Eisteddfod yr Urdd

Mae Eisteddfod yr Urdd yn denu mwy na 15,000 o blant a phobl ifanc bob blwyddyn o Gymru a thu hwnt i gymryd rhan mewn perfformiadau a chystadlaethau drwy gyfrwng y Gymraeg.

Cynhaliwyd yr Eisteddfod ym Maldwyn rhwng 27 Mai a 1 Mehefin 2024 lle daeth mwy na 90,000 o ymwelwyr i Fferm Mathrafal ym Meifod gan gyfrannu hyd at £6miliwn i'r economi leol.

Bydd Eisteddfod yr Urdd Dur a Môr y flwyddyn nesaf yn cael ei chynnal ym Mharc Margam rhwng 26 a 31 Mai 2025.

Ein hymweliad yn 2024

Roedden ni unwaith eto ar y Maes gyda pheth wmbredd o berfformiadau amrywiol a gweithgareddau rhyngweithiol gyda'r nod o ysbrydoli pobl ifanc am yr ystod eang o gyfleoedd sydd ar gael mewn addysg uwch.

Roedd ein llysgennad hoffus, Dylan y Ddraig, yn boblogaidd iawn gydag ymwelwyr a staff drwy gydol yr wythnos.
Cafwyd ysbeidiau o heulwen hwyr y gwanwyn, cynhesrwydd, ac awyr las yn ystod yr ŵyl eleni.
Roedd gennym ni ystod eang o weithgareddau dwyieithog i bobl o bob oed yn Eisteddfod yr Urdd eleni.
Cafodd deintyddion y dyfodol gyfle i ymarfer atgyweirio ceudodau a chymryd argraffau.
Trefnodd ein tîm Ehangu Cyfranogiad brofiad rhithwir hynod boblogaidd drwy gydol yr wythnos.
Roedd gennym aelodau tîm o'n hysgolion a'n hadrannau amrywiol yn rhyngweithio ag unigolion o bob oed trwy gydol yr wythnos.
Rhoddodd y cystadleuwyr gipolwg o'u perfformiadau cyn mynd draw i'r prif lwyfan drwy gydol yr wythnos.
Fe wnaethon ni groesawu cannoedd o bobl i'n lleoliad ar y Maes drwy gydol yr wythnos.
Roedd ein staff ar gael i siarad am yr ystod amrywiol o gyfleoedd sydd ar gael mewn addysg uwch.
Cynhaliodd ein staff Ysgol Deintyddiaeth weithgareddau ymarferol poblogaidd drwy gydol yr wythnos.
Fe wnaethom groesawu corau o bob rhan o Gymru yn ystod yr wythnos.
Roedd gennym ystod eang o weithgareddau ar gael i bobl o bob oed yn ystod yr wythnos.

Y Seremoni Goroni

Roedd hi'n bleser gennym unwaith eto gefnogi un o'r digwyddiadau mwyaf mawreddog a phwysig yn yr Eisteddfod - y seremoni goroni.

Ystyrir y Goron yn un o'r prif wobrau llenyddol yn yr ŵyl a chaiff ei chyflwyno i awdur buddugol y rhyddiaith orau o dros 4,000 o eiriau.

Tegwen Bruce-Deans oedd enillydd y goron yr Eisteddfod eleni, a hynny am ddarn neu ddarnau o ryddiaith ar y thema ‘Terfynau'.

Mae ein partneriaeth ag Eisteddfod yr Urdd yn rhan o'n hymrwymiad i'r iaith Gymraeg a diwylliant Cymru.