Ymchwil

Rydyn ni’n gweithio ar draws seiciatreg ddatblygiadol a chlinigol, geneteg, gwyddorau cymdeithasol a niwrowyddorau, i ddeall iselder a gorbryder yn well ymysg pobl ifanc.

Nod ein gwaith yw cyflawni newid trawsffurfiannol yn y ffordd rydyn ni’n deall heriau iechyd meddwl y glasoed a'r ffordd rydyn ni’n mynd i'r afael â’r heriau hyn drwy ymyriadau sy'n cynnig cymorth ymarferol i bobl ifanc.

Rydyn ni’n cynnwys pobl ifanc, ysgolion, y rhai hynny sydd â risg teuluol uchel a chleifion, ym mhob cam o'n hymchwil. Mae ein Grŵp Cynghori Ieuenctid a rhanddeiliaid yn helpu i lywio nodau ein hymchwil a'n hymarfer, ac yn gweithio gyda ni wrth i ni ddylunio a chynnal ymyriadau newydd i wella iechyd meddwl y glasoed mewn cyd-destunau iechyd ac ysgolion.

Ein nod yw i'n canfyddiadau gwyddonol lywio polisïau ac arferion yn gyflym, a bod yn gatalydd ym maes gorbryder ac iselder ymhlith pobl ifanc.

Themâu

Iechyd meddwl poblogaethol

Byddwn ni’n edrych ar ddata arhydol sy'n olrhain plant dros amser er mwyn cael gwell dealltwriaeth o sut mae gorbryder ac iselder yn datblygu.

Arweinydd Thema

Geneteg

Mae ymchwilio i rôl ffactorau genetig ac amgylcheddol mewn achosion o orbryder ac iselder ymhlith pobl ifanc yn hanfodol i ddeall y cyflyrau hyn.

Arweinydd Thema

Ymyriadau ar gyfer pobl ifanc sydd â risg deuluol uchel

Ar hyn o bryd rydyn ni’n cynnal ein astudiaeth Sgiliau er Lles y Glasoed (SWELL) flaenllaw lle byddwn yn gweithio gyda phobl ifanc a'u rhieni i ddatblygu ymyriadau newydd i gefnogi teuluoedd lle mae rhiant yn dioddef o iselder.

Arweinydd Thema

Ymyriadau iechyd meddwl mewn ysgolion

Rydyn ni’n edrych ar rôl ysgolion wrth hyrwyddo iechyd meddwl cadarnhaol ymhlith pobl ifanc.

Arweinwyr y themâu

Carfan poblogaeth ac e-ddata cleifion

Mae ein hymchwilwyr ym Mhrifysgol Caerdydd yn gweithio ar y cyd ag arbenigwyr o Brifysgol Abertawe, gan ddefnyddio gwybodaeth sydd ar gael yng Nghymru yn unig er mwyn cael gwell dealltwriaeth o ddeilliannau tymor hir y bobl ifanc sy'n cael profiad o orbryder ac iselder.

Arweinydd Thema

Dulliau meintiol a gwyddoniaeth agored

Thema gyffredinol y Ganolfan gyfan oedd canolbwyntio ar wneud yn siŵr bod ein timau wedi’u hyfforddi’n dda mewn dulliau ymchwil ac arferion gwyddoniaeth agored.

Arweinwyr y themâu