Diwinyddiaeth (MTh)
- Hyd: Blwyddyn
- Dull astudio: Amser llawn
Diwrnod agored
Dysgwch am astudio'n ôl-raddedig yma yn ystod ein Diwrnod Agored nesaf.
Pam astudio’r cwrs hwn
Byddwch yn myfyrio’n feirniadol ar eich ymarfer proffesiynol mewn rhaglen sydd wedi’i dylunio i gefnogi datblygiad proffesiynol offeiriadaeth a phroffesiynau perthnasol eraill.
Cefnogi eich gweinidogaeth
Wedi'i ddylunio i gefnogi'r weinidogaeth a datblygiadau proffesiynol cysylltiedig eraill fydd yn eich caniatáu i fyfyrio'n feirniadol ar eich ymarfer proffesiynol.
Llwybrau arbenigol
Byddwch yn dewis o blith un o bum llwybr sy'n addas i'ch anghenion.
Addysgu hyblyg
Mae'r addysgu'n digwydd dros gyfnod o wyth diwrnod bob semester.
Bydd yn gwella eich gallu bugeiliol
Datblygwch eich gallu deallusol a'ch sgiliau ymchwil i ddyfnhau eich arferion myfyrio.
Byddwch yn myfyrio ar eich ymarfer proffesiynol mewn modd beirniadol yn ein rhaglen Feistr ran-amser sydd wedi’i llunio i gefnogi datblygiad proffesiynol offeiriadaeth a phroffesiynau eraill
.Mae ein cwrs wedi’i gynllunio ar gyfer y rheini sy'n cymryd rhan mewn rhyw fath o offeiriadaeth, boed hynny’n fel lleygwyr neu glerigwyr, ac mae’n ceisio gwella medrusrwydd ymarferwyr, gan eich cynorthwyo i gyfrannu’n well at eich offeiriadaeth.
Byddwch yn dewis un o bum llwybr sy'n addas i'ch anghenion.
- Astudiaethau Beiblaidd
- Athrawiaeth Gristnogol
- Hanes yr Eglwys
- Arweinyddiaeth Gydweithredol Gristnogol
- Diwinyddiaeth Ymarferol
Mae'r addysgu’n digwydd yng Ngholeg Bedyddwyr De Cymru ac Athrofa Sant Padarn dros wyth diwrnod bob semester.
Byddwch yn datblygu eich cymhwysedd deallusol a'ch sgiliau ymchwil eich hun, gan ddyfnhau eich ymarfer myfyriol a gwella eich gallu bugeiliol.
Ble byddwch yn astudio
Yr Ysgol Hanes, Archaeoleg a Chrefydd
Rydym yn chwilfrydig am brofiadau bodau dynol dros filoedd o flynyddoedd a diwylliannau, ac eisiau deall ein gorffennol yn well er mwyn goleuo ein presennol a gwella ein dyfodol.
Meini prawf derbyn
Er mwyn cael eich ystyried am gynnig ar gyfer y rhaglen hon bydd angen i chi fodloni'r holl ofynion mynediad. Ni fydd eich cais yn cael ei ddatblygu os na ddarperir yr wybodaeth a'r dystiolaeth a restrir.
Gyda'ch cais ar-lein, bydd angen i chi ddarparu:
- Copi o'ch tystysgrif gradd a'ch trawsgrifiadau sy'n dangos eich bod wedi cyflawni gradd anrhydedd 2:2 mewn maes pwnc perthnasol megis astudiaethau crefyddol, diwinyddiaeth, neu radd ryngwladol gyfatebol. Os yw eich tystysgrif gradd neu ganlyniad yn yr arfaeth, llwythwch unrhyw drawsgrifiadau dros dro neu dystysgrifau dros dro.
- copi o'ch tystysgrif IELTS gyda sgôr gyffredinol o 6.5 gyda 6.0 ym mhob is-sgil, neu dystiolaeth o gymhwyster cyfatebol derbyniol. Dylech gynnwys dyddiad eich prawf disgwyliedig os yw'r cymhwyster hwn yn yr arfaeth. Os oes gennych dystiolaeth dderbyniol amgen, fel gradd israddedig a astudir yn y DU, rhowch hyn yn lle IELTS.
Os nad oes gennych radd mewn maes perthnasol, gellir ystyried eich cais ar sail eich profiad proffesiynol a/neu dystiolaeth o astudiaeth ddiwinyddol mewn perthynas â gweinidogaeth broffesiynol. Rhowch dystiolaeth ychwanegol i gefnogi'ch cais megis cyfeiriadau cyflogwr wedi'u llofnodi a'u dyddio.
Dyddiad cau ar gyfer ceisiadau
Rydym yn dyrannu lleoedd ar sail y cyntaf i'r felin, felly rydym yn argymell eich bod yn gwneud cais cyn gynted â phosibl. Fel arfer, bydd ceisiadau'n cau ddiwedd mis Awst ond gallant gau'n gynt os llenwir pob lle.
Broses ddethol
Byddwn yn adolygu eich cais ac os ydych yn bodloni'r holl ofynion mynediad, byddwn yn gwneud cynnig i chi.
Rhagor o wybodaeth am ofynion Iaith Saesneg.
Mae'n rhaid i ymgeiswyr sydd angen Fisa myfyriwr i astudio yn y DU gyflwyno cymhwyster iaith Saesneg derbyniol er mwyn bodloni gofynion UKVI (Fisâu a Mewnfudo y DU).
Euogfarnau troseddol
Nid yw'n ofynnol i chi gwblhau gwiriad DBS (Gwasanaeth Datgelu a Gwahardd) na darparu Tystysgrif Ymddygiad Da i astudio'r cwrs hwn.
Os ydych ar hyn o bryd yn destun unrhyw amod trwydded neu gyfyngiad monitro a allai effeithio ar eich gallu i gwblhau eich astudiaethau yn llwyddiannus, bydd gofyn i chi ddatgelu eich cofnod troseddol. Mae amodau yn cynnwys, ond heb fod yn gyfyngedig i:
- mynediad i gyfrifiaduron neu ddyfeisiau sy'n gallu storio delweddau
- defnydd o'r rhyngrwyd ac offer/dyfeisiau cyfathrebu
- cyrffyw
- rhyddid i symud, gan gynnwys y gallu i deithio i'r tu allan i'r DU neu i ymgymryd â lleoliad/astudiaethau y tu allan i Brifysgol Caerdydd
- cyswllt â phobl sy'n gysylltiedig â Phrifysgol Caerdydd.
Strwythur y cwrs
Mae'r hyn rydych chi'n ei astudio yn dibynnu ar eich llwybr. Mae'r rhaglen yn cymryd rhwng dwy a phum mlynedd i'w chwblhau
Ar gyfer y rhaglen Meistr ran-amser hon rydych yn cymryd cyfanswm o 180 credyd.
Mae hyn yn cynnwys chwech o fodiwlau a addysgir (120 credyd) gan gyfuno modiwlau craidd a dewisol wedi’u cynllunio’n benodol ar gyfer eich llwybr.
Byddwch yn symud ymlaen at eich traethawd hir (60 credyd) ar ôl cwblhau’r cam a addysgir yn llwyddiannus.
Gan fod nifer o’n rhaglenni ôl-raddedig rhan-amser yn rhedeg dros dair blynedd, bydd angen i chi wirio a ydych yn gymwys i gael benthyciad i fyfyrwyr ôl-raddedig.
Mae'r modiwlau a ddangosir yn enghraifft o'r cwricwlwm nodweddiadol. Bydd modiwlau terfynol yn cael eu cyhoeddi fis cyn i'ch rhaglen ddechrau.
| Teitl modiwl | Côd modiwl | Credydau |
|---|---|---|
| Dulliau Ymchwil ar gyfer Diwinyddiaeth | RTT525 | 20 credydau |
| Traethawd hir | RTT501 | 60 credydau |
Mae'r Brifysgol wedi ymrwymo i ddarparu amrywiaeth eang o opsiynau modiwl lle’n bosibl. Ond byddwch yn ymwybodol er y byddwn yn gwneud pob ymdrech i gynnig dewis, gall hyn gael ei gyfyngu mewn rhai amgylchiadau. Y rheswm am hyn yw'r ffaith mai dim ond nifer cyfyngedig o leoedd sydd ar gael ar rai modiwlau, a gaiff eu dyrannu ar sail y cyntaf i'r felin. Mae'n ofynnol i fodiwlau eraill sicrhau isafswm nifer o fyfyrwyr cyn gallu eu cynnal, er mwyn gwneud yn siŵr y gellir cyflwyno addysg o ansawdd priodol. Gall modiwlau gael eu cyfyngu oherwydd gwrthdaro yn yr amserlen hefyd, ac er bod y Brifysgol yn ymdrechu i amharu cyn lleied â phosibl ar eich dewis, byddai'n syniad da i chi ofyn am gyngor gan yr Ysgol berthnasol am y dewisiadau modiwl sydd ar gael.
Dysgu ac asesu
Sut y caf fy addysgu?
Mae'r addysgu’n digwydd yng Ngholeg Bedyddwyr De Cymru ac Athrofa Sant Padarn dros wyth diwrnod bob semester.
Sut y caf fy asesu?
Asesir drwy draethodau ac aseiniadau (fel adolygiadau o lyfrau a chyflwyniadau).
Sut y caf fy nghefnogi?
Ar ôl cofrestru, caiff Tiwtor Personol ei neilltuo i chi a byddwch yn cael adnoddau addysgu a dysgu, gan gynnwys Llawlyfr i Ôl-raddedigion. Mae adnoddau ychwanegol sy’n benodol i’r modiwlau ar gael yn ystod y rhaglen.
Eich tiwtor personol yw eich pwynt cyswllt i drafod unrhyw broblemau sy'n codi gyda'r cwrs. Gellir cyfeirio ymholiadau pellach at Gyfarwyddwr Astudiaethau Ôl-raddedig a Addysgir yr Ysgol. Mae ein tîm Gwasanaethau Proffesiynol hefyd ar gael i gynnig cyngor a chymorth.
Adborth:
Gallai adborth ar waith cwrs gael ei roi ar ffurf sylwadau ysgrifenedig ar waith a gyflwynir; atebion ""enghreifftiol"" a/neu drafodaeth mewn sesiynau cyswllt.
Pa sgiliau y byddaf yn eu hymarfer a’u datblygu?
- Dadansoddi beirniadol, hyblygrwydd deallusol a phwerau gwerthuso.
- Sgiliau ymchwil ar gyfer lleoliadau cymdeithasol a sefydliadol.
- Sgiliau cyfathrebu, sgiliau rheoli gwybodaeth a sgiliau myfyriol beirniadol.
- Sgiliau myfyrio ar ymarfer a hunan-ddealltwriaeth yng ngwasanaeth bugeiliol a gweithgareddau eraill caplaniaid.
Ffioedd dysgu ar gyfer dechrau astudio yn 2025
Bydd eich ffioedd dysgu a sut y byddwch yn eu talu yn dibynnu ar eich statws ffioedd. Gallai eich statws ffioedd fod yn statws cartref, ynysoedd neu tramor.
Dysgwch sut rydym yn pederfynu eich statws ffioedd
Ffioedd am statws cartref
Nid yw ffioedd ar gyfer mynediad 2025/26 ar gael eto
Myfyrwyr o'r UE, AEE a'r Swistir
Rydym yn aros am gadarnhad o'r ffioedd dysgu ar gyfer blwyddyn academaidd 2025/26.
Ffioedd am statws ynys
Dysgwch ragor am ffioedd ol-raddedig i fyfyrwyr o Ynysoedd y Sianel ac Ynys Manaw.
Ffioedd am statws tramor
Rydym yn aros am gadarnhad o'r ffioedd dysgu ar gyfer blwyddyn academaidd 2025/26.
Costau ychwanegol
Costau byw
Rydym wedi ein lleoli yn un o ddinasoedd mwyaf fforddiadwy y DU. Rhagor o wybodaeth am gostau byw yng Nghaerdydd.
Arian
Gyrfaoedd graddedigion
Camau nesaf
Ymweliadau Diwrnod Agored
Cofrestrwch am wybodaeth am ein dyddiadau sydd i ddod.Gwnewch ymholiad
Cysylltwch â ni am ragor o wybodaeth am y cwrs hwn.Rhyngwladol
Mwy o wybodaeth am ein prifysgol fyd-eang.Dewisiadau eraill y cwrs
Rhagor o wybodaeth
Pynciau cysylltiedig: Religion and theology
Data HESA: Hawlfraint yr Asiantaeth Ystadegau Addysg Uwch Cyfyngedig 2021. Ni all yr Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliadau neu benderfyniadau sy'n deillio o drydydd partïon o'i data. Daw'r data o Arolwg Hynt Graddedigion Diweddaraf 2019/20 a gyhoeddwyd gan HESA ym mis Mehefin 2022.
