Roboteg a Systemau Deallus (MSc)

Sut y caf fy addysgu?

Darperir modiwlau drwy gyfres o ddarlithoedd wyneb yn wyneb, tiwtorialau, gweithdai neu seminarau, yn ogystal â gweithgareddau grŵp wedi’u harwain gan ymchwil a dylunio. Mae'r dulliau hyn yn amrywio o fodiwl i fodiwl, fel y bo'n briodol yn dibynnu ar y pwnc a'r dull asesu. Darperir adnoddau dysgu ategol hefyd i gynorthwyo â dysgu myfyrwyr ac i ddarparu gweithgareddau ymestynnol.

Mae modiwlau unigol yn cynnig rhagor o wybodaeth am sut i astudio ac arweiniad ar adnoddau dysgu a chefnogaeth bellach.

Yn ogystal â gweithgareddau unigol, mae dysgu ar y cyd yn agwedd bwysig ar y rhaglen hon, yn enwedig wrth gydweithio mewn grwpiau amlddisgyblaethol. Darperir cymorth uniongyrchol gyda chyfranogiad tîm effeithiol, gan ddatblygu deinameg grŵp ac adolygu cyfraniad cymheiriaid.

Bydd arbenigwyr o ddiwydiant hefyd yn cyfrannu drwy roi cynnwys a addysgir yn ei gyd-destun â phroblemau byd go iawn, gan archwilio'r arloesiadau peirianneg diweddaraf a chyflwyno astudiaethau achos.

Sut y caf fy asesu?

Mae asesiadau ffurfiannol a chrynodol wedi'u cynllunio i adlewyrchu perthnasedd ymarferol gorau ac i fod yn ddilys, tra'n dangos tystiolaeth o gyflawniad y canlyniadau dysgu.

Mae hyn yn rhoi mesur o berfformiad i'ch hysbysu chi, staff, a darpar gyflogwyr am eich cynnydd a'ch cyrhaeddiad. Hefyd gall helpu'r broses ddysgu trwy dynnu sylw at feysydd llwyddiant a meysydd y mae angen mwy o sylw arnynt.

Mae'r asesu'n cynnwys cyfuniad o ddulliau sy'n cael eu dewis i weddu i ganlyniadau penodol pob modiwl a'r cwrs yn ei gyfanrwydd.

• Arholiadau ffurfiol gyda therfynau amser penodol
• Profion dosbarth
• Aseiniadau ysgrifenedig fel adroddiadau, traethodau a phosteri
• Cynllunio, cynnal ac adrodd ar waith prosiect
• Traethodau
• Ymarferion datrys problemau (fel aseiniadau gweithdy)
• Cyflwyniadau llafar
• Adolygu gan gymheiriaid
• Ymarfer Myfyriol

Sut y caf fy nghefnogi?

Byddwch yn cael tiwtor personol wedi’i ddynodi i chi i’ch cynorthwyo â’ch cynnydd academaidd ac i gynnig cymorth bugeiliol mewn modd anffurfiol a chyfrinachol. Rydyn ni’n ymfalchïo yn y ffaith ein bod yn cynnig amgylchedd gwresog a chroesawgar i bawb.

Bydd eich tiwtor personol yn eich gweld yn rheolaidd yn ystod y rhaglen. Ar gyfer cam y traethawd hir, byddwch yn cael goruchwyliwr a mentor diwydiannol os oes angen yn eich maes arbenigol, y byddwch yn cwrdd yn rheolaidd.

Yn ogystal â’r ystod eang o wasanaethau cymorth a ddarperir yn ganolog gan Brifysgol Caerdydd, bydd Uwch Diwtor Personol ar gael i’ch helpu ac i gynghori ar unrhyw faterion personol sy’n codi.

Byddwch yn cael mynediad i lawlyfr cynhwysfawr sy'n briodol i'ch rhaglen, sy'n cynnwys manylion gweithdrefnau a pholisïau'r ysgol. Rydym yn gwneud defnydd helaeth o Amgylchedd Dysgu Rhithwir (Dysgu Canolog) y Brifysgol i rannu gwybodaeth a deunyddiau addysgu a chefnogi eich dysgu.

Mae adborth yn rhan hanfodol o’ch profiad dysgu, a bydd yn cael ei ddarparu yn ystod cyfnod eich astudiaethau. Bydd gan bob modiwl fecanweithiau adborth i’ch cynorthwyo â’ch dysgu a’ch datblygiad. Bydd gan asesiadau ffurfiannol adborth sy’n cynorthwyo â datblygu eich gwybodaeth, eich dealltwriaeth a’ch sgiliau. Bydd adborth yn dilyn asesiadau crynodol yn amlinellu’r dystiolaeth a ddefnyddiwyd i farcio eich gwaith yn erbyn meini prawf a osodwyd, ac yn rhoi sylwadau adeiladol tuag at ddatblygu eich gwybodaeth, eich dealltwriaeth a’ch sgiliau ar gyfer y dyfodol.

Pa sgiliau y byddaf yn eu hymarfer a’u datblygu?

Mae deilliannau dysgu’r rhaglen hon yn disgrifio'r hyn y byddwch wedi’i gyflawni erbyn diwedd eich rhaglen ym Mhrifysgol Caerdydd, ac yn nodi'r wybodaeth a'r sgiliau y byddwch yn eu datblygu. Byddant hefyd yn eich helpu i ddeall yr hyn a ddisgwylir gennych.

O gwblhau eich rhaglen yn llwyddiannus, byddwch yn gallu gwneud y canlynol:

Gwybodaeth a Dealltwriaeth:

• Gwerthuso a chymhwyso roboteg a gwybodaeth system ddeallus i ddarparu atebion priodol ar gyfer problemau dilys a wynebir mewn ymchwil a diwydiant.
• Datblygu atebion peirianneg i heriau peirianneg go iawn sy'n cwmpasu ystod eang o fethodolegau ac adnoddau.
• Dangos ymwybyddiaeth o rôl roboteg o fewn diwydiant a meysydd ymchwil sy'n dod i'r amlwg a'u buddion posibl.
• Yn annibynnol, gwerthuso’n feirniadol ymagweddau cyfarwydd ac anghyfarwydd at roboteg a deallusrwydd artiffisial gan ddeall sut y cânt eu cymhwyso a’u haddasu mewn disgyblaethau penodol.

Sgiliau Deallusol:

• Dadansoddi a dehongli data o adnoddau gwyddonol a thechnegol yn feirniadol i ddatrys problemau byd go iawn.
• Cynllunio, cynnal, a gwerthuso ymchwil ymchwiliol gan ddangos dealltwriaeth integredig o dechnegau ar gyfer syntheseiddio, dadansoddi a/neu fodelu cyfrifiadol fel y'u cymhwysir i gemeg feddyginiaethol.
• Gwerthuso ac amddiffyn eich datrysiadau peirianneg o fewn cyd-destun ymchwil a diwydiannol, yn ogystal ag ar draws effaith gymdeithasol ehangach.
• Adolygu'n feirniadol y fframwaith o ofynion llywodraeth a chyfreithiol perthnasol i weithredu problemau moesegol mewn datrysiadau deallusrwydd artiffisial a roboteg.

Sgiliau Ymarferol Proffesiynol:

• Datblygu a gweithredu datrysiadau gan ddefnyddio ystod o sgiliau peirianneg, egwyddorion sylfaenol a phrosesau.
• Cydweithio â disgyblaethau peirianneg a gwyddoniaeth eraill a meysydd cysylltiedig i greu dull cyfannol o fynd i'r afael â heriau roboteg a dylunio systemau.
• Nodi, diffinio a dadansoddi materion a syniadau cymhleth, gan arfer barn feirniadol wrth werthuso ffynonellau gwybodaeth.
• Casglu, gwerthuso, syntheseiddio a dehongli data ansoddol a meintiol mewn amrywiaeth o ffyrdd, gan nodi ffyrdd o gael/defnyddio data newydd ar gyfer deallusrwydd artiffisial, rheolaeth a chymwysiadau amcangyfrif synhwyraidd.
• Ymchwilio’n annibynnol, dadansoddi, a chymhwyso ffynonellau llenyddiaeth sylfaenol i sgiliau cyfrifiadurol, prosesu data, a chwilio electronig sy’n ymwneud â gwybodaeth roboteg a systemau deallus er mwyn datblygu, gwerthuso’n feirniadol a chyflwyno dadleuon, damcaniaethau, penderfyniadau a chanfyddiadau rhesymegol manwl o fewn traethawd hir.

Sgiliau Trosglwyddadwy/Allweddol:

• Defnyddio amrywiaeth o sgiliau, gan gynnwys datrys problemau, cyfathrebu, gwaith tîm, adalw gwybodaeth, sgiliau rhaglennu, hunan-ddysgu, myfyrio a datblygu gyrfa.
• Cyfrannu’n gadarnhaol ac yn effeithiol wrth weithio mewn tîm a gallu cyfathrebu syniadau cymhleth yn effeithiol i gynulleidfaoedd amrywiol.
• Llunio, cynllunio, gweithredu a chyfathrebu canlyniadau prosiectau neu waith ymchwil arwyddocaol sy'n cynnwys gwreiddioldeb wrth gymhwyso gwybodaeth a barn beirianyddol feirniadol.
• Datblygu ymwybyddiaeth o'ch cryfderau a'ch gwendidau gan ddefnyddio arweiniad/adborth i ddatblygu strategaethau ar gyfer dysgu gydag ymreolaeth sy'n dod i'r amlwg.