Amdani!
Cewch fanteisio ar ystod enfawr o gyflogwyr a chysylltiadau byd diwydiant. Yn ein hysbysfwrdd swyddi byddwn ni’n eich cysylltu â mwy na 2,000 o gyflogwyr cofrestredig ac yn eich helpu i sicrhau lleoliadau gwaith.
Waeth ble bynnag rydych chi o ran eich datblygiad gyrfaol, mae ein cymorth gyrfaol a chyflogadwyedd yn rhoi arweiniad personol sy’n benodol i’r pwnc dan sylw. Rydyn ni’n dathlu dychymyg, felly os ydych chi'n egin entrepreneur yna gallwn ni eich helpu i gychwyn eich syniad busnes.
Cysylltwch â'n hymchwilwyr, ein darlithwyr a'n myfyrwyr eraill. Gall y cysylltiadau hyn agor drysau i fentoriaethau anhygoel, cyfleoedd gwaith, a chyfeillgarwch gydol oes.
Pan fyddwch chi’n graddio, byddwch chi’n ymuno â mwy na 210,000 o gyn-fyfyrwyr sy'n creu newid ledled y byd.
Ymchwil o bwys
Rydyn ni ymhlith haen uchaf prifysgolion ymchwil Prydain ac yn aelod o Grŵp Russell sy’n cynnwys prifysgolion mawr eu bri.
Bydd eich amser gyda ni yn gyfle i weithio ar y cyd â’n harbenigwyr sy’n rhannu eich angerdd dros greu newid parhaol. Cewch groeso gan dîm y mae eu darganfyddiadau arloesol yn gwneud gwahaniaeth yma yng Nghaerdydd a ledled y byd.
Boed modelu dinasoedd gwyrddach, dyfeisio technolegau ynni amgen, lleihau anghydraddoldeb neu ddatblygu triniaethau newydd ar gyfer clefydau marwol sy'n torri tir newydd—rydyn ni’n gwneud canfyddiadau go iawn i ddatrys problemau yn y byd go iawn.
Ffynnu yng Nghaerdydd
Mae campws Cathays, ar stepen drws canol y ddinas, yn gyfuniad gwych o’r hen a’r newydd: lleolir adeiladau rhestredig hardd ochr yn ochr â chyfleusterau modern a phwrpasol. Cewch fynediad rhwydd i'n llyfrgelloedd 24 awr, mwy na 2,500 o leoedd astudio, a Chanolfan Bywyd y Myfyrwyr—cartref ein gwasanaethau cymorth i fyfyrwyr, lleoedd astudio a darlithfeydd.
Ar gampws Parc y Mynydd Bychan mae’r ysgolion canlynol: deintyddiaeth, gofal iechyd a meddygaeth. Mae myfyrwyr yn yr ysgolion academaidd hyn yn elwa o fod yn rhan o drydydd ysbyty addysgu mwyaf y DU, ac mae hyn yn cefnogi eu hastudiaethau ac yn eu paratoi at y dyfodol.
-
12fed
Rydym yn 12fed yn y DU yn ôl y Times Higher Education Global University Employability Ranking 2024 1
-
2il
Undebau Myfyrwyr Gorau yn y Deyrnas Unedig 2
-
90%
Cadarnhawyd bod 90% o'n hymchwil yn arwain y byd neu'n rhagorol yn rhyngwladol. Mae hyn yn golygu ei fod yn gwneud gwahaniaeth go iawn yn y byd. 3
-
1af
Ni yw'r ddinas fwyaf cyfeillgar yn y Deyrnas Unedig 4
Lleoedd a ddyluniwyd er mwyn darganfod
Byddwch chi’n elwa o gyfleusterau a ddyluniwyd i ehangu eich profiadau dysgu ac archwilio. Canolfan Bywyd y Myfyrwyr yw cartref y gwasanaethau cymorth yn ogystal â lleoedd astudio a darlithfeydd.
Os yw eich pwnc yn un ymarferol, rydyn ni wedi ystyried popeth, boed yn labordai dŵr, labordai mellt, uwchgyfrifiaduron a stiwdios dylunio. Cewch ddatblygu sgiliau arbenigol mewn cyd-destunau sy'n adlewyrchu'r byd go iawn yn ein hystafelloedd ysgogi: ystafelloedd masnachu ariannol, ystafelloedd arbenigol ysbyty, llysoedd y gyfraith a mwy.
Hefyd, yn ein llyfrgelloedd mae'r holl destunau y bydd eu hangen arnoch chi i astudio eich pwnc, yn ogystal â’r gallu i gyrchu adnoddau ar-lein.
Cymorth pan fydd ei angen fwyaf arnoch chi
Mae ein cymuned gynhwysol yn hynod o amrywiol ac rydyn ni’n cynnig ystod o gymorth i helpu pob myfyriwr i fanteisio i’r eithaf ar eu hamser gyda ni.
Rydym yn poeni am eich lles, felly os oes angen cymorth ymarferol neu emosiynol arnoch, gallwch gael mynediad ato ar unrhyw adeg drwy ein gwasanaethau cymorth i fyfyrwyr.
Mae Undeb y Myfyrwyr yn un o'r rhai mwyaf, gorau a mwyaf gweithgar ym Mhrydain. Gyda mwy na 230 o gymdeithasau, 70 o glybiau chwaraeon, a digwyddiadau pwrpasol ar gyfer myfyrwyr ôl-raddedig, rydych chi'n siŵr o ddod o hyd i'ch pobl.
Mae swyddog ôl-raddedig etholedig amser llawn yn cynrychioli myfyrwyr ôl-raddedig ac ymchwilwyr i gefnogi eich anghenion.
Ariannu eich astudiaethau
Mae llawer o ffyrdd i ariannu eich astudiaethau ôl-raddedig, yn dibynnu ar y math o raglen ôl-raddedig y byddwch yn ei chymryd. Rydym yn cynnig amrywiaeth o ysgoloriaethau i'ch helpu i ddechrau.
