Bydwreigiaeth

Dysgwch ddod yn weithiwr proffesiynol blaenllaw yng ngofal menywod, pobl feichiog, babanod newydd-anedig a theuluoedd.

Pam y dylech astudio gyda ni

Ein cyfleusterau

Mae ein hystafelloedd efelychu a’n cyfarpar blaengar yn adlewyrchu’r amgylcheddau gofal iechyd lle byddwch yn ymgymryd â lleoliadau gwaith, ac yn y pen draw, yn mynd yn eich blaen i fod yn weithwyr proffesiynol cymwys.

Canolfan Gydweithio Sefydliad Iechyd y Byd

Rydym yn un o Ganolfannau Cydweithio Sefydliad Iechyd y Byd (WHO) ar gyfer Datblygu Bydwreigiaeth. Ni yw'r unig ganolfan yn y rhanbarth Ewropeaidd.

Rydym yn rhyngwladol

Rydym wedi ymrwymo i alluogi ein myfyrwyr i gael profiad dysgu rhyngwladol.

Ein lleoliad

Mae prif adeilad ein Hysgol yng nghalon ysbyty mwyaf Cymru – felly byddwch yn cael eich trochi mewn amgylchedd gofal iechyd go iawn o'r diwrnod cyntaf un.

Caiff ein rhaglen ei hariannu

Mae bwrsariaeth lawn gan y GIG ar gael ar gyfer ein rhaglenni, os ydych yn bodloni ein gofynion cymhwysedd. Mae’n cynnwys ffioedd dysgu a bwrsariaeth nad yw’n ad-daladwy ar gyfer costau byw.

Cyrsiau

Blwyddyn mynediad

Bydwreigiaeth (BMid)

Amser llawn, 3 blwyddyn

Bydd ein rhaglen bydwreigiaeth yn rhoi i chi’r sgiliau angenrheidiol i ddod yn fydwraig hyderus a thosturiol, fydd yn gwneud gwahaniaeth gwirioneddol i fenywod ym mhob cyfnod o’u beichiogrwydd, wrth eni eu plant, ac yn y cyfnod cynnar

Rwyf wrth fy modd fy mod yno i fenywod ac yn eiriolwr drostynt.

Jamie Myfyriwr Bydwreigiaeth (BMid)

Cewch glywed gan un o'n myfyrwyr

Mae Holly, sy'n fyfyriwr Bydwreigiaeth yn y drydedd flwyddyn (BMid), yn sôn am ei phrofiad o astudio gyda ni.

Mae’r cyfle i weithio o fewn dau Fwrdd Iechyd Prifysgol yn cyfoethogi eich addysg ac mae’r mentoriaid pwrpasol yn eich helpu i ddatblygu’n ymarferydd hyderus a medrus.

Lily Myfyriwr Bydwreigiaeth (BMid)

Dewch i fod yn rhan o rywbeth arbennig

Ydych chi am ddewis cwrs sy'n gwneud gwahaniaeth go iawn? Gyda chyrsiau hygyrch, darlithwyr ysbrydoledig, a gwneud ffrindiau oes, rhyddhewch eich potensial gyda ni a dechrau gyrfa y byddwch chi'n ymfalchïo ynddo.