Diwylliant Cymraeg Caerdydd
Mae'r Gymraeg yn unigryw i Gymru ac wrth galon popeth a wnawn yn ein Prifysgol. Byddwch yn gweld ac yn clywed y Gymraeg ar y campws a ledled y ddinas.
Credwn fod y Gymraeg yn perthyn i bawb sy'n astudio, yn gweithio ac yn byw yma.
Mae'r Gymraeg, fel iaith swyddogol Cymru, yn rhan hollbwysig o'n hunaniaeth a'n cymunedau amrywiol.
Mae'n perthyn i bawb sy'n astudio, yn gweithio ac yn byw yma.
Eich cartref chi
Rydyn ni'n ddinas Gymreig ffyniannus
Mae gan y ddinas 36,735 o siaradwyr Cymraeg, 17 ysgol gynradd a 3 ysgol uwchradd cyfrwng Cymraeg
Rydyn ni wrth galon y Gymru fodern
Mae ein dinas yn gartref i'r Senedd a Llywodraeth Cymru, BBC ac ITV Cymru Wales, Yr Urdd, a llawer o sefydliadau cenedlaethol eraill
Rydyn ni'n dwli dathlu ein Cymreictod
Rydyn ni'n falch iawn o'n Cymreictod ac yn arddangos ein hangerdd trwy wyliau mawr fel Tafwyl a'r clwb Cymraeg, Clwb Ifor Bach
Yn y Gymraeg mae'i morio hi
Mae'r Gymraeg yn ffynnu yng Nghaerdydd fel rhan o sîn ddiwylliannol fywiog.
Ymunwch ag un o'r cymdeithasau i fyfyrwyr Cymraeg i gwrdd â siaradwyr Cymraeg eraill. Mae'r croeso cynnes Cymreig yn ymestyn i unrhyw un sy'n newydd i'r iaith neu sydd â diddordeb yn ein diwylliant.
Mae rhai o'r cymdeithasau hyn yn cynnwys:
- Y Gym Gym: mae'r gymdeithas Gymraeg boblogaidd yn trefnu digwyddiadau cymdeithasol, teithiau a digwyddiadau rhyng-golegol. Mae gan y gymdeithas hefyd dimau chwaraeon ei hun
- Clwb y Mynydd Bychan: digwyddiadau cymdeithasol a grwpiau astudio ar y cyd ar gyfer y rhai sy'n astudio Meddygaeth a Gwyddorau Gofal Iechyd
- Cymdeithas Iolo: digwyddiadau diwylliannol a llenyddol yn yr iaith Gymraeg
- Aelwyd y Waun Ddyfal: côr cymdeithasol Cymraeg
Mae modiwl Dinesydd Caerdydd hefyd yn gyfle i ddod i adnabod siaradwyr Cymraeg eraill a dysgu mwy am eich cartref newydd yn ein prifddinas amlddiwylliannol fywiog.
Gellir clywed y Gymraeg ar Xpress Radio a'i gweld ym mhapur newydd y myfyrwyr, Gair Rhydd.
Mae gan Gangen Caerdydd o'r Coleg Cymraeg Cenedlaethol gymuned ddwyieithog fywiog a fydd yn eich helpu i wella eich sgiliau iaith gwerthfawr a chefnogi eich amcanion gyrfaol.
Mae gŵyl Tafwyl, sy'n cael ei chynnal bob haf, yn bendant yn werth ymweld. Mae'r ŵyl yn cynnig profiad unigryw a throchol i bawb, p'un a ydych chi'n siaradwr Cymraeg brodorol neu'n syml â diddordeb mewn darganfod harddwch y Gymraeg.
Eich hawliau chi
Caerdydd yw prifddinas Cymru, gyda'r Gymraeg a'r Saesneg yn ieithoedd swyddogol.
Mae gennych chi'r hawl i:
- derbyn ein gwasanaethau drwy gyfrwng y Gymraeg
- astudio neu brofi bywyd drwy gyfrwng y Gymraeg
Rydyn ni yma i wneud hyn yn bosibl a chynnig profiad unigryw i chi fel myfyriwr. Rhan allweddol o hyn yw ein Yr Academi Gymraeg.
Mae hawliau a llesiant myfyrwyr Cymraeg hefyd yn cael eu cynrychioli gan:
- Undeb Myfyrwyr Cymraeg Caerdydd
- Is-lywydd Undeb y Myfyrwyr dros y Gymraeg, Catrin Edith Parry
Dysgu Cymraeg
Nid yw'n hanfodol deall na siarad Cymraeg i fyw yma. Ond mae dysgu Cymraeg yn gallu:
- cyfoethogi eich profiad yng Nghaerdydd
- eich helpu i gael dealltwriaeth ddyfnach o Gymru, ei diwylliant, ei hanes a'i phobl
Gyda Dysgu Cymraeg Caerdydd, gallwch:
- dechrau dysgu Cymraeg
- gwella eich sgiliau Cymraeg
Gallwch hefyd ddysgu Cymraeg ochr yn ochr â dysgu ieithoedd eraill yn y Brifysgol.
Gwnewch gais i aros yn un o'n opsiynau llety i siaradwyr Cymraeg a dysgwyr i ymgolli yn yr iaith.
