Gofal Critigol

Nod y modiwl hwn yw sicrhau bod y myfyriwr yn gwybod rhagor am y broses ymchwil ac yn ei deall yn well, a hynny er mwyn iddynt allu gwerthuso, cyfannu syniadau a myfyrio'n feirniadol ar dystiolaeth ymchwil unwaith eu bod yn ymarfer.

Argymhellir yn gryf bod myfyrwyr sy'n ystyried ymgymryd â modiwlau "dull systemau" eraill yn yr MSc Gofal Critigol yn ymgymryd â'r modiwl hwn, a hynny i sicrhau sgiliau deall ac ysgrifennu ar lefel meistr.

Mae'r modiwl hwn hefyd ar gael i'w astudio yn rhan o garfan Rheoli Poen (MET239) neu Reoli Poen (Gofal Sylfaenol a Chymunedol) (MET290)

Dyddiadau addysgu: 22 Medi - 1 Rhagfyr 2025

Ar ôl cwblhau'r modiwl hwn, rhagwelir y bydd myfyrwyr yn gallu gwerthuso'n feirniadol y ffordd y bydd cleifion acíwt a difrifol wael y mae angen cefnogaeth gardiofasgwlaidd uwch arnyn nhw’n cael ei rheoli. Mae hyn yn cynnwys gallu asesu, rheoli a gwerthuso’r broses o reoli cleifion a deall pwysigrwydd rheoli digonol a goblygiadau rheoli annigonol. Bydd myfyrwyr yn astudio meysydd o ddiddordeb sy'n berthnasol yn glinigol a fydd yn eu paratoi ar gyfer eu hymarfer clinigol.

Argymhellir yn gryf bod myfyrwyr yn ymgymryd â MET250 Llywodraethu Ymchwil ac Ymarfer sy’n seiliedig ar Dystiolaeth (neu fodiwlau ymchwil eraill ar lefel meistr) cyn y modiwl hwn.

Dyddiadau addysgu: 2 Rhagfyr 2024 - 24 Chwefror 2025

Nod y modiwl yw caniatáu i weithwyr gofal iechyd proffesiynol fireinio eu gwybodaeth o ran ansawdd a diogelwch. Mae hyn yn cynnwys deall beth yw niwed a digwyddiadau niweidiol, ac astudio’r ffactorau cudd a dynol sy'n arwain at wallau clinigol. Bydd y myfyrwyr yn astudio sut i wella, mesur, monitro a gwerthuso mentrau gwella ansawdd. Bydd y myfyrwyr yn astudio sut mae ansawdd a diogelwch yn cael eu sicrhau yn eu meysydd clinigol tra eu bod yn deall yn well yr Agenda Ansawdd yn y Deyrnas Unedig ac yn fyd-eang.

Dyddiadau addysgu: 3 Mawrth - 12 Mai 2025

Ar ôl cwblhau'r modiwl hwn, rhagwelir y bydd myfyrwyr yn gallu gwerthuso'n feirniadol y gwaith o reoli cleifion acíwt a difrifol wael y mae angen cymorth anadlol uwch arnyn nhw. Mae hyn yn cynnwys gallu asesu, rheoli a gwerthuso’r broses o reoli cleifion a deall pwysigrwydd rheoli digonol a goblygiadau rheoli annigonol. Bydd myfyrwyr yn astudio meysydd o ddiddordeb sy'n berthnasol yn glinigol a fydd yn eu paratoi ar gyfer eu hymarfer clinigol.

Argymhellir yn gryf bod myfyrwyr yn ymgymryd â MET250 Llywodraethu Ymchwil ac Ymarfer sy’n seiliedig ar Dystiolaeth (neu fodiwlau ymchwil eraill ar lefel meistr) cyn y modiwl hwn.

Dyddiadau addysgu: 25 Awst - 27 Hydref 2025

Nod y modiwl hwn yw rhoi'r cyfle i fyfyrwyr ymchwilio i faterion proffesiynol sy’n ymwneud â gofal acíwt a chritigol mewn cyd-destun gofal iechyd.
Ar ôl cwblhau’r modiwl hwn, dylai myfyriwr allu gwneud y canlynol:
Adolygu’r ystod o faterion proffesiynol sy'n effeithio ar ofalu am gleifion ym maes gofal critigol, a’u gwerthuso.

Trin a thrafod, gwerthuso ac ystyried theori foesegol, gan ystyried sut gall hyn effeithio ar y broses o wneud penderfyniadau wrth ofalu am gleifion sy'n ddifrifol wael a'u teulu. NEU

Trin a thrafod, gwerthuso ac ystyried materion cyfreithiol a goblygiadau o ran y broses o wneud penderfyniadau wrth ofalu am gleifion sy’n ddifrifol wael. NEU
Trin a thrafod, gwerthuso ac ystyried theori arweinyddiaeth a rheolaeth sy'n effeithio ar ofal cleifion sy’n ddifrifol wael a'u teulu.

Dyddiadau addysgu: 11 Tachwedd 2024 - 3 Chwefror 2025, 10 Tachwedd 2025 - 26 Ionawr 2026

Mae'r modiwl hwn yn galluogi myfyrwyr i adolygu nifer o is-bynciau sy'n berthnasol i ofalu am gleifion acíwt neu sy’n ddifrifol wael. Bydd amrywiaeth o is-bynciau ar gael ac, er y gall myfyrwyr weld pob un ohonyn nhw, bydd gofyn iddyn nhw ddewis un is-bwnc ar gyfer cwestiwn yr aseiniad, a hynny er mwyn iddyn nhw ddangos ei fod wedi cyflawni canlyniadau dysgu’r modiwl.

Ar ôl cwblhau’r modiwl hwn, dylai myfyriwr allu gwneud y canlynol:
Bwriad y modiwl hwn yw gwneud dysgu yn fwy personol a chynnig syniadau ac is-bynciau ar y claf acíwt a difrifol wael a fydd yn annog myfyrwyr i ehangu sylfaen eu dysgu a’u gwybodaeth. Ar y cam hwn o'u gradd Meistr, mae myfyrwyr yn feddylwyr gwybodus ac mae’r ffordd y mae’r modiwl yn cael ei gyflwyno yn seiliedig ar ddull sy’n canolbwyntio ar fyfyrwyr. Nod pob is-bwnc yw ysgogi myfyrwyr i feddwl yn ddyfnach a chynnig cyfle iddyn nhw ymchwilio a chael eu herio. Dylen nhw hefyd gysylltu'n ôl â modiwlau blaenorol y cwrs hwn.

Mae nifer o is-bynciau ar gael yn rhan o’r modiwl hwn, sy’n galluogi myfyrwyr i adolygu materion sydd o ddiddordeb iddyn nhw neu y maen nhw am ehangu eu gwybodaeth amdanyn nhw. Mae'r is-bynciau hyn yn galluogi'r myfyrwyr i werthuso'r gofal a roddir i grwpiau cleifion acíwt a difrifol wael penodol.

Bydd ystod o is-bynciau ar gael ac er y bydd myfyrwyr yn cael gwybodaeth am y cyfan, bydd yn rhaid iddyn nhw ganolbwyntio ar elfen o un is-bwnc o'u dewis ar gyfer cwestiwn yr aseiniad.

Trwy adolygu cynnwys y modiwl, ehangu eu gwybodaeth trwy ddarllen ac ymchwilio ymhellach, cymryd rhan mewn trafodaethau ar-lein a chwblhau aseiniadau’r modiwl, dylai myfyrwyr ddatblygu dealltwriaeth ddyfnach o anghenion y claf acíwt a'r claf difrifol wael.

Dylai myfyrwyr, erbyn diwedd y modiwl hwn, allu dadansoddi’n feirniadol, cyfosod a gwerthuso’r dystiolaeth ar yr is-bwnc o’u dewis, gan ystyried y dulliau gorau o ddefnyddio a gwerthuso rheolaeth cleifion yn rhan o’u harbenigedd gofal acíwt a chritigol.

Dyddiadau addysgu: 17 Chwefror - 28 Ebrill 2025