Cyllid a chostau

Mae cynllun y Bartneriaeth Trosglwyddo Gwybodaeth yn cael ei ariannu’n rhannol gan nifer o noddwyr, gan gynnwys holl Gynghorau Ymchwil y DU, Llywodraeth Cymru ac Innovate UK, sydd i gyd yn gyfrifol am reoli’r cynllun.

Mae prosiect nodweddiadol y Bartneriaeth Trosglwyddo Gwybodaeth yn cynnig pecyn cymorth gwerth rhwng £80,000 a £100,000 y flwyddyn. Mae hyn yn cynnwys y costau canlynol:

• y tîm academaidd
• nwyddau traul y prosiect
• cyflog y cydymaith
• mentora, hyfforddi a datblygu
• teithio a chynhaliaeth

Cyfraniadau cyfradd grant Innovate UK yw:

• busnesau mawr a sefydliadau sector cyhoeddus: 50&
• busnesau bach iawn, bach a chanolig y tu allan i Gymru: hyd at 67%
• gall mentrau cymdeithasol, mentrau cydweithredol, elusennau neu fusnesau elusennol gyda 499 neu lai o weithwyr (cyfwerth ag amser llawn) dderbyn cyfraniad grant gwerth hyd at 75% o gostau cymwys y prosiect. Bydd dros 500 (cyfwerth ag amser llawn) yn derbyn cyfraniad grant gwerth hyd at 50% o gostau cymwys y prosiect.

Arian gan Lywodraeth Cymru

Ar hyn o bryd, mae Llywodraeth Cymru yn cyfrannu 75% tuag at gyfanswm costau prosiectau’r Bartneriaeth Trosglwyddo Gwybodaeth ar gyfer busnesau bach a chanolig yng Nghymru sy’n bodloni’r meini prawf cymhwysedd ac sydd wedi’u cymeradwyo i gymryd rhan yn rhaglen y Bartneriaeth Trosglwyddo Gwybodaeth.

Partnerships jointly develop proposal to address a specific business need and must submit their proposal for assessment between 1 September 2020 and 29 March 2027. Only applications received during this time will be eligible for this funding.

Mae partneriaethau’n datblygu cynnig ar y cyd i fynd i’r afael ag angen busnes penodol ac mae’n rhaid iddyn nhw gyflwyno eu cynnig ar gyfer asesu rhwng 1 Medi 2020 a 29 Mawrth 2027. Dim ond ceisiadau a dderbynnir yn ystod yr adeg hon fydd yn gymwys ar gyfer y cyllid hwn.

I gael rhagor o wybodaeth, ewch i  dudalennau ariannu Partneriaeth Trosglwyddo Gwybodaeth Llywodraeth Cymru

Sut i wneud cais

• bydd cais grant Partneriaeth Trosglwyddo Gwybodaeth yn cael ei gwblhau ar y cyd gennych chi a’r partner academaidd, gyda chymorth tîm Partneriaethau Trosglwyddo Gwybodaeth Caerdydd
• bydd yr Ymgynghorydd Trosglwyddo Gwybodaeth rhanbarthol yn ymweld â chi i gadarnhau ymarferoldeb y prosiect ar gam cynnar yn y broses
• mae’r tîm Partneriaethau Trosglwyddo Gwybodaeth yn cydlynu’r broses ymgeisio gyfan i sicrhau bod y dyddiad cau yn cael ei fodloni

Dyddiadau cau ar gyfer cyflwyno

Mae'r rhaglen yn agored i unrhyw syniadau arloesol o ansawdd uchel gan bob busnes. Gallwch chi wneud cais o unrhyw sylfaen neu sector technoleg. Gall eich prosiect hefyd fod ar unrhyw gam ymchwil a datblygu.

Y dyddiadau cyflwyno sydd i ddod yw:

• 9 Ebrill 2025
• 11 Mehefin 2025
• 17 Medi 2025
• 26 Tachwedd 2025
• 28 Ionawr 2026

Rhagor o wybodaeth

Am ragor o gymorth, cysylltwch â’n Tîm Ymgysylltu â Busnesau a Phartneriaethau: