Deintyddiaeth
Gwireddwch eich potensial a dechrau eich taith broffesiynol drwy ymuno â’n Hysgol Ddeintyddol arloesol sydd â naws deuluol.
Trawsnewid dyfodol gofal deintyddol
Byddwch yn teimlo bod ‘croeso’ i chi ym mhob man yn ein Hysgol Deintyddiaeth.
Mae gennym oll yr un nod – gwella dyfodol gofal deintyddol ledled Cymru, y DU a thu hwnt.
Oherwydd ein cysylltiadau cryf â’r GIG, byddwch yn cael profiadau clinigol yn y byd go iawn lle byddwch yn profi eich sgiliau mewn sefyllfaoedd cefnogol a diogel. Ac nid cymhwyso i fod yn weithiwr deintyddol proffesiynol yw’r unig ffocws. Gallwch chi hefyd ddylanwadu ar ddyfodol iechyd y geg trwy ymchwil.
Ymunwch â’n casgliad o feddyliau gwych i gyd yn gweithio i wneud y byd yn lle gwell, o atal pydredd dannedd mewn plant a gwneud deintyddiaeth yn fwy cyfeillgar i gleifion - credwch neu beidio - lleihau troseddau treisgar ar strydoedd Caerdydd a newid agweddau tuag at alcohol.
Rydyn ni'n lwcus yng Nghaerdydd; mae Ysbyty Athrofaol Cymru yn cynnwys ei Ysbyty Deintyddol ei hun sy'n cynnig opsiynau triniaeth pwrpasol a meysydd arbenigedd na allwch ddod o hyd iddynt mewn sawl ardal arall yng Nghymru. Mae'n golygu eich bod chi'n dod i gysylltiad â chymaint mwy o bethau nag y gallech chi mewn man arall. Mae’n werth chweil gweld y gwahaniaeth go iawn y gallwn ei wneud i gleifion a’u teuluoedd.
Pam y dylech astudio gyda ni
Ystafell efelychu £2.2 miliwn
Bydd ein hystafell efelychu fodern a gostiodd £2.2m yn eich paratoi'n berffaith ar gyfer darparu gofal deintyddol i gleifion yn y clinigau modern.
Profiad Clinigol Cynnar
Byddwch yn cael eich addysgu yn Ysbyty Deintyddol y Brifysgol ac yn ennill profiad clinigol clinigol gwerthfawr drwy weithio mewn ystod o senarios gyda staff profiadol a chefnogol.
Dewis cadarn
Fel rhan o'n cynnig i chi, os byddwch yn ein dewis ni fel eich dewis cadarn rydym yn addo cadw eich lle ar gyfer y flwyddyn ganlynol os byddwch yn methu â chael graddau eich cynnig, er mwyn eich galluogi i ailsefyll eich arholiadau.
Ymhlith y 5 uchaf
yn y DU ym maes Deintyddiaeth (The Complete University Guide 2025)
Lleoedd wedi'u hariannu'n llawn ar gael
Mae bwrsariaeth lawn gan y GIG ar gael ar gyfer myfyrwyr BSc Therapi Deintyddol a Hylendid Deintyddol a myfyrwyr DipHE Hylendid Deintyddol. Mae’n cynnwys ffioedd dysgu a bwrsariaeth nad yw’n ad-daladwy ar gyfer costau byw.
Ymhlith y 50 uchaf
yn y byd ym maes Deintyddiaeth (Rhestr QS o Brifysgolion Gorau’r Byd 2024)
Cyrsiau
Blwyddyn mynediad
Astudio deintyddiaeth
Mae ein myfyrwyr yn trafod y profiad o astudio deintyddiaeth yn yr unig Ysgol Ddeintyddol yng Nghymru. Ar ddiwedd y rhaglen 5 mlynedd hon bydd gennych y wybodaeth, y sgiliau a’r ymddygiad sydd eu hangen arnoch i gofrestru gyda’r Cyngor Deintyddol Cyffredinol (GDC). Bydd hyn yn eich galluogi i gwblhau eich blwyddyn Hyfforddiant Sylfaenol Deintyddol (DFT) ac ymuno â’r byd deintyddiaeth proffesiynol.
Astudio therapi deintyddol a hylendid deintyddol
Mae ein myfyrwyr yn trafod y profiad o astudio therapi deintyddol a hylendid deintyddol yma ym Mhrifysgol Caerdydd. Bydd ein cwrs Therapi Deintyddol a Hylendid Deintyddol yn eich galluogi i gymhwyso i arfer fel hylenydd neu therapydd gan ei fod wedi’i gydnabod gan y Cyngor Deintyddol Cyffredinol.
Universal Clinical Aptitude Test (UCAT)
If you're thinking of applying to study dentistry, this short video offers official advice about how best to go about preparing to sit the UCAT, an admissions test used in the selection process by UK medical and dental schools. It shows the tools available to help you prepare and suggests a rough timeline for you. You can refer to key dates for UCAT.
Cyfleusterau a lleoliadau
Llyfrgell Parc y Mynydd Bychan
Wedi'i leoli yn Adeilad CochraneLlyfrgell 24 awr a man astudio sydd ar gael i'r holl fyfyrwyr ar Gampws Parc y Mynydd Bychan.
Llyfrgell Brian Cooke
Wedi'i leoli yn Ysgol DeintyddiaethMae Llyfrgell Brian Cooke wedi'i lleoli yn yr Ysgol Deintyddiaeth ac mae'n cynnig gofod astudio a deunyddiau darllen ar gyfer myfyrwyr deintyddiaeth.
Ysgol Deintyddiaeth
The School of Dentistry is situated in the same building as the University Dental Hospital and is where most of your learning will take place.
Lolfa IV
Wedi'i leoli yn Campws Parc y Mynydd BychanWedi'i leoli yn Ysbyty Athrofaol Cymru, mae'r lolfa IV yn ofod i bob myfyriwr ddal i fyny ar waith a dadflino.
Dysgu y tu hwnt i’r ystafell ddosbarth
Mae astudio yng Nghaerdydd yn gymaint mwy na darlithfeydd a gwerslyfrau.
Byddwch yn ymarfer eich sgiliau clinigol yn ddiogel yn ein hystafell efelychu deintyddol, ar ddymis sy’n cael eu galw’n ‘bennau rhithiol’, cyn mynd ati mewn sefyllfaoedd clinigol go iawn gydag ystod o gleifion oherwydd ein cysylltiadau cryf â’r GIG.
Byddwch hefyd yn cychwyn ar leoliadau clinigol yng Nghymru, lle byddwch yn cael eich amgylchynu gan dîm profiadol o glinigwyr, yn eich cefnogi i fod y gweithiwr deintyddol proffesiynol gorau y gallwch fod.
Bydd y profiadau ymarferol a go iawn hyn yn gwneud yn siŵr eich bod wedi’ch paratoi’n llawn i fod yn weithiwr deintyddol proffesiynol, a bod gennych y sgiliau clinigol a’r hyder i ragori ym mha bynnag yrfa a ddewiswch.
Mae gan Brifysgol Caerdydd gyfleusterau Pennau Lledrithiol rhagorol. Byddwch yn dechrau eu defnyddio ym Mlwyddyn 2 a thrwy’r cwrs hyd at Flwyddyn 4. Mae sesiynau galw heibio ar gael hefyd os hoffech ehangu eich sgiliau clinigol. Un nodwedd unigryw o fy rhaglen ym mlwyddyn 1 yw eich bod yn cael mynediad at y ganolfan anatomeg sy’n golygu eich bod chi’n cael y cyfle i ddysgu am anatomeg â chelanedd yn hytrach na thrwy werslyfr. Nid oes llawer o ysgolion deintyddol yn gallu cynnig hyn.
Eich gyrfa
Ar ôl cymhwyso fel gweithiwr deintyddol proffesiynol, bydd nifer o opsiynau ar gael i chi o ran gyrfa. Wrth gymhwyso, gallwch gofrestru gyda’r Cyngor Deintyddol Cyffredinol a gweithio mewn meysydd amrywiol yn y sector deintyddol, gan gynnwys ymarfer deintyddol cyffredinol, clinigau deintyddol cymunedol, ysbytai cyffredinol ac ysgolion deintyddol.
Mae yna hefyd gyfleoedd yn y lluoedd arfog, yn ogystal ag amrywiaeth o raglenni lefel meistr os oes gennych ddiddordeb mewn astudiaethau ôl-raddedig.
Rhagor o wybodaeth
Yr hyn sy’n arbennig am Gaerdydd yw’r cyfuniad prin o gyfleusterau ardderchog a staff gwybodus a chyfeillgar. Ceir ymdeimlad teuluol go iawn, sy’n ein helpu i roi profiad dysgu heb ei ail i fyfyrwyr, sydd yn ei dro yn ein galluogi ni i gyd i fwynhau’r hyn rydym yn ei wneud.
Darganfod Prifysgol Caerdydd
Y camau nesaf
Gweld ein cyrsiau deintyddiaeth
Archwilio ein cyrsiau
Lawrlwytho ein llyfryn
Manylion ein rhaglenni deintyddiaeth israddedig sy’n dechrau yn 2020/2021.
Cysylltu â ni
Gofynnwch gwestiwn drwy ein ffurflen ymholi, a chewch ateb gennym cyn gynted ag y bo modd.
Sut i gyflwyno cais
Popeth sydd angen i chi ei wybod am wneud cais i astudio gyda ni.
Data HESA: Hawlfraint yr Asiantaeth Ystadegau Addysg Uwch Cyfyngedig 2020. Ni all yr Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliadau neu benderfyniadau sy'n deillio o drydydd partïon o'i data. Daw’r data o Arolwg Hynt Graddedigion Diweddaraf 2017/18 a gyhoeddwyd gan HESA ym mis Mehefin 2020.
Israddedig
Ymunwch â chymuned ragweithiol sydd â meddwl agored. Gyda'n gilydd, byddwn ni'n gweithio'n ddiwyd i adeiladu dyfodol gwell - i chi a'r byd i gyd.
Prospectws israddedig 2025
Archebu neu lawrlwytho copi o’n prosbectws, llyfrynnau pwnc, neu lyfrynnau eraill.
Cysylltwch â ni
Cysylltwch os oes gennych gwestiwn am astudio gyda ni.