Darlithoedd cyhoeddus

Mae ein cyfres o ddarlithoedd cyhoeddus yn cynnwys cyflwyniadau gan academyddion o fri rhyngwladol ym maes iechyd meddwl ieuenctid.

Mae gan Ganolfan Wolfson ar gyfer Iechyd Meddwl Pobl Ifanc gysylltiadau cryf ag academyddion blaenllaw o bob cwr o'r byd. Yn y gyfres hon, bydd arbenigwyr o ledled y DU yn cyflwyno’u gwaith, yn ogystal â chydweithwyr rhyngwladol y Ganolfan.

Cynhelir y darlithoedd hyn bob chwarter, lle bydd pob un yn para am awr, ac yna sesiwn holi ac ateb fer.

Ni chodir tâl am fynd i unrhyw un o’r darlithoedd hyn.

Bydd darlith nesaf Wolfson ar y 12fed o Chwefror, byddwn yn croesawu'r Athro Michael Ungar i siarad am:

Meithrin gwydnwch: naw ffordd y gall teuluoedd, ysgolion a chymunedau helpu plant i ffynnu

Yn y cyflwyniad cyflym hwn yn llawn straeon, bydd Dr. Ungar yn dangos bod gwydnwch ein plant yn llawer mwy na'u gallu unigol i oresgyn adfyd. Mae hyn o ganlyniad i ba mor dda y mae eu teuluoedd, eu hysgolion, a’u cymunedau’n gweithio gyda’i gilydd i helpu pobl ifanc sy’n agored i niwed lywio’r adnoddau y mae eu hangen arnyn nhw er eu lles, a p’un a ydy’r adnoddau hynny ar gael i blant sy’n gwneud eu profiadau’n ystyrlon. Yn ogystal ag ymchwilio i beth mae gwytnwch yn ei olygu i blant o nifer fawr o wahanol gefndiroedd, bydd Dr. Ungar hefyd yn cynnig naw strategaeth ymarferol y gall rhieni, rhoddwyr gofal ac addysgwyr eu defnyddio i helpu plant i wella, ni waeth beth fo’u problemau emosiynol, seicolegol neu ymddygiadol.

Cofrestrwch yn rhad ac am ddim.

Darlithoedd Blaenorol

• Yr Athro Vikram Patel - Ymyriadau ysgolion at ddiben hybu iechyd meddwl ymysg pobl ifanc: Astudiaeth achos o India
• Yr Athro Agyris Stringaris -  Problemau sylfaenol yn y sylfaen dystiolaeth o ran trin iselder ymhlith y glasoed
• Yr Athro Thalia Eley - Archwiliadau hydredol o ganlyniadau datblygiadol a thriniaeth mewn pryder ac iselder mewn pobl ifanc ac oedolion ifanc.
• Dr Daniel Pine  - Gorbryder mewn plant a phobl ifanc - Cael hyd i gymorth mewn adegau o straen.
• Dr Kirsten Asmussen - Beth sy'n gweithio i wella bywydau plant mwyaf agored i niwed Lloegr
• Dr Rhiannon Evans - Adolygiad systematig o ymyriadau i wella deilliannau iechyd meddwl a lles ymhlith plant a phobl ifanc sydd â phrofiad o ofal.
• Yr Athro Sarah Skeen a Mr Tatenda Mawoyo - Helpu pobl ifanc i ffynnu.
• Dr. Erik Simmons - The PLAY Collaborative: Menter Gwyddoniaeth Weithredu i ehangu cyrhaeddiad ac ansawdd ymweliadau cartref sy'n seiliedig ar chwarae gan dad i hyrwyddo datblygiad plentyndod cynnar ac atal trais.
• Yr Athro Katherine Shelton - Proffil iechyd meddwl a niwroseicolegol plant sydd wedi’u mabwysiadu o ofal: Cefnogi anghenion yng nghyd-destun bywyd teuluol.
• Dr Daniel Michelson - Datblygu a gweithredu ymyriadau iechyd meddwl pobl ifanc mewn cyd-destunau adnoddau isel: Gwersi a ddysgwyd o'r rhaglen 'Premium for Adolescents' (PRIDE) yn India.
• Yr Athro Glyn Lewis  - Bregusrwydd i achosion straen, atgyfnerthu dysgu ac iselder.
• Yr Athro Lucie Cluver - Magu Plant yn ystod Argyfyngau: Tystiolaeth ac arloesedd i gefnogi plant a'u gofalwyr.

Gwyliwch ar Youtube