Ewch i’r prif gynnwys
Canolfan Ymchwil Awtistiaeth Cymru

Amdanon ni

Cafodd Canolfan Ymchwil Awtistiaeth Cymru ei lansio yn 2010, a hi oedd y ganolfan genedlaethol gyntaf yn y DU i ymchwilio i awtistiaeth.

Grŵp o ymchwilwyr awtistig a heb fod yn awtistig sydd wedi ymrwymo i wneud ymchwil o safon yw Canolfan Ymchwil Awtistiaeth Cymru (WARC). Maen nhw’n gwneud gwahaniaeth cadarnhaol i bobl awtistig, eu teuluoedd, a'r rheini sy'n eu cefnogi.

Mae ein rhaglen ymchwil yn un eang. Mae rhywfaint o'n gwaith yn canolbwyntio ar bennu nodweddion y profiad awtistig. Rydyn ni hefyd yn cynnal ymchwil sy'n edrych ar y prosesau seicolegol a biolegol ynghlwm wrth brofiadau awtistig. Maes ffocws pwysig arall yw ymchwil sy'n datblygu ac yn gwella cymorth i bobl awtistig.

Mae ein hymchwil yn seiliedig ar yr hyn sy'n bwysig i bobl awtistig. Mae'n bwysig inni ein bod yn gweithio gyda'r gymuned awtistig ac y gall pobl awtistig gyfrannu i’n hymchwil mewn ffyrdd ystyrlon. Estynnwn groeso i bobl awtistig gymryd rhan yn WARC drwy Gymuned WARC y Brifysgol.

Yn ogystal â'r gymuned awtistig, rydyn ni hefyd yn gweithio gyda Llywodraeth Cymru, Cyngor Dinas Caerdydd a llawer o bartneriaid cenedlaethol a rhyngwladol eraill. Ar ben hynny, rydyn ni wedi creu cysylltiadau pwysig â gwasanaethau awtistiaeth clinigol ac ysgolion, ac mae’r rhain yn ein cefnogi i wneud ymchwil sy'n gwneud gwahaniaeth.

Gyda'n gilydd, mae ein hymchwil gynhwysfawr yn cael effaith ar fyd polisi, ymarfer ac ymwybyddiaeth y cyhoedd o awtistiaeth.

Ein hanes

Lansiwyd WARC yn 2010 gan y cyfarwyddwr sefydlol, yr Athro Sue Leekam. Dyma oedd y ganolfan genedlaethol gyntaf yn y DU i ymchwilio i awtistiaeth. Mae Dr Catherine Jones wedi arwain y Ganolfan ers Ebrill 2019.

Cewch ddod o hyd inni yn yr Ysgol Seicoleg ac rydyn ni’n rhan o Ganolfan Gwyddoniaeth Datblygiad Dynol Prifysgol Caerdydd (CUCHDS).

Yn 2020, dathlodd WARC ei phen-blwydd yn ddeg oed.

Y ffordd orau o gyrchu ein newyddion diweddaraf yw ein dilyn ar Facebook neu X.

Ein harianwyr

Prosiect unigryw ar y cyd yw’r Ganolfan rhwngAwtistiaeth Cymru acAutistica, yr Ysgol Seicoleg a Llywodraeth Cymru. Cafodd y Ganolfan ei sefydlu diolch i roddion hael gan y sefydliadau hyn yn ogystal â rhoddion gan:

Rydyn ni’n hynod ddiolchgar i’n cyllidwyr sefydlu am eu rôl wrth greu WARC.

Ers y cymorth cydweithredol cychwynnol hwn, rydyn ni hefyd yn ddiolchgar i lawer o arianwyr eraill a fu’n cefnogi ein hymchwilwyr wrth iddyn nhw ddilyn eu prosiectau ymchwil. Ymhlith y cyllidwyr hyn y mae:

  • Ymddiriedaeth Leverhulme
  • Ymchwil Iechyd a Gofal Cymru
  • Sefydliad Waterloo
  • Y Cyngor Ymchwil Economaidd a Chymdeithasol (ESRC)
  • Y Cyngor Ymchwil Feddygol (MRC)
  • rhoddwyr personol sydd wedi cyfrannu'n hael iawn i'r Ganolfan.