Ffiseg a seryddiaeth

Rhesymau dros astudio gyda ni

Yma yn Ysgol Ffiseg a Seryddiaeth Prifysgol Caerdydd, byddwch chi’n dysgu am ymchwil gwyddoniaeth gyffrous a blaengar, a byddwch chi hefyd yn rhan o Ysgol gyfeillgar ac agos atoch chi, lle y bydd y staff yn gwneud eu gorau glas i’ch helpu chi i ddatblygu’r sgiliau a’r galluoedd a fydd yn caniatáu i chi lwyddo yn eich gyrfa yn y dyfodol. Mae cymaint o resymau i astudio gyda ni!

Ymhlith y 10 prifysgol uchaf

Rydyn ni ymhlith y 10 prifysgol gorau ar gyfer ffiseg yn y DU (prifysgolion gorau'r DU 2024 The Guardian)

Mae ein myfyrwyr yn ein gwerthfawrogi ni

Rydyn ni’n cael sgorau boddhad uchel gan ein myfyrwyr yn gyson yn Arolwg Cenedlaethol y Myfyrwyr (gan gyflawni cyfartaledd o fwy na 90% am y pum mlynedd diwethaf).

Cyfleoedd gyrfa gwych

Mae 95% o’n graddedigion yn gweithio, yn astudio ymhellach neu’n gwneud y ddau 15 mis ar ôl gorffen eu cwrs (arolwg Hynt Graddedigion 2021/22).

Mae ymchwilwyr o fri rhyngwladol yn cyfrannu at ddylunio'r cwrs a'i gyflwyno

Mae 99% o’n hymchwil yn arwain y byd neu’n rhagorol yn rhyngwladol (Fframwaith Rhagoriaeth Ymchwil (REF) 2021). Byddwch yn cael eich addysgu gan ymchwilwyr sydd yn arloesi yn eu meysydd.

Lleoliadau gwaith proffesiynol

Mae ein cyrsiau Ffiseg a Ffiseg gyda Seryddiaeth yn cynnig yr opsiwn i ymgymryd â blwyddyn ar leoliad proffesiynol, a gallwch chi wneud lleoliad dros yr haf ar unrhyw gwrs.

Achredir gan yr IOP.

Mae’r rhaglen hon yn bodloni’r safonau addysg uchel a amlinellir gan y Sefydliad Ffiseg (IOP).

Cyrsiau

Blwyddyn mynediad

Astroffiseg (BSc)

Amser llawn, 3 blwyddyn

Mae’r BSc mewn Astroffiseg yn radd israddedig tair blynedd sy’n cwmpasu cysyniadau mathemategol a ffisegol craidd gyda ffocws clir ar ein dehongliad o’r Bydysawd.

Astroffiseg (MPhys)

Amser llawn, 4 blwyddyn

Mae'r MPhys mewn Astroffiseg yn radd israddedig pedair blynedd lle gallwch archwilio meysydd seryddiaeth ac astroffiseg yn fanwl wrth ddatblygu sylfaen gadarn mewn ffiseg a mathemateg a fydd yn rhoi cyfleoedd gyrfa ardderchog i chi.

Ffiseg (BSc)

Amser llawn, 3 blwyddyn

Dyluniwyd y radd BSc Ffiseg i roi addysg ffiseg eang i chi, yn ogystal â rhoi amrywiaeth eang o sgiliau cyfrifiadurol a mathemategol i chi.

Ffiseg (MPhys)

Amser llawn, 4 blwyddyn

Mae hwn yn gwrs delfrydol i'r rhai sydd ag angerdd am ffiseg ac sy'n dymuno archwilio'r pwnc yn fanylach, tra'n datblygu sgiliau mathemategol, cyfrifiadura a datrys problemau uwch.

Ffiseg gyda Ffiseg Feddygol (BSc)

Amser llawn, 3 blwyddyn

Mae'r cwrs wedi'i gynllunio i roi'r sgiliau craidd sydd eu hangen arnoch mewn ffiseg, mathemateg a chyfrifiadureg, yn ogystal â dealltwriaeth o sut y cânt eu cymhwyso i'r meysydd arbenigol niferus o ffiseg feddygol.

Ffiseg gyda Lleoliad Gwaith Proffesiynol (BSc)

Llawn amser gyda blwyddyn ryngosodr, 4 blwyddyn

Mae'r cwrs pedair blynedd hwn ar gyfer pobl sydd â diddordeb gwirioneddol yn y byd o'u cwmpas ac sydd â meddyliau, ond sydd hefyd am gaffael y sgiliau craidd a werthfawrogir fwyaf gan gyflogwyr.

Ffiseg gyda Lleoliad Gwaith Proffesiynol (MPhys)

Llawn amser gyda blwyddyn ryngosodr, 5 blwyddyn

Byddwch yn archwilio'r ffiseg sy'n ein helpu i ddeall y Bydysawd, meithrin sgiliau uwch mewn ffiseg, mathemateg a chyfrifiadureg, a chael cyfle i dreulio blwyddyn ar leoliad mewn diwydiant, busnes neu'r sector cyhoeddus.

Ffiseg gyda Seryddiaeth (MPhys)

Amser llawn, 4 blwyddyn

Bydd ein gradd israddedig pedair blynedd mewn Ffiseg gyda Seryddiaeth yn eich galluogi i ddilyn eich angerdd am seryddiaeth wrth ddatblygu eich sgiliau yn y disgyblaethau craidd, a fydd yn eich helpu i gyflawni eich gyrfa ddelfrydol.

Ffiseg gyda Seryddiaeth (BSc)

Amser llawn, 3 blwyddyn

Mae ein gradd Ffiseg a Seryddiaeth yn cynnig cyfle i chi astudio'r wyddoniaeth y tu ôl i esblygiad ein Bydysawd tra'n ennill sgiliau cadarn mewn ffiseg, mathemateg a chyfrifiadureg, a gofynnir am bob un ohonynt mewn llawer o broffesiynau.

Ffiseg gyda Seryddiaeth gyda Lleoliad Gwaith Proffesiynol (BSc)

Llawn amser gyda blwyddyn ryngosodr, 4 blwyddyn

Byddwch yn gallu dilyn eich diddordeb mewn Ffiseg a Seryddiaeth, wrth ddatblygu sgiliau mewn mathemateg a chyfrifiadureg, a chymryd blwyddyn lleoliad a fydd yn gwella eich sgiliau cyflogadwyedd.

Ffiseg gyda Seryddiaeth gyda Lleoliad Gwaith Proffesiynol (MPhys)

Llawn amser gyda blwyddyn ryngosodr, 5 blwyddyn

Mae'r cwrs gradd hwn gyda chyfle lleoliad yn eich galluogi i ddilyn eich diddordeb mewn Seryddiaeth a Ffiseg, gan roi'r sgiliau cyflogadwyedd sydd eu hangen arnoch i gael eich gyrfa ddelfrydol.

Pan oeddwn i’n gorffen fy astudiaethau Lefel A roeddwn i’n hoffi ffiseg lled-ddargludyddion, ffiseg cyflwr solet, a hefyd astroffiseg. Doeddwn i ddim yn siŵr iawn pa un roeddwn i eisiau ei wneud yn y tymor hir. Dewisais Brifysgol Caerdydd gan fod ganddi enw da ym mhob un o’r meysydd hyn - roedd yn rhan o ddarganfod tonnau disgyrchol yn 2015 ac mae yna adran mater cyddwysedig a ffotoneg weithredol iawn, wedi'i lleoli yn y Ganolfan Ymchwil Drosi newydd.

Lille, MPhys Ffiseg

Astudio gyda ni

Dyma Dr Chris North, Dr Sarah Ragan a Dr Naresh Gunasekar yn rhoi trosolwg o'n cyrsiau ffiseg a seryddiaeth a'r gwahanol opsiynau sydd ar gael i chi.

Darlith Ragflas: Tyllau Duon

Gadewch i Dr Chris North eich cymryd chi ar daith i esbonio’r wyddoniaeth y tu ôl i dyllau duon.

Gyrfaoedd

Bydd gradd mewn ffiseg neu seryddiaeth yn eich galluogi chi i wneud gwahaniaeth. Mae ffisegwyr yn cael eu cyflogi yn fwyfwy mewn amrywiaeth o sectorau, gan gynnwys y gwyddorau data a ffiseg feddygol. Yn dibynnu ar eich diddordebau, efallai y byddwch am fod yn beiriannydd awyrofod, yn astroffisegydd neu'n beilot, neu'n gweithio yn y sectorau bancio, lled-ddargludyddion cyfansawdd, niwclear neu ymchwil.

Roedd 94% o'n graddedigion mewn cyflogaeth a/neu astudiaethau pellach, ar fin dechrau swydd neu gwrs newydd, neu’n gwneud gweithgareddau eraill, megis teithio, 15 mis ar ôl diwedd eu cwrs (data HESA).

Barn ein myfyrwyr

Beth sy’n ein gwneud ni’n arbennig?

Dyma ein myfyrwyr presennol yn rhannu eu safbwyntiau ac yn rhannu beth sy’n ein gosod ni ar wahân i’r gweddill.

Pa gyngor sydd gan ein myfyrwyr presennol?

Dyma fyfyrwyr yn rhannu eu cyngor, a fydd yn werthfawr i unrhyw un sy’n ystyried gwneud cais ar gyfer cwrs Ffiseg a Seryddiaeth ym Mhrifysgol Caerdydd.

Beth yw’r peth gorau am ffiseg ym Mhrifysgol Caerdydd?

Dyma Jennifer, un o’n fyfyrwyr, sy’n trafod y cyfleoedd arbennig mae hi wedi’u cael yma yn ein Hysgol.

Ffiseg a Seryddiaeth: Barn myfyriwr graddedig

Dyma Joelle yn dweud wrthoch chi sut beth oedd astudio yn yr Ysgol Ffiseg a Seryddiaeth, ac yn trafod beth mae hi’n ei wneud nawr.

Ffiseg a Seryddiaeth: Barn myfyriwr graddedig

Graddiodd Joe yn 2018 gyda gradd mewn Ffiseg, ac mae bellach yn rhedeg ei gwmni awyrofod ei hun yn adeiladu rocedi. Gwrandewch ar stori Joe.

Ffiseg a Seryddiaeth: Barn myfyriwr graddedig

Mae Lille, sydd wedi graddio ag MPhys yn ddiweddar, yn rhannu ei phrofiadau ac yn rhoi cipolwg o sut beth yw astudio Ffiseg ym Mhrifysgol Caerdydd.

Ein cyfleusterau

Pob cyfleuster Mannau addysgu Llyfrgelloedd a mannau astudio Labordai Mannau cymdeithasol Cyfleusterau arbenigol

Gweld ar ffurf rhestr
Gweld ar ffurf map

Ein Hysgol

Wedi'i leoli yn Adeiladau'r Frenhines

Mae’r ysgol Ffiseg a Seryddiaeth yn rhan o Adeiladau’r Frenhines, sef canolfan gwerth miliynau o bunnoedd sydd yng nghanol y brifddinas ac yn agos at gysylltiadau teithio lleol a chenedlaethol, gyda’r brif ganolfan siopa, parciau, ac adloniant ar garreg ein drws.

Llyfrgell Trevithick

Wedi'i leoli yn Adeilad Trevithick

Mae Llyfrgell Trevithick yn darparu adnoddau gwybodaeth ar gyfer peirianneg, cyfrifiadureg a gwybodeg, ffiseg a seryddiaeth. Mae wedi’i lleoli ar lawr cyntaf Adeilad Trevithick yn The Parade oddi ar Heol Casnewydd.

Bwyty Trevithick

Wedi'i leoli yn Adeilad Trevithick

Mae Bwyty Trevithick wedi’i leoli ar lawr gwaelod Adeilad Trevithick.

Canolfan Ymchwil Delweddu’r Ymennydd Prifysgol Caerdydd (CUBRIC)

Cyfleuster gwerth £44 miliwn a agorwyd yn 2016 yw CUBRIC, ac mae ganddo ystod o labordai lle mae ein hymchwilwyr yn gweithio ar ddelweddu’r ymennydd. Mae ei ystod trawiadol o offer niwroddelweddu eisoes wedi arwain at ymchwil o safon fyd-eang, ac mae bellach yn ein helpu ni i wneud yr un fath wrth gymhwyso egwyddorion ffiseg i brosesau biolegol yr ymennydd.

Facilities at the Institute for Compound Semiconductors

Sefydliad Lled-ddargludyddion Cyfansawdd

Wedi'i leoli yn Adeiladau'r Frenhines

Mae’r sefydliad yn darparu cyfleusterau o’r radd flaenaf sy’n helpu ymchwilwyr a’r diwydiant i gydweithio. Bydd yn cael ei symud yn fuan i’n Campws Arloesedd newydd gwerth £300 miliwn ar Heol Maendy.

Technician holding a transparent wafer in cleanroom

Ystafelloedd glân

Wedi'i leoli yn Adeiladau'r Frenhines

Mae gennyn ni ddwy ystafell lân dosbarth-1000, gyda gallu arbrofol a damcaniaethol helaeth. Ystafell lân 225 medr sgwâr gwerth £4miliwn sydd wedi’i hadnewyddu yw un o’r rhain; wedi’i lleoli yn Adeiladau’r Frenhines.

Canolfan Bywyd y Myfyrwyr

Mae'n hawdd cerdded o'r Ysgol i gartref newydd Undeb y Myfyrwyr, gwasanaethau cymorth i fyfyrwyr a dewis mawr o siopau, bwytai a lleoedd astudio.

Amgueddfa Cymru

Mae Amgueddfa Cymru dafliad carreg i ffwrdd, ac felly bydd gennych chi fynediad hawdd i'w horielau arddangos a'u casgliadau trawiadol.

Labordy

Wedi'i leoli yn Adeiladau'r Frenhines

Labordy nodweddiadol yw hwn lle gallai myfyrwyr ffiseg gynnal arbrofion a sesiynau ymarferol.

Astudiaethau achos gan ein graddedigion

Bydd gradd mewn ffiseg neu seryddiaeth yn eich galluogi chi i wneud gwahaniaeth. Bydd yn eich dysgu chi i feddwl, datrys problemau, esbonio, a gwella eich sgiliau mathemategol a pheirianneg, gan ganiatáu i chi ddilyn llawer o wahanol lwybrau gyrfa. Edrychwch i weld beth mae ein graddedigion blaenorol wedi eu gwneud.

Rhoi hwb i’ch CV

Rydyn ni’n annog ein myfyrwyr i rannu eu hangerdd a'u brwdfrydedd ynghylch gwyddoniaeth a datblygu sgiliau o ran ymgysylltu â’r cyhoedd os mae hyn o ddiddordeb iddyn nhw. Gallai hyn gynnwys rhoi cyflwyniadau cyhoeddus, datblygu adnoddau addysgol ar gyfer athrawon, gweithio gydag ysgolion neu geisio cael y cyhoedd i gymryd rhan mewn gwaith ymchwil.

Two students working in the UG Physics lab.

Rydyn ni’n gwerthfawrogi cydraddoldeb ac amrywiaeth

Mae'r Ysgol Ffiseg a Seryddiaeth wedi ymrwymo'n gadarn i gydraddoldeb ac amrywiaeth ac yn gwerthfawrogi pob un o'i myfyrwyr a’i staff. Yn ddiweddar cawson ni statws Hyrwyddwr Juno gan y Sefydliad Ffiseg ar gyfer ein hymrwymiad i fenywod ym myd ffiseg.