Ewch i’r prif gynnwys

Cyfleoedd i ymweld â ni

Rydym yn falch i groesawu grwpiau ysgol i gampws Parc Cathays drwy gydol y flwyddyn academaidd.

Ymweliadau â’r campws

Mae ymweliadau â’r campws yn ffordd wych i fyfyrwyr ddysgu amdano, dysgu rhagor am fywyd myfyrwyr a gofyn unrhyw gwestiynau sydd ganddynt am yr brifysgol.

Yn ystod ymweliad â'r campws bydd myfyrwyr yn derbyn y canlynol:

  • dau gyflwyniad yn cyffwrdd ag agweddau ar fywyd a phrofiadau myfyrwyr
  • taith o amgylch y campws o dan arweiniad myfyrwyr

Mae ymweliadau â’r campws yn bosibl drwy gydol y tymor. Cewch opsiwn o sesiwn fore neu sesiwn brynhawn.

Archebu nawr

Anfonwch e-bost ni drwy schools@caerdydd.ac.uk.

Diwrnodau Agored

Gwyliwch ein fideo Diwrnod Agored

Mae Diwrnodau Agored yn gyfle gwych i fyfyrwyr gael profiad uniongyrchol o sut beth yw astudio a byw ym mhrifddinas Cymru. Bydd y digwyddiad hwn yn rhoi'r wybodaeth sydd ei hangen arnyn nhw i wneud penderfyniad hyderus am eu dyfodol.

Gall myfyrwyr wneud y canlynol:

  • Mynd ar daith o amgylch ein campysau
  • Siarad â myfyrwyr i gael syniad go iawn o sut beth yw bywyd myfyriwr
  • Cwrdd ag academyddion a staff cymorth
  • Dysgu rhagor am ein cyrsiau
  • Gweld ein neuaddau preswyl
  • Gweld yr ardal leol a phrofi bywyd yng Nghaerdydd

Os oes gennych chi ddiddordeb mewn dod â grŵp ysgol i un o'n Diwrnodau Agored, cysylltwch â'r tîm digwyddiadau yn uniongyrchol drwy anfon e-bost openday@caerdydd.ac.uk.

Ysgolion academaidd

Pan fydd amgylchiadau'n caniatáu, mae ein hysgolion academaidd yn aml yn cynnal digwyddiadau ar y campws ar gyfer athrawon a disgyblion mewn gwahanol gyfnodau allweddol. Chwiliwch am ein gweithgareddau ymgysylltu ag ysgolion a cholegau.

Yn ogystal â Diwrnodau Agored y Brifysgol, mae’r Ysgol Meddygaeth yn cynnal digwyddiadau arbennig i roi gwybodaeth. Mae’r rhain yn rhoi’r cyfle i ddarpar fyfyrwyr, athrawon, ymgeiswyr a chynghorwyr gyrfaoedd gael dealltwriaeth fanylach o gyrsiau’r Ysgol a'r cyfleusterau sydd ar gael.

Taith rithwir

Eisiau rhagor o wybodaeth? Ewch ar daith rithwir o amgylch y campws a’r ddinas.