Gwyddorau Biofeddygol (MBiomed)

Addysgir y rhaglen gan academyddion a gydnabyddir yn rhyngwladol fel rhai sy'n arbenigwyr yn eu meysydd. Mae ein dull addysgu wedi’i lywio gan yr ymchwil ddiweddaraf ac mae wedi’i ymlinio ag arferion cyfredol y diwydiant, gan sicrhau bod y cwricwlwm yn drylwyr yn academaidd ac yn berthnasol i ofynion proffesiynol. Mae aelodau’r gyfadran yn integreiddio eu hymchwil a’u profiad diwydiant i’r cwricwlwm, gan gynnig mewnwelediad uniongyrchol i’r diweddaraf mewn ffisioleg ddynol, anatomeg ddynol, prosesau a thriniaethau clefydau, bioleg canser, bôn-gelloedd, peirianneg meinwe, bioleg cyhyrysgerbydol, therapi genynnau a chlefydau niwroddirywiol.

Mae'r cwricwlwm yn cyfuno gwybodaeth ddamcaniaethol â chymhwysiad ymarferol. Mae darlithoedd, a ategir gan sesiynau ymarferol, yn rhoi sylfaen gref i chi mewn damcaniaeth ac ymarfer, tra bod seminarau, gweithdai a thiwtorialau yn eich helpu i gymhwyso’r hyn rydych wedi’i ddysgu. Mae'r fformatau rhyngweithiol hyn yn cefnogi prosiectau ymarferol a thrafodaethau manwl, fel y gallwch fynd i'r afael â heriau byd go iawn a gwella eich parodrwydd proffesiynol.

Mae integreiddio ymchwil yn elfen allweddol. Byddwch yn ymwneud â’r data diweddaraf, astudiaethau achos perthnasol, a’r canfyddiadau ymchwil diweddaraf, gan gysylltu damcaniaeth academaidd â materion iechyd ymarferol a gwyddor feddygol. O bryd i'w gilydd, bydd darlithwyr gwadd ac arbenigwyr diwydiant yn dod â phersbectifau ymarferol i'ch profiad dysgu. Bydd eich lleoliad Blwyddyn Hyfforddiant Proffesiynol yn gwella'r cyfleoedd hyn ymhellach trwy eich galluogi i ryngweithio mewn amgylchedd gwaith proffesiynol, gan weithio mewn timau a gyda grwpiau cydweithredol.

Mae dysgu ymarferol yn ganolbwynt i'r rhaglen, gan roi'r cyfle i chi ddatblygu sgiliau ymarferol mewn cyd-destunau realistig. Trwy brosiectau tîm ac ymchwil unigol, byddwch yn cymhwyso technegau gwyddor data soffistigedig i heriau dadansoddol byd-eang cymhleth.

Sut y caf fy nghefnogi?

Rydym am sicrhau eich bod yn cael y profiad gorau posibl drwy gydol eich amser gyda ni a byddwch yn elwa o ystod o gefnogaeth. O gychwyn cyntaf eich gradd, byddwch yn cael cefnogaeth tiwtor personol a fydd yn brif bwynt cyswllt i chi, gan gynnig arweiniad cyfrinachol ar faterion academaidd a phersonol. Byddant yn eich helpu i’ch llywio trwy eich astudiaethau a bod yn ffynhonnell gyson neu'n gefnogaeth trwy gydol eich gradd.

O ran cymorth academaidd, porth dysgu ar-lein yw Dysgu Canolog  lle gallwch gael mynediad at amrywiaeth eang o ddeunyddiau dysgu gan gynnwys recordiadau darlithoedd, taflenni darlithoedd, a mwy.

Mae'r Brifysgol yn darparu ystod eang o wasanaethau cymorth i fyfyrwyr. Gall hyn gynnwys gweithdai sgiliau astudio, sesiynau cyfarwyddyd gyrfa, cymorth iechyd meddwl a lles, a gwasanaethau anabledd. Mae'r gwasanaethau hyn wedi'u cynllunio i sicrhau eich bod yn teimlo bod gennych gefnogaeth i’ch grymuso i lwyddo.

Byddwch hefyd yn cael mynediad at gefnogaeth ragorol yn ein Canolfan Bywyd Myfyrwyr, sef ein both un-stop ar gyfer eich holl anghenion fel myfyrwyr. P’un a ydych yn chwilio am gyngor ar iechyd a lles, paratoi ar gyfer eich dyfodol, rheoli arian neu fyw yng Nghaerdydd, bydd ein staff cymorth arbenigol ac ymroddedig wrth law i’ch cefnogi. Rydyn ni yma i'ch helpu chi i lwyddo a gwneud y gorau o'ch bywyd myfyriwr.

Adborth

Drwy gydol y rhaglen, bydd gennych nifer o gyfleoedd i dderbyn adborth a chymryd rhan mewn trafodaeth ohono mewn sesiynau adborth pwrpasol. Mae gweithgareddau fel asesiadau cymheiriaid, a hunanasesiadau yn rhan annatod o'r broses hon. Yn ogystal, byddwch yn derbyn adborth adeiladol gan ein staff addysgu, gan ddarparu mewnwelediadau i helpu eich twf proffesiynol, i baratoi ar gyfer eich gyrfa yn y dyfodol.

Sut caf fy asesu?

Mae asesiadau yn amrywio fesul modiwl ac yn cynnwys gwaith cwrs, prosiectau portffolio, asesiadau ysgrifenedig, profion dosbarth, cyflwyniadau llafar a phoster, a phrosiectau ymarferol. Mae pob modiwl a lleoliad yn defnyddio mathau penodol o asesiadau i werthuso gwybodaeth ddamcaniaethol a sgiliau ymarferol yn effeithiol.

Defnyddir asesiadau trwy gydol y rhaglen i ddatbygu dysg er mwyn sicrhau eich bod yn deall cysyniadau sylfaenol. Bydd asesiadau’n cefnogi dysgu annibynnol a gydol oes ac wedi’u cynllunio i roi myfyrwyr wrth galon y broses ddysgu ac i helpu myfyrwyr i gymryd perchnogaeth dros eu dysgu eu hunain. Bydd myfyrwyr yn cael eu cefnogi yn eu hasesiadau gan aelodau o dimau modiwl a thiwtoriaid personol.

Pa sgiliau bydda i'n eu hymarfer a'u datblygu?

Drwy gydol y cwrs, bydd myfyrwyr yn datblygu cymwyseddau gwyddonol yn ogystal â 'sgiliau cyflogadwyedd' allweddol trosglwyddadwy a fydd yn amhrisiadwy beth bynnag fo eich dewis gyrfa yn y dyfodol. Mae’r rhain yn cynnwys:

• dysgu annibynnol ac astudio hunangyfeiriedig;
• casglu, trefnu a dadansoddi gwybodaeth i greu dadleuon rhesymegol ac argyhoeddiadol;
• meddwl yn feirniadol a datrys problemau;
• cyfathrebu syniadau cymhleth mewn ffordd eglur ac effeithiol (gan ddefnyddio'r holl gyfryngau);
• gweithio'n effeithiol mewn tîm ac yn unigol;
• cymwyseddau TG, gan gynnwys pecynnau cyflwyno, graffeg ac ystadegau;
• perfformio a dehongli dadansoddiadau ystadegol o ddata;
• rheoli amser yn effeithiol a sgiliau trefnu.

O ganlyniad i ymgysylltu’n llawn â’r cwrs hwn, dylech allu gwneud y canlynol:

• dadansoddi, cyfosod a chrynhoi gwybodaeth o amrywiaeth o ffynonellau;
• trafod y berthynas rhwng strwythur/ffurfiant a swyddogaeth/rheoliad moleciwlau, organelau, celloedd, meinweoedd, organebau a phoblogaethau;
• cyfathrebu gwybodaeth wyddonol, a gwybodaeth arall, yn effeithiol i amrywiaeth o gynulleidfaoedd, gan gynnwys y cyhoedd yn gyffredinol, gan ddefnyddio amrywiaeth o fformatau a dulliau;
• trafod materion cyfredol mewn perthynas ag ymchwil, ymchwiliadau a/neu ddadleuon;
• cyfosod dadl neu farn, yn seiliedig ar dystiolaeth a data cadarn;
• pennu dilysrwydd a chywirdeb canlyniadau ystadegol;
• adeiladu ar wybodaeth a dealltwriaeth o rôl ac effaith eiddo deallusol (IP) mewn amgylchedd ymchwil;
• gweithio'n effeithiol mewn amgylchedd sy'n seiliedig ar grŵp, fel arweinydd ac aelod o dîm;
• dangos y sgiliau angenrheidiol ar gyfer dysgu gydol oes annibynnol (er enghraifft sgiliau trosglwyddadwy gweithio'n annibynnol, rheoli amser, trefnu, menter a gwybodaeth);
• nodi targedau, a gweithio tuag at y targedau ar gyfer datblygiad personol, datblygiad proffesiynol, datblygiad academaidd a datblygiad gyrfa;
• dangos sgiliau cynllunio ac arweinyddiaeth ar gyfer gosod, a bodloni, nodau cyraeddadwy yn y gweithle.