Ewch i’r prif gynnwys
Canolfan Wolfson ar gyfer Iechyd Meddwl Pobl Ifanc

Ysgol Haf

Cafodd Ysgol Haf Ymchwil er Iechyd Meddwl Pobl Ifanc 2024 ei chynnal rhwng 15 ac 17 Gorffennaf. Bydd manylion Ysgol Haf 2025 ar gael ym mis Mawrth 2025.

Mae’r cwrs tri diwrnod hwn, a gaiff ei gynnal ar-lein, yng ngofal tîm rhyngddisgyblaethol arbenigol Canolfan Wolfson er Iechyd Meddwl Pobl Ifanc, Prifysgol Caerdydd.

Nod y rhaglen yw rhoi sylfaen i ddarpar ymchwilwyr o gefndiroedd clinigol ac anghlinigol mewn ymchwil ym maes iechyd meddwl pobl ifanc, gan ganolbwyntio'n bennaf ar y gwaith eang rydyn ni’n ei wneud yng Nghanolfan Wolfson.

Mae'r ysgol haf yn cael ei chyflwyno gan ymchwilwyr o'r radd flaenaf o Ganolfan Wolfson. Byddan nhw’n arwain cyflwyniadau a sesiynau grŵp bach yn eu meysydd arbenigedd, gan ganolbwyntio ar ddeall achosion problemau iechyd meddwl pobl ifanc, er mwyn gosod sail i ffyrdd newydd effeithiol o gynnig cymorth ymarferol.

Yn yr ysgol haf, bydd cyflwyniadau ar amrywiaeth o bynciau sy’n ymwneud â dulliau a chanfyddiadau ym maes ymchwil iechyd meddwl pobl ifanc, gan ddefnyddio disgyblaethau epidemioleg, geneteg, niwrowyddoniaeth a datblygu ymyriadau, gan gynnwys y canlynol:

  • Heriau sydd ynghlwm ag iechyd meddwl pobl ifanc a'r sefyllfa bresennol
  • Safbwyntiau byd-eang ar raglenni a pholisïau iechyd meddwl
  • Atal iselder ymhlith pobl ifanc
  • Iechyd meddwl mewn ysgolion a gwerthuso ymyriadau cymhleth
  • Ymchwil ar eneteg seiciatrig ym maes iechyd meddwl pobl ifanc
  • Hunanladdiad a hunan-niweidio ymhlith pobl ifanc

Mae'r ysgol haf hefyd yn cynnwys sesiynau grwp bach ar bynciau sy’n cynnwys cyngor ar yrfa ym maes ymchwil, pwysigrwydd cynnwys y cyhoedd yn rhan o ymchwil, a sut gall ymchwilwyr helpu i sicrhau bod canfyddiadau'n cael eu trosi'n bolisi i'r llywodraeth.

Y Rhaglen

Dyma oedd rhaglen Ysgol Haf Canolfan Wolfson 2024:

AmserGweithgaredd
10:00am          Croeso a chyflwyniad
Yr Athro Stephan Collishaw
10:20amTueddiadau o ran iechyd meddwl pobl ifanc dros gyfnodau hir
Yr Athro Stephan Collishaw
11:20amEgwyl
11:30amAtal iselder
Yr Athro Frances Rice
12:30pmCinio 
1:15pmPwysigrwydd niwrowyddoniaeth ym maes seiciatreg, a chymhwyso hyn
Yr Athro Jeremy Hall
2:15pmEgwyl
2:25pm

Sesiynau grwpiau bach cyfochrog
Dylai'r sawl sydd eisiau dod nodi’r gweithdy yr hoffent fod yn rhan ohono yn eu cais.

  • Iechyd meddwl a lles plant a phobl ifanc sydd wedi bod mewn gofal
    Dr Rebecca Anthony
  • Gyrfaoedd ym maes ymchwil ar gyfer darpar fyfyrwyr
    Dr Will Davies
  • Gyrfaoedd ym maes ymchwil ar gyfer clinigwyr
    Dr Rhys Bevan Jones a Dr Olakunle Oginni
3:10pmDiwedd y diwrnod cyntaf
AmserGweithgaredd
10:00amCroeso a throsolwg
Tîm yr Ysgol Haf
10:10amHeriau sydd ynghlwm ag iechyd meddwl pobl ifanc a'r sefyllfa bresennol
Yr Athro Anita Thapar
11:10amEgwyl
11:20amIechyd meddwl mewn ysgolion a gwerthuso ymyriadau cymhleth
Yr Athro Graham Moore
12:20pmCinio
1:05pm Dull datblygiadol a dadansoddiad hydredol
Dr Lucy Riglin
2:05pmEgwyl
2:15pm

Sesiynau grwpiau bach cyfochrog
Dylai'r sawl sydd eisiau dod nodi’r gweithdy yr hoffent fod yn rhan ohono yn eu cais.

  • Defnyddio data arferol ym maes ymchwil iechyd meddwl
    Dr Foteini Tseliou
  • Cyflwyniad i adnoddau ac ymyriadau iechyd meddwl ar-lein i bobl ifanc
    Dr Rhys Bevan-Jones
  • Cyflwyniad i Grŵp Cynghori Ieuenctid Canolfan Wolfson: Blaenoriaethau ar gyfer ymchwil ym maes iechyd meddwl pobl ifanc
    Emma Meilak
3:00pmDiwedd yr ail ddiwrnod
AmserGweithgaredd
9:30am      Coffi rhithwir gyda siaradwyr Ysgol Haf
10:00amCroeso a throsolwg
Tîm yr Ysgol Haf
10:10amHunanladdiad a hunan-niweidio
Yr Athro Ann John
11:10amEgwyl
11:20amSafbwyntiau byd-eang ar raglenni a pholisïau iechyd meddwl
Dr Yulia Shenderovich a Dr Rabeea'h Aslam
12:20pmCinio
1:05pmGeneteg
Dr Joanna Martin
2:05pmEgwyl
2:15pm

Sesiynau grwpiau bach cyfochrog
Dylai'r sawl sydd eisiau dod nodi’r gweithdy yr hoffent fod yn rhan ohono yn eu cais.

  • Cyflwyniad i dreialon clinigol sy’n canolbwyntio ar yr astudiaeth Sgiliau er Lles Pobl Ifanc (SWELL)
    Dr Vicky Powell a Kim Munnery o Ganolfan Ymchwil Treialon Prifysgol Caerdydd
  • Trosi canfyddiadau ymchwil yn bolisïau
    Dr Chris Eaton
  • Arferion gwyddoniaeth agored
    Dr Amy Shakeshaft
3:00pmSesiwn Adolygu ac Adborth
3:15 pmGorffen

Sylwch y bydd pob cyflwyniad a gweithdy yn digwydd drwy gyfrwng y Saesneg.

Siaradwyr

Caiff y rhaglen ei chyflwyno gan arbenigwyr yn eu priod feysydd.

    • Yr Athro Stephan Collishaw
    • Yr Athro Jeremy Hall
    • Yr Athro Ann John
    • Yr Athro Graham Moore
    • Yr Athro Frances Rice
    • Yr Athro Anita Thapar
    • Dr Rhys Bevan Jones
    • Dr Chris Eaton
    • Dr Olga Eyre
    • Dr Will Davies
    • Dr Joanna Martin
    • Dr Victoria Powell
    • Dr Yulia Shenderovich
    • Dr Foteini Tseliou
    • Dr Amy Shakeshaft
    • Dr Rebecca Anthony
    • Emma Meilak

Pwy all wneud cais?

Mae Ysgol Haf Wolfson ar gyfer darpar ymchwilwyr sydd â diddordeb mewn symud ymlaen i faes ymchwil iechyd meddwl pobl ifanc neu i ddysgu rhagor yn ei gylch. Os oes gennych chi radd israddedig (neu ar fin graddio), â diddordeb mewn gweithio ym maes ymchwil iechyd meddwl pobl ifanc, neu eisiau cyflwyniad i'r maes hwn, byddwn ni’n croesawu eich cais.

Mae’r ysgol haf yn rhad ac am ddim.

Cymhwyso

Mae’r cyfnod gwneud cais am Ysgol Haf Canolfan Wolfson 2024 bellach wedi dod i ben. Y ffordd orau o gael yr wybodaeth ddiweddaraf am ein cyfleoedd yw ar ein cyfrifon y cyfryngau cymdeithasol.

Cysylltu â ni

I gael rhagor o wybodaeth, cysylltwch â ni.

Canolfan Wolfson er Iechyd Meddwl Pobl Ifanc

  • wolfsoncentresummerschool@caerdydd.ac.uk