Y Gymraeg yn y gweithle

Rydyn ni'n cynnig cyrsiau Cymraeg ar wahanol lefelau y gellir eu haddysgu yn eich cwmni neu sefydliad.

Mae annog staff i ddysgu Cymraeg yn eich cwmni neu sefydliad yn cynnig llawer o fanteision:

Rhesymau dros ein dewis ni

Gallwn ni deilwra cyrsiau i gyd-fynd yn well ag anghenion penodol eich cwmni neu'ch sefydliad. Yn ogystal, mae gennych yr hyblygrwydd i ddewis dosbarthiadau ar adegau cyfleus yn ystod eich wythnos waith.

Beth arall allwn ni ei gynnig?

• Gallwn ni ddarparu ar gyfer grwpiau bach neu fawr yn ogystal â chynnig sesiynau unigol
• Gallwn ni asesu pob darpar ddysgwr ymlaen llaw i sicrhau ei fod yn mynd i’r cwrs ar y lefel gywir
• Gallwn ni fonitro presenoldeb a chynnydd yn eich cwmni
• Os oes siaradwyr Cymraeg yn eich gweithle ar hyn o bryd, gallwn ni drefnu cwrs mentora i helpu dysgwyr i ddefnyddio eu Cymraeg o ddydd i ddydd
• Bydd cynnal cwrs yn y gweithle yn sicrhau ei fod yn gwrs sy’n addas i’ch staff
• Byddwch yn gallu noddi eich staff i ddod i gwrs prif ffrwd

Ni yw un o ddarparwyr mwyaf y Gymraeg yn y Gweithle ledled Cymru.

Mae ein tîm Cymraeg yn y Gweithle ymroddedig yn sicrhau darpariaeth a boddhad cwsmeriaid o'r radd flaenaf. Mae ein tiwtoriaid wedi'u hyfforddi'n dda, yn brofiadol ac yn wybodus, ac rydyn ni hefyd yn hyfforddi tiwtoriaid ar lefel genedlaethol.

Rydyn ni hefyd yn cynnig sesiynau Ymwybyddiaeth Iaith a gallwn ddarparu cyrsiau pwrpasol ar gais.

Cysylltu â ni

Dros y 30 mlynedd diwethaf, mae miloedd o bobl wedi dysgu a gwella eu sgiliau Cymraeg gyda ni.

Os oes gennych chi unrhyw gwestiynau am ein gwasanaethau neu am sut y gallwn helpu eich busnes neu sefydliad i ffynnu mewn Cymru ddwyieithog, fodern, mae croeso cynnes i chi gysylltu â ni.