Cymraeg

Pa fath o brofiad y gallwch ei ddisgwyl yn astudio Cymraeg yn y brifddinas? Mae’r ateb, fel y pwnc, yn amrywiol, yn gyffrous ac yn esblygu drwy’r amser.

Rhesymau dros astudio gyda ni

Rydym wedi ymrwymo i ddatblygu iaith, cymdeithas a hunaniaeth Cymru gyfoes drwy addysg ac ymchwil o'r safon uchaf. Ymunwch â ni a helpu i lunio dyfodol ieithyddol, diwylliannol ac economaidd Cymru. Rydym yn cynnig meysydd astudio unigryw - megis astudiaethau cyfieithu, treftadaeth a thwristiaeth, sosioieithyddiaeth, caffael iaith, tafodieitheg a llenyddiaeth - sy'n berthnasol i'r Gymraeg yng Nghymru heddiw.

Cael effaith

Yn sail i'n haddysgu, mae ein hymchwil effeithiol ac uchel ei pharch yn creu newid diwylliannol, cymdeithasol a gwleidyddol cadarnhaol.

Gwaith ymarferol

Mireinio eich sgiliau proffesiynol gyda chyfnod o brofiad gwaith yn yr ail flwyddyn a modiwlau sy'n gysylltiedig â'r Gymraeg yn y gweithle.

Dau mewn un

Cyfunwch y Gymraeg â phwnc arall sy’n agos at eich calon - mae gennym ni lawer o raglenni cydanrhydedd i ddewis ohonynt.

Cyrsiau

Blwyddyn mynediad

Cymraeg a Cherddoriaeth (BA)

Amser llawn, 3 blwyddyn

Mae gradd Gydanrhydedd Cerddoriaeth a Chymraeg yn gyfle i arbenigo mewn dau bwnc anrhydedd yn y Brifysgol.

Cymraeg a Gwleidyddiaeth (BA)

Amser llawn, 3 blwyddyn

Mae Gwleidyddiaeth a Chymraeg BA (Cyd-anrhydedd) yn rhoi'r cyfle i astudio damcaniaeth lywodraethol a gwleidyddol ar y cyd â'r Gymraeg, ei llenyddiaeth a'i diwylliant.

Cymraeg a Hanes (BA)

Amser llawn, 3 blwyddyn

Mae ein rhaglen Cymraeg a Hanes (BA) gydanrhydedd ddeinamig yn eich galluogi i astudio’r iaith Gymraeg, ei llenyddiaeth a’i diwylliant, tra’n archwilio a deall adegau allweddol mewn hanes.

Cymraeg a Llenyddiaeth Saesneg (BA)

Amser llawn, 3 blwyddyn

Datblygwch eich sgiliau beirniadol a chreadigol wrth archwilio eich angerdd a diddordeb mewn llenyddiaeth a diwylliant Cymraeg a Saesneg.

Cymraeg a Newyddiaduraeth (BA)

Amser llawn, 3 blwyddyn

Cyfuno astudiaeth fanwl o'r Gymraeg - iaith, llenyddiaeth a diwylliant - gyda dealltwriaeth eang o newyddiaduraeth.

Cymraeg ac Addysg (BA)

Amser llawn, 3 blwyddyn

Mae BA Addysg a Chymraeg (Cydanrhydedd) yn rhoi cyfle i fyfyrwyr Cymraeg iaith gyntaf astudio'r Gymraeg ochr yn ochr â theori polisi a datblygu addysgol – gan arwain at nifer o wahanol yrfaoedd posibl yn y system addysg yng Nghymru.

Cymraeg ac Athroniaeth (BA)

Amser llawn, 3 blwyddyn

Datblygwch eich sgiliau iaith, archwilio llenyddiaeth Gymraeg a diwylliant Cymru, a dysgu sut y gellir defnyddio syniadau athronyddol i fynd i'r afael â phroblemau cymhleth sy'n wynebu cymdeithas heddiw.

Cymraeg ac Iaith Fodern (BA)

Llawn amser gyda blwyddyn dramo, 4 blwyddyn

Archwiliwch lenyddiaeth a diwylliant, datblygwch eich sgiliau iaith a dod yn ddinesydd byd-eang sy'n meddwl yn feirniadol ac yn greadigol.

Cymraeg ac Ieithyddiaeth (BA)

Amser llawn, 3 blwyddyn

Llywiwch rhwng y Gymraeg a'r Saesneg i archwilio sut mae iaith yn gweithio mewn cyd-destunau cymdeithasol, proffesiynol a diwylliannol.

Rheoli Busnes a Chymraeg gyda Blwyddyn o Leoliad Proffesiynol (BSc)

Llawn amser gyda blwyddyn ryngosodr, 4 blwyddyn

Mae’r cwrs BSc Rheoli Busnes a’r Gymraeg yn un arloesol a modern sy’n ceisio cyfuno prif elfennau gradd Rheoli Busnes ag astudio’r Gymraeg a diwylliant Cymru ac yn paratoi myfyrwyr ar gyfer cyfleoedd o fewn y farchnad lafur newidiol yng

Rheoli Busnes gyda’r Gymraeg (BSc)

Amser llawn, 3 blwyddyn

Y Gyfraith gyda'r Gymraeg (LLB)

Amser llawn, 3 blwyddyn

Ennill sylfaen drylwyr yn theori ac ymarfer y gyfraith, gweithio gydag ymchwilwyr academaidd uchel eu parch ac ymarferwyr cyfreithiol profiadol, sgiliau dwyieithog uwch, a dilyn eich angerdd am lên, iaith a diwylliant Cymru.

Y Gymraeg (BA)

Amser llawn, 3 blwyddyn

Ymunwch â chymuned gyffrous a heriol i ddod o hyd i gyfoeth y Gymraeg, ei llenyddiaeth a'i diwylliant.

Ein fideos

Astudio Cymraeg ym Mhrifysgol Caerdydd

Mae ein tiwtor derbyn, Dr Elen Ifan, yn sôn am bwysigrwydd astudio Cymraeg a’r yrfaoedd y gall gradd yn y Gymraeg arwain atyn nhw.

Gwnewch eich marc yng Nghymru fodern a thu hwnt

Mae ein cynfyfyrwyr yn mynd i ystod o wahanol rolau ar draws y sector cyhoeddus, preifat a'r trydydd sector, gyda llawer yn cyfrannu'n sylweddol at dirweddau cymdeithasol, gwleidyddol a diwylliannol Cymru. Dal i fyny gyda rhai o'n graddedigion diweddar wrth iddynt fyfyrio ar sut y gwnaeth eu profiadau academaidd gyda ni helpu i gefnogi, a llywio datblygiad eu gyrfa. (Dim ond yn Gymraeg mae'r fideo hwn ar gael)

Ers symud i Gaerdydd, rwyf wedi cael fy synnu gan yr amrywiaeth o siopau, bwytai, diwylliannau a phethau i'w gwneud o fewn terfynau'r ddinas, heb hyd yn oed sôn am y pethau sydd ar gael dim ond taith feic fer i ffwrdd. Mae'r ddinas wedi ei gwneud hi'n hawdd cymdeithasu â phobl newydd a chael eich traed tanoch yn gyflym.

Deio Owen Cymraeg a Gwleidyddiaeth (BA)

Eich profiad yng Nghaerdydd

Rhoi hwb i’ch gyrfa

Fel arfer rydym yn gwarantu cyfnod o brofiad gwaith i bob myfyriwr drwy ein modiwl Yr Iaith ar Waith ac mae gennym berthynas ardderchog ag ystod o gyflogwyr cyffrous ar draws gwahanol sectorau gan gynnwys y celfyddydau, addysg, y cyfryngau, gwleidyddiaeth a threftadaeth. Dyma gyfle gwych i brofi eich dysgu mewn gweithle lle defnyddir y Gymraeg bob dydd a datblygu eich sgiliau proffesiynol.

Cofleidio’r gymuned

Mae yna gyfoeth o weithgareddau a chyfleoedd cymdeithasol a diwylliannol i chi eu mwynhau, o fewn yr ysgol, y brifysgol ac wrth gwrs ar draws y ddinas. Ymunwch â'r Gymdeithas Gymraeg a mwynhewch gymdeithasau a theithiau - neu os mai perfformio yw'r hyn y mae gennych ddiddordeb ynddo - cymerwch ran yn Aelwyd y Waun Ddyfal a'i chôr llwyddiannus.

Dod i'n hadnabod ni

Profiad i'w gofio - myfyrdodau myfyrwyr am fywyd yn y brifddinas

Mae canlyniadau bodlonrwydd ein myfyrwyr yn uchel yn gyson. Dyma farn rhai ohonynt am eu profiadau bythgofiadwy gyda ni a'r cyfoeth o gyfleoedd - cymdeithasol, diwylliannol a phroffesiynol - a oedd ar gael iddynt. (Dim ond yn Gymraeg mae'r fideo hwn ar gael)

Dr Dylan Foster Evans

Pennaeth yr Ysgol

Dr Siwan Rosser

Uwch Ddarlithydd

Dr Jon Morris

Uwch Ddarlithydd

Yr Athro Diarmait Mac Giolla Chríost

Uwch Ddarlithydd

Dr Rhiannon Marks

Uwch Ddarlithydd

Cadi Rhys Thomas

Rheolwr yr Ysgol

Dr David Callander

Uwch Ddarlithydd

Dr Llewelyn Hopwood

Cydymaith Ymchwil

Dr Angharad Naylor

Uwch Ddarlithydd

Dr Elen Ifan

Darlithydd

Dr Iwan Rees

Uwch Ddarlithydd

Dr Llion Pryderi Roberts

Uwch Ddarlithydd

Mae Ysgol y Gymraeg yn gymuned hynod glos sy'n cynnig dulliau addysgu arloesol a safonau uchel iawn. Mae'r staff i gyd yn gefnogol, angerddol a brwdfrydig iawn, ac maen nhw hefyd bob amser yn hapus i helpu. Gwnaethon nhw’r darlithoedd yn bleserus, ysgogi fy niddordeb mewn meysydd newydd a gwneud yr ysgol yn lle cyffrous i astudio.

Ellie-Jo Thomas Cymraeg (BA)

Rhagor o wybodaeth am ein hysgol

Rydym wedi ein lleoli yn Adeilad John Percival ar gampws Parc Cathays. Ychydig funudau o Undeb y Myfyrwyr, llyfrgelloedd a gwasanaethau cymorth y brifysgol, a gallwch gerdded i ganol y ddinas o fewn 10 munud.

Rydym hefyd wedi ein lleoli’r drws nesaf i Lyfrgell y Celfyddydau a'r Gwyddorau Cymdeithasol, sy’n gartref i gasgliad o weithiau ac archifau perthnasol, gan gynnwys Casgliad clodfawr Caersallog.