gymdeithas a’r economi drwy ymchwil ym meysydd y celfyddydau a’r dyniaethau.