Dylunio Adeiladau’n Amgylcheddol (MSc)

Sut y caf fy addysgu?

Cewch eich addysgu’n bennaf drwy amgylchedd dysgu rhithwir y Brifysgol, Dysgu Canolog. Drwy’r porth hwn, byddwch yn gallu cael gafael ar yr holl ddeunyddiau addysgu dysgu o bell ar gyfer y cwrs hwn, gan gynnwys sgrinlediadau digidol a deunyddiau darllen penodol sydd ar gael yn ddigidol.  Dyluniwyd y deunyddiau addysgu yn unol â Fframwaith Dysgu Digidol Prifysgol Caerdydd.

Oherwydd natur y cwrs hwn, chi sy'n gyfrifol am ddarllen unrhyw negeseuon e-bost a anfonir gan diwtoriaid modiwl neu gyhoeddiadau a wneir trwy Dysgu Canolog yn aml ac am ymgyfarwyddo ag amserlen y modiwl ac amgylchedd Dysgu Canolog.

Ar gyfer y modiwlau a addysgir, rydyn ni’n defnyddio cymorth clyweledol, arddangosiadau wedi'u hanimeiddio, ac ymarferion rhyngweithiol yn ôl yr angen i gynorthwyo gyda’r dysgu ac i roi sgiliau penodol i bwnc ar waith. Byddwch yn cael mynediad at recordiadau o ddarlithoedd neu arddangosiadau yn rhan o'r modiwlau hyn, a disgwylir i chi eu gwylio / gwrando arnynt. Gosodir tasgau byr i roi cyfleoedd i fyfyrwyr astudio'n unigol a chael adborth ffurfiannol.

Ar gyfer modiwlau'r prosiect, byddwch yn cael cynnig y cyfle i roi eich sgiliau newydd o'r rhaglen ar waith er mwyn atgyfnerthu eich dealltwriaeth a'ch sgiliau yn y maes pwnc ac er mwyn datblygu eich sgiliau datrys problemau a chyflwyno. Byddwn yn cynnal tiwtorialau mewn lleoliadau grŵp trwy ystafell ddosbarth rithwir ac ystafell sgwrsio lle bydd eich gwaith yn cael ei rannu a'i drafod. Dylech hefyd gadw mewn cysylltiad â thiwtor y modiwl a'ch cydfyfyrwyr dysgu o bell ar fforwm trafod ar-lein, lle bydd eich tiwtor yn gallu goruchwylio eich cynnydd fel carfan ac yn unigol.

Bydd dysgu anghydamserol yn cael ei ategu gan sesiynau cydamserol ar ffurf tiwtorialau prosiect.

Sut y caf fy asesu?

Asesir modiwlau a addysgir ac sy'n seiliedig ar brosiectau mewn amrywiaeth o wahanol ffyrdd, yn dibynnu ar gynnwys y modiwl a’r deilliannau dysgu (a geir yn y disgrifiadau o’r modiwlau). Rydym yn defnyddio profion dosbarth, asesiadau gwaith cwrs (fel asesiadau ysgrifenedig a phortffolio), neu gyfuniad o'r rhain i asesu eich cynnydd ar y modiwl.

Dim ond eich traethawd hir gaiff ei asesu yn y cam traethawd hir. Mae'r traethawd hir yn adroddiad ysgrifenedig ar ddarn o waith ymchwil rydych wedi'i wneud mewn maes pwnc y cytunwyd arno o dan oruchwyliaeth.

Sut y caf fy nghefnogi?

Mae tiwtor personol yn cael ei neilltuo i bob un o'n myfyrwyr pan fyddan nhw’n cofrestru ar y cwrs. Mae tiwtor personol yno i'ch cefnogi yn ystod eich astudiaethau, a gall roi cyngor i chi ar faterion academaidd a phersonol a all fod yn effeithio ar eich astudiaethau. Dylech gael cyfarfodydd rheolaidd gyda’ch tiwtor personol er mwyn sicrhau eich bod yn cael cefnogaeth lawn.

Bydd gennych fynediad at yr adnoddau electronig o'n Llyfrgell Bensaernïaeth bwrpasol a llyfrgelloedd eraill Prifysgol Caerdydd.

Yn ogystal, mae gan fyfyrwyr o bell arweinydd rhaglen penodedig y mae ei rôl yn benodol i ddysgwyr o bell. Mae’r arweinydd rhaglen hwn yn cefnogi ac yn arwain myfyrwyr drwy eu hastudiaethau yn academaidd ac yn fugeiliol, ac yn cychwyn sefydlu cymunedau ymarfer trwy grwpiau cyfryngau cymdeithasol neu leoliadau creu grwpiau rhithwir eraill.

Os bydd angen, mae apwyntiadau cwnsela a lles ar-lein ar gael.

Pa sgiliau y byddaf yn eu hymarfer a’u datblygu?

Mae Deilliannau Dysgu’r rhaglen hon yn disgrifio'r hyn y byddwch chi’n gallu ei wneud o ganlyniad i astudio ym Mhrifysgol Caerdydd. Byddan nhw’n eich helpu i ddeall yr hyn mae disgwyl ichi ei wneud. 

Erbyn diwedd y rhaglen, byddwch chi’n gallu:

Gwybod a deall:

• Arfarnu rôl gweithwyr proffesiynol yr amgylchedd adeiledig wrth gefnogi cynaliadwyedd cyfannol ar ystod o raddfeydd datblygu
• Archwilio’r paramedrau hinsoddol ac ymddygiadol allweddol sy’n dylanwadu ar gysur y meddianwyr, ansawdd yr aer, a pherfformiad ynni/carbon yr amgylchedd adeiledig
• Crynhoi sut mae adeiladau'n defnyddio ynni ac yn gollwng carbon ac egluro sut y gellir lleihau hyn wrth gynnal cysur dynol yn yr amgylchedd adeiledig

Sgiliau deallusol:    

• Syntheseiddio data cymhleth i hwyluso gwneud penderfyniadau
• Dylunio, gwerthuso a datblygu atebion creadigol i broblemau cymhleth yng nghyd-destun yr amgylchedd adeiledig

Sgiliau ymarferol proffesiynol:     

• Ymchwilio i broblemau byd go iawn cymhleth mewn perthynas â'r amgylchedd adeiledig a chynaliadwyedd cyfannol
• Beirniadu gwybodaeth bresennol a chyfiawnhau penderfyniadau a wneir wrth greu datrysiad dylunio

Sgiliau trosglwyddadwy/allweddol:   

• Creu ac amddiffyn syniadau, egwyddorion a damcaniaethau cymhleth
• Dewis a chyfiawnhau dulliau priodol ar gyfer datrys problemau

This University offers an exceptional distance learning opportunity for those who cannot make it to Cardiff. I got to know my other distance learning colleagues who come from different countries and backgrounds. The weekly online tutorials brought us colleagues and tutors closer together. One thing that I liked most in the final year project was that we exchanged our climates with that of our buddies for the project. I found that really fascinating. I really love the subject and in my opinion it was portrayed quite vividly.