Radiograffeg

Mae radiograffwyr yn aelodau allweddol o'r tîm gofal iechyd sy'n gweithio'n agos gyda meddygon, a gweithwyr gofal iechyd proffesiynol eraill i ddarparu gofal personol a chefnogol i bobl o bob oed.

Pam y dylech astudio gyda ni

1af yn y DU

Yn ôl y Complete University Guide 2021 ein rhaglen Radiograffeg Ddiagnostig a Delweddu (BSc) yw’r un orau yn y DU (*fel sefydliad sy’n cynnig Radiograffeg Ddiagnostig a Delweddu o dan y categori Technoleg Feddygol).

Ein cysylltiadau

Mae gennym gysylltiadau agos â Chymdeithas a Choleg y Radiograffyddion a chyrff proffesiynol allweddol eraill.

Rydym yn rhyngwladol

Rydym wedi ymrwymo i alluogi ein myfyrwyr i gael profiad dysgu rhyngwladol.

Ein lleoliad

Mae prif adeilad ein Hysgol yng nghalon ysbyty mwyaf Cymru – felly byddwch yn cael eich trochi mewn amgylchedd gofal iechyd go iawn o'r diwrnod cyntaf un.

Caiff ein rhaglen ei hariannu

Mae bwrsariaeth lawn gan y GIG ar gael ar gyfer ein rhaglenni, os ydych yn bodloni ein gofynion cymhwysedd. Mae’n cynnwys ffioedd dysgu a bwrsariaeth nad yw’n ad-daladwy ar gyfer costau byw.

Ein cyfleusterau

Mae ein hystafelloedd efelychu a’n cyfarpar blaengar yn adlewyrchu’r amgylcheddau gofal iechyd lle byddwch yn ymgymryd â lleoliadau gwaith, ac yn y pen draw, yn mynd yn eich blaen i fod yn weithwyr proffesiynol cymwys.

Cyrsiau

Blwyddyn mynediad

Radiograffeg a Delweddu Diagnostig (BSc)

Amser llawn, 3 blwyddyn

Wedi’i dilysu gan Fwrdd Radiograffeg Cyngor y Proffesiynau Gofal Iechyd a Chymdeithas a Choleg y Radiograffyddion, mae’r rhaglen Radiograffeg a Delweddu Diagnostig (BSc) yn cynnig cyfleoedd gyrfa ardderchog.

Ymarfer Cynorthwyydd Radiograffig (Delweddu Clinigol) (CertHE)

Amser llawn, 1 blwyddyn

Mae’r rhaglen Ymarferydd Cynorthwyol yn gwrs wasanaeth mewnol, amser llawn diwrnod astudio wedi’i ddylunio ar gyfer gweithwyr cefnogi'r GIG sy’n dymuno datblygu eu sgiliau a rôl fel aelod o’r tîm radiograffeg.

Ein sgwrs

Mae'r Tiwtor Derbyn Radiograffeg a Delweddu Diagnostig (BSc), Gareth Thomas, yn rhoi trosolwg o'r cwrs - o'r ffordd y caiff ei strwythuro, i roi cyngor ar sut i wneud cais.

Mae mynd ar leoliad yn gyfle gwych i roi’r hyn rwyf wedi’i ddysgu ar waith a magu fy hyder.

Lleucu Myfyriwr Radiograffeg Ddiagnostig a Delweddu (BSc).

Cewch glywed gan un o'n myfyrwyr

Mae myfyriwr trydedd flwyddyn Radiograffeg Ddiagnostig a Delweddu (BSc), Calum, yn siarad am ei brofiad o astudio gyda ni.

Mae gen i'r hyder nawr i fynd i helpu pobl.

Ashleigh Myfyriwr Radiograffeg Ddiagnostig a Delweddu (BSc).

Cyfleoedd gofal iechyd byd-eang

Rydym wedi ymrwymo i alluogi ein myfyrwyr i gael profiad dysgu rhyngwladol. Yn 2019, teithiodd dros 100 o fyfyrwyr israddedig gofal iechyd a chawsant brofiad o ofal iechyd dramor.

Ble yn y byd y byddech chi'n mynd?

Darllenwch am brofiadau ein myfyrwyr

Dewch i fod yn rhan o rywbeth arbennig

Ydych chi am ddewis cwrs sy'n gwneud gwahaniaeth go iawn? Gyda chyrsiau hygyrch, darlithwyr ysbrydoledig, a gwneud ffrindiau oes, rhyddhewch eich potensial gyda ni a dechrau gyrfa y byddwch chi'n ymfalchïo ynddo.