Cadwraeth Gynaliadwy Adeiladau (MSc)

Sut y caf fy addysgu?

Mae'r deunydd a addysgir yn cael ei ddarparu'n bennaf gan amrywiaeth o siaradwyr gwadd a ddewiswyd yn arbennig, gyda phob un yn uchel ei fri yn ei faes penodol. Dilynir cyflwyniad y siaradwr gan ddadl a thrafodaeth fywiog â'r grŵp, ar ffurf seminar, i roi'r cyfle i ddysgu o amrywiaeth o safbwyntiau. Rydyn ni’n cynnal llawer o ymweliadau safle yn ystod y rhaglen, gan weld prosiectau byw ac ymgysylltu ag ymarferwyr, cleientiaid ac awdurdodau statudol.

Adnoddau a Chyfleusterau

Mae gan Ysgol Pensaernïaeth Cymru enw da mewn ymchwil dylunio cynaliadwy sy'n bwynt cyfeirio yn y rhaglen. Mae gan yr Ysgol ei sganiwr laser ei hun ac mae'r myfyrwyr i gyd yn cael eu cyflwyno i ddulliau dogfennaeth ddigidol gan gynnwys technegau sganio laser daearol a strwythur-o-symud. Cyflwynir sgiliau meddalwedd hefyd, gan gynnwys egwyddorion modelu hygrothermol a modelu defnydd ynni. Os oes gan fyfyrwyr ddiddordeb, gellir eu cefnogi i astudio technegau monitro ymhellach. Rydyn ni’n cyflwyno myfyrwyr i ddulliau ymchwil archifol ym Mhrifysgol Caerdydd ac mewn archifau cyhoeddus.

Sut y caf fy asesu?

Mae pob darn o waith neu adroddiad yn cael ei asesu yn ystod cam amlinellol a cham cwblhau, gydag adborth yn cael ei roi i lywio cyflwyniadau yn y dyfodol. Nid oes unrhyw brofion dosbarth nac arholiadau yn ystod y rhaglen. Fodd bynnag, mae'n ofynnol i fyfyrwyr gyflwyno gwaith ysgrifenedig a gwaith prosiect ar amser a gallu cyflwyno eu gwaith ar lafar i'r grŵp ar adegau hefyd.

Mae briffiau'r cwrs wedi'u cynllunio i alluogi myfyrwyr o wahanol gefndiroedd i ddilyn llwybrau sy'n berthnasol i'w dilyniant gyrfaol presennol neu a ddewiswyd.

Mae pob modiwl 20 credyd llawn yn cael ei asesu drwy gyfuniad o aseiniadau ysgrifenedig (tua 4,000 o eiriau yr un) a chyflwyniadau. Asesir y modiwl ART 504 40 credyd ar Astudiaethau Achos a Gwaith Rhanbarthol ar ffurf ffeil 4000 o eiriau a chyflwyniad terfynol ac adroddiad 4000 o eiriau. Mae'r traethawd hir 60 credyd yn 20,000 o eiriau ac anogir myfyrwyr yn gryf i ddilyn a datblygu eu diddordebau unigryw eu hunain wrth ddewis eu pwnc yma.

Sut y caf fy nghefnogi?

Mae tiwtor personol yn cael ei neilltuo i bob un o'n myfyrwyr pan fyddan nhw’n cofrestru ar y cwrs. Mae tiwtor personol yno i'ch cefnogi yn ystod eich astudiaethau, a gall roi cyngor i chi ar faterion academaidd a phersonol a all fod yn effeithio arnoch. Dylech gael cyfarfodydd rheolaidd â’ch tiwtor personol er mwyn sicrhau eich bod yn cael cefnogaeth lawn.

Bydd gennych fynediad i'r Llyfrgell Pensaernïaeth, yn ogystal â deunyddiau yn Llyfrgelloedd eraill Prifysgol Caerdydd.

Rydyn ni hefyd yn cefnogi myfyrwyr trwy amgylchedd dysgu rhithwir y Brifysgol, Dysgu Canolog, lle gallwch ofyn cwestiynau mewn fforwm neu ddod o hyd i ddogfennau cysylltiedig â’r cwrs

Rydyn ni’n annog ein holl fyfyrwyr ôl-raddedig i ddatblygu’n bersonol. Ar ddechrau'r cwrs byddwn yn eich cyflwyno i'r cyfleoedd sydd ar gael i ddatblygu’n bersonol ac yn broffesiynol, ac unwaith eto yn ystod camau pwysig yn y cwrs.

Mae Prifysgol Caerdydd hefyd yn cynnig ystod eang o wasanaethau cymorth sy'n agored i'n myfyrwyr, fel Canolfan y Graddedigion, cwnsela a llesiant, cynghorwyr ariannol a gyrfaoedd, y swyddfa ryngwladol ac Undeb y Myfyrwyr.

Rydyn ni’n cynnig adborth ysgrifenedig ac adborth llafar, yn dibynnu ar y gwaith cwrs neu'r asesiad rydych wedi'i wneud. Fel arfer, byddwch yn derbyn eich adborth gan arweinydd y modiwl. Os oes gennych gwestiynau am eich adborth, mae arweinwyr modiwlau fel arfer yn hapus i roi cyngor ac arweiniad i chi ar eich cynnydd.

Adborth Ffurfiannol

Mae’n cael ei roi ar gyfer pob darn o waith a gyflwynir er mwyn eich helpu i sicrhau bod eich gwaith terfynol o’r safon orau bosibl

Adborth Crynodol

Mae’n cael ei roi ar gyfer pob modiwl gyda sylwadau a graddau.

Pa sgiliau y byddaf yn eu hymarfer a’u datblygu?

Ar ôl cwblhau'r chwe modiwl yn foddhaol byddwch:

• Yn gallu ehangu cwmpas ac ystod y gwaith proffesiynol y gallwch ei wneud yn gyflym, gan gynyddu eich potensial i ennill ffi ac ehangu eu cynaliadwyedd economaidd yn y farchnad.
• Yn gallu dilyn dull cadwraeth integredig o ymdrin â newid yn yr hinsawdd a'r agenda carbon isel. Yn hyn o beth, bydd gan raddedigion y rhaglen gymhwyster unigryw.
• Yn gymwys i wella eich rhagolygon ar gyfer achrediad Cadwraeth Adeiladu fel yr amlinellir yn yr adran ""Nodweddion Unigryw."".

Wedi datblygu gwybodaeth ymarferol a dealltwriaeth ddamcaniaethol o gadwraeth adeiladu mewn termau deddfwriaethol, technegol a chyfannol a fydd yn eich galluogi i fynd i'r afael â phrosiectau perthnasol gydag ymreolaeth ac yn effeithiol.

Sgiliau Deallusol:

Ar ôl cwblhau'r chwe modiwl yn foddhaol byddwch:

Yn gallu cydbwyso a mynegi, mewn termau ymarferol a chysyniadol, amgylchiadau newid a gwerthoedd yr amgylchedd ffisegol a ffurfio strategaethau effeithiol i fynd i’r afael â phroblemau o’r fath.

Sgiliau Ymarferol Proffesiynol:

Mae’r cwrs hwn wedi’i achredu gan IHBC, felly bydd modd i ymgeisydd a chanddo gymwysterau addas ennill achrediad cyflawn IHBC cyn pen dwy flynedd yn hytrach na phum mlynedd. Os bydd penseiri sydd wedi cofrestru â RIBA ac ARB yn cwblhau’r cwrs, byddan nhw’n gallu cofrestru ar y ""Gofrestr Gadwraeth"" ar unwaith. Ar gyfer penseiri sydd wedi cofrestru ag ARB/RIBA, mae'n lleihau nifer y blynyddoedd o ymarfer sy'n ofynnol iddyn nhw fod â hawl i fod yn ""Bensaer Cadwraeth Arbenigol"" i 4 blynedd (o 5) a 2 flynedd (o 3) ar gyfer ""Pensaer Cadwraeth"".

Mae dilysiad y cwrs ar gyfer achrediad IHBC yn seiliedig arno’n bod yn gydnaws â meini prawf addysg y Cyngor Rhyngwladol ar Henebion a Safleoedd (ICOMOS). O'r herwydd, dylai myfyrwyr rhyngwladol allu hawlio cydnabyddiaeth broffesiynol debyg yn eu gwledydd cartref.

Sgiliau Trosglwyddadwy/Allweddol:

Mae ein myfyrwyr wedi mynd ymlaen i gael eu cyflogi gan yr Ymddiriedolaeth Genedlaethol, yr Arolygiaeth Gynllunio, i gael dyrchafiad mewn awdurdodau lleol ac i sefydlu is-adrannau newydd yn eu cwmnïau a’u busnesau.

Beth yw deilliannau dysgu’r cwrs/rhaglen?

Please refer to the module descriptions.

I was able to study the MSc in Sustainable Building Conservation after receiving a scholarship from Chevening and Cardiff University Partnership. The course is the perfect balance between practice and theory. Every lecture was with a different professional from diverse fields, enriching our debates and adding a multidisciplinary approach within the architectural and heritage world. The study trips and workshops contributed to my hands-on experience but also made me realise how Wales is astonishing and rich in terms of heritage, castles, and culture. Cardiff is a welcoming city with lovely people and food from every corner of the world.