Radiotherapi

Mae radiotherapyddion yn gweithio'n agos gyda meddygon, ffisegwyr meddygol ac aelodau eraill o'r tîm gofal iechyd i ddarparu gofal personol a chefnogol i bobl o bob oed, sydd yn aml â chlefyd sy'n peryglu bywyd.

Pam y dylech astudio gyda ni

1af yn y DU

Yn ôl y Complete University Guide 2021 ein rhaglen Radiotherapi ac Oncoleg (BSc) yw’r un orau yn y DU (*fel sefydliad sy’n cynnig Radiotherapi ac Oncoleg o dan y categori Technoleg Feddygol).

Bodlonrwydd myfyrwyr

Cawsom 100% o adborth cadarnhaol am ein cwrs gan fyfyrwyr yn yr Arolwg Cenedlaethol o Fyfyrwyr 2019.

Rydym yn rhyngwladol

Rydym wedi ymrwymo i alluogi ein myfyrwyr i gael profiad dysgu rhyngwladol.

Ein lleoliad

Mae prif adeilad ein Hysgol yng nghalon ysbyty mwyaf Cymru – felly byddwch yn cael eich trochi mewn amgylchedd gofal iechyd go iawn o'r diwrnod cyntaf un.

Caiff ein rhaglen ei hariannu

Mae bwrsariaeth lawn gan y GIG ar gael ar gyfer ein rhaglenni, os ydych yn bodloni ein gofynion cymhwysedd. Mae’n cynnwys ffioedd dysgu a bwrsariaeth nad yw’n ad-daladwy ar gyfer costau byw.

Ein cyfleusterau

Mae ein hystafelloedd efelychu a’n cyfarpar blaengar yn adlewyrchu’r amgylcheddau gofal iechyd lle byddwch yn ymgymryd â lleoliadau gwaith, ac yn y pen draw, yn mynd yn eich blaen i fod yn weithwyr proffesiynol cymwys.

Cyrsiau

Blwyddyn mynediad

Radiotherapi ac Oncoleg (BSc)

Amser llawn, 3 blwyddyn

Beth am ymuno â rhaglen sydd ymhlith 10 gorau’r DU yng nghategori <i>Medical Technology </i>yn ôl The Complete University Guide 2019, ac sydd wedi’i hachredu gan Gymdeithas a Choleg y Radiograffwyr?

Ein sgwrs

Mae'r Tiwtor Derbyn Radiotherapi ac Oncoleg (BSc), Paul Brown, yn rhoi trosolwg o'r cwrs - o'r ffordd y caiff ei strwythuro, i roi cyngor ar sut i wneud cais.

Rwy’n dwlu ar astudio radiograffeg yng Nghaerdydd oherwydd bod y cwrs yn gyfuniad o ddysgu academaidd a dysgu clinigol. Gallwch fod yn astudio oncoleg organ un wythnos, a’r wythnos nesaf, byddwch yn rhoi’r ddealltwriaeth sydd gennych ar waith mewn adran.

Sophie Myfyriwr Radiotherapi ac Oncoleg (BSc)

Cewch glywed gan un o'n myfyrwyr

Mae Jordan, sy'n fyfyriwr Radiotherapi a Oncoleg (BSc), yn sôn am ei brofiad o astudio gyda ni.

Mae'r lleoliadau'n wych ac rydych chi'n cael rhoi'r hyn rydych chi wedi'i ddysgu ar waith yn syth.

Jake Myfyriwr Radiotherapi ac Oncoleg (BSc)

Cyfleoedd gofal iechyd byd-eang

Rydym wedi ymrwymo i alluogi ein myfyrwyr i gael profiad dysgu rhyngwladol. Yn 2019, teithiodd dros 100 o fyfyrwyr israddedig gofal iechyd a chawsant brofiad o ofal iechyd dramor.

Ble yn y byd y byddech chi'n mynd?

Darllenwch am brofiadau ein myfyrwyr

Dewch i fod yn rhan o rywbeth arbennig

Ydych chi am ddewis cwrs sy'n gwneud gwahaniaeth go iawn? Gyda chyrsiau hygyrch, darlithwyr ysbrydoledig, a gwneud ffrindiau oes, rhyddhewch eich potensial gyda ni a dechrau gyrfa y byddwch chi'n ymfalchïo ynddo.