Cyfryngau Digidol a Chymdeithas (MA)
- Hyd: Blwyddyn
- Dull astudio: Amser llawn
Diwrnod agored
Dysgwch am astudio'n ôl-raddedig yma yn ystod ein Diwrnod Agored nesaf.
Pam astudio’r cwrs hwn
Mae'r cwrs hwn yn edrych ar rôl y cyfryngau digidol newydd wrth lunio a gweddnewid cymdeithas. Mae'n ymchwilio i sut mae cynulleidfaoedd y cyfryngau yn dod yn gynhyrchwyr, sut mae newyddiaduraeth dinasyddion a diwylliant digidol wedi newid arferion a disgwyliadau, sut mae’r cyfryngau cymdeithasol a chynyrchiadau gan gyfoedion yn effeithio ar wleidyddiaeth a busnes, a sut mae technoleg yn gysylltiedig â grym a newid cymdeithasol.
Archwiliwch y gymdeithas ddigidol
Byddwch yn ymchwilio i wleidyddiaeth ar-lein a rheoleiddio’r rhyngrwyd, diwylliant digidol a’r economi ddigidol, troi ffeithiau cymdeithasol yn ddata meintiol a hawliau digidol.
Ymchwil weithredol
Byddwch yn datblygu eich prosiect ymchwil eich hun ar y cyd ag ymchwilwyr adnabyddus o'n Grŵp Cyfryngau Digidol a’r Gymdeithas a'n Labordy Cyfiawnder Data.
Y Sgwâr Canolog, Caerdydd
Byddwch yn astudio yng nghanol ardal cyfryngau bywiog Caerdydd mewn adeilad pwrpasol sydd drws nesaf i adeilad newydd BBC Cymru.
Rhagoriaeth ymchwil
Byddwch yn astudio yn un o brif ysgolion y DU ar gyfer ymchwil ar astudiaethau'r cyfryngau, sef yr 2il orau yn y DU yn ôl y Llywodraeth.
Mae’r platfformau cyfathrebu digidol newydd sydd wedi dod i’r amlwg wedi cael effaith sylweddol. Mae cynulleidfaoedd yn trawsnewid yn gynhyrchwyr cyfryngau; mae modelau busnes newydd yn dod i'r amlwg; mae ymgyrchoedd cyfryngau cymdeithasol yn creu mathau newydd o wleidyddiaeth; mae diwylliant digidol yn amlygu arferion rhannu a chymryd rhan; ac mae casglu data a dadansoddeg yn effeithio ar ran gynyddol o'n bywydau.
Mae hyn yn cynnig posibiliadau newydd i ddinasyddion digidol, ond mae hefyd yn arwain at gwestiynau newydd ynghylch syniadau clasurol am breifatrwydd a rhyddid mynegiant, ac mae'n gwneud gwybodaeth a seilwaith digidol yn adnodd allweddol.
Mae MA Cyfryngau Digidol a Chymdeithas yn mynd i'r afael â heriau cyfredol cyfathrebu ar-lein ac astudiaethau rhyngrwyd. Mae'n eich galluogi i ddatblygu gwybodaeth arbenigol mewn meysydd fel cyfryngau cymdeithasol, data mawr, newyddiaduraeth dinasyddion, diwylliant digidol, y diwydiannau creadigol, llywodraethu'r rhyngrwyd, a hawliau digidol. Mae hefyd yn cynnig sail ddamcaniaethol a methodolegol ym maes astudiaethau’r cyfryngau a chyfathrebu.
Mae'r cwrs hwn yn rhoi dealltwriaeth drylwyr i chi o'r trawsnewidiadau presennol a'r sgiliau dadansoddi i ymchwilio i gyfryngau digidol yng nghyd-destun newid cymdeithasol, gwleidyddol ac economaidd. Rydyn ni’n gofyn sut caiff cyfathrebu ar-lein ei lunio gan ddefnyddwyr, gwladwriaethau a busnesau, a sut mae cyfryngau digidol yn effeithio ar ein cymdeithas oherwydd hynny.
Mae'r cwrs hwn yn defnyddio cryfder ac amrywiaeth staff Prifysgol Caerdydd, gan roi cyfle unigryw i chi weithio gydag academyddion y mae eu hymchwil yn archwilio materion fel newyddiaduraeth dinasyddion, gweithredu ar-lein, data mawr, gwyliadwriaeth ar y rhyngrwyd, llywodraethu'r rhyngrwyd a hawliau digidol.
Gallwch gymryd rhan yn ein Grŵp Ymchwil Cyfryngau Digidol a Chymdeithas a dod yn rhan o amgylchedd ymchwil deinamig.
Sylwch fod y cwrs hwn yn canolbwyntio ar ymchwil academaidd ac nid yw'n darparu hyfforddiant ymarferol.
Ble byddwch yn astudio
Yr Ysgol Newyddiaduraeth, Y Cyfryngau a Diwylliant
Rydym yn darparu amgylchedd ysgolheigaidd er mwyn i chi fagu'r wybodaeth a'r sgiliau sydd eu hangen ar gyfer eich maes penodol yn y cyfryngau.
Meini prawf derbyn
Er mwyn cael eich ystyried am gynnig ar gyfer y rhaglen hon bydd angen i chi fodloni'r holl ofynion mynediad. Ni fydd eich cais yn cael ei ddatblygu os na ddarperir yr wybodaeth a'r dystiolaeth a restrir.
Gyda'ch cais ar-lein, bydd angen i chi ddarparu:
- Copi o'ch tystysgrif gradd a'ch trawsgrifiadau sy'n dangos eich bod wedi cyflawni gradd anrhydedd 2:1 mewn pwnc perthnasol fel y celfyddydau, y dyniaethau neu'r gwyddorau cymdeithasol, neu radd ryngwladol gyfatebol. Os yw eich tystysgrif gradd neu ganlyniad yn yr arfaeth, llwythwch unrhyw drawsgrifiadau dros dro neu dystysgrifau dros dro.
- Copi o'ch tystysgrif IELTS gyda sgôr gyffredinol o 7.0 gyda 6.0 ym mhob is-sgil, neu dystiolaeth o gymhwyster cyfatebol derbyniol. Dylech gynnwys dyddiad eich prawf disgwyliedig os yw'r cymhwyster hwn yn yr arfaeth. Os oes gennych dystiolaeth dderbyniol amgen, fel gradd israddedig a astudir yn y DU, rhowch hyn yn lle IELTS.
Os nad oes gennych radd, efallai y bydd eich cais yn cael ei ystyried ar sail eich profiad proffesiynol. Rhowch dystiolaeth ychwanegol i gefnogi'ch cais megis cyfeiriadau cyflogwr wedi'u llofnodi a'u dyddio.
Dyddiad cau ar gyfer ceisiadau
Rydym yn dyrannu lleoedd ar sail y cyntaf i'r felin, felly rydym yn argymell eich bod yn gwneud cais cyn gynted â phosibl. Fel arfer, bydd ceisiadau'n cau ddiwedd mis Awst ond gallant gau'n gynt os llenwir pob lle.
Broses ddethol
Byddwn yn adolygu eich cais ac os ydych yn bodloni'r holl ofynion mynediad, a bod lleoedd ar gael o hyd, byddwn yn gwneud cynnig i chi.
Rhagor o wybodaeth am ofynion Iaith Saesneg.
Mae'n rhaid i ymgeiswyr sydd angen Fisa myfyriwr i astudio yn y DU gyflwyno cymhwyster iaith Saesneg derbyniol er mwyn bodloni gofynion UKVI (Fisâu a Mewnfudo y DU).
Euogfarnau troseddol
Nid yw'n ofynnol i chi gwblhau gwiriad DBS (Gwasanaeth Gwahardd Datgelu) na darparu Tystysgrif Ymddygiad Da i astudio'r cwrs hwn.
Os ydych chi'n destun unrhyw amod trwydded neu gyfyngiad monitro ar hyn o bryd a allai effeithio ar eich gallu i gwblhau'ch astudiaethau yn llwyddiannus, bydd gofyn i chi ddatgelu'ch cofnod troseddol. Mae'r amodau'n cynnwys, ond heb fod yn gyfyngedig i:
- mynediad i gyfrifiaduron neu ddyfeisiau sy'n gallu storio delweddau
- defnyddio offer / dyfeisiau rhyngrwyd a chyfathrebu
- cyrffyw
- rhyddid i symud, gan gynnwys y gallu i deithio i'r tu allan i'r DU neu i ymgymryd â lleoliad / astudiaethau y tu allan i Brifysgol Caerdydd
- cyswllt â phobl sy'n gysylltiedig â Phrifysgol Caerdydd.
Strwythur y cwrs
Mae hwn yn gwrs amser llawn sy’n para blwyddyn, ac mae'n cyfuno modiwlau craidd a dewisol. Dros gyfnod y cwrs byddwch yn astudio modiwlau sy'n dod i gyfanswm o 180 credyd.
Mae'r modiwlau a ddangosir yn enghraifft o'r cwricwlwm nodweddiadol. Bydd modiwlau terfynol yn cael eu cyhoeddi fis cyn i'ch rhaglen ddechrau.
| Teitl modiwl | Côd modiwl | Credydau |
|---|---|---|
| Rhoi ymchwil ar waith 1 | MCT533 | 20 credydau |
| Rhoi ymchwil ar waith 2 | MCT534 | 20 credydau |
| Deall Cyfryngau Digidol | MCT544 | 20 credydau |
| Dadleuon a Chysyniadau yn y Cyfryngau a Chyfathrebu | MCT565 | 20 credydau |
| Cymdeithas Datafied | MCT593 | 20 credydau |
| Traethawd hir yn seiliedig ar y prosiect | MCT444 | 60 credydau |
| Teitl modiwl | Côd modiwl | Credydau |
|---|---|---|
| Adroddiadau Argyfwng Byd-eang | MCT494 | 10 credydau |
| Ymddygiad Etholiadol, Barn y Cyhoedd a'r Cyfryngau | MCT535 | 10 credydau |
| Cyfryngau Cymdeithasol a Gwleidyddiaeth | MCT540 | 10 credydau |
| Dealltwriaeth o'r cyfryngau a gwleidyddol | MCT566 | 10 credydau |
| Cysylltiadau Cyhoeddus, All-lein ac Ar-lein | MCT567 | 10 credydau |
| Yng nghadeirydd y golygydd | MCT588 | 20 credydau |
| Cyfathrebu Achosion | MCT591 | 20 credydau |
| Theori a Dadansoddiad Diwylliannol | MCT606 | 10 credydau |
| Diwydiannau Cerddoriaeth Byd-eang | MCT607 | 10 credydau |
| Cyfryngau, Gwyddoniaeth ac Iechyd | MCT608 | 20 credydau |
| Cynhyrchu Fideo Ffurf Fer | MCT610 | 20 credydau |
| Rhywedd, Rhywioldeb a Diwylliant Digidol | MCT611 | 20 credydau |
Mae'r Brifysgol wedi ymrwymo i ddarparu amrywiaeth eang o opsiynau modiwl lle’n bosibl. Ond byddwch yn ymwybodol er y byddwn yn gwneud pob ymdrech i gynnig dewis, gall hyn gael ei gyfyngu mewn rhai amgylchiadau. Y rheswm am hyn yw'r ffaith mai dim ond nifer cyfyngedig o leoedd sydd ar gael ar rai modiwlau, a gaiff eu dyrannu ar sail y cyntaf i'r felin. Mae'n ofynnol i fodiwlau eraill sicrhau isafswm nifer o fyfyrwyr cyn gallu eu cynnal, er mwyn gwneud yn siŵr y gellir cyflwyno addysg o ansawdd priodol. Gall modiwlau gael eu cyfyngu oherwydd gwrthdaro yn yr amserlen hefyd, ac er bod y Brifysgol yn ymdrechu i amharu cyn lleied â phosibl ar eich dewis, byddai'n syniad da i chi ofyn am gyngor gan yr Ysgol berthnasol am y dewisiadau modiwl sydd ar gael.
Dysgu ac asesu
Sut y caf fy addysgu?
Byddwch yn cael eich addysgu drwy gymysgedd o ddarlithoedd a seminarau, sy'n ategu natur academaidd y cwrs.
Sut y caf fy asesu?
Byddwch yn cael eich asesu drwy ystod eang o asesiadau ffurfiannol a chrynodol drwy gydol y cwrs. Gwaith cwrs yw’r prif ddull o asesu ar y rhaglen hon.
Sut y caf fy nghefnogi?
Bydd tiwtor personol yn cael ei neilltuo i chi i roi cymorth a chefnogaeth gydag anghenion academaidd a bugeiliol. Bydd eich tiwtor personol ar gael pan fydd arnoch angen trafod cynnydd, cael cyngor ac arweiniad, yn ôl yr angen.
Bydd gwasanaethau Cymorth i Fyfyrwyr yr ysgol, ac adnoddau ehangach y brifysgol, ar gael i’ch cefnogi hefyd.
Byddwch yn cael tiwtorialau rheolaidd gyda chyfarwyddwyr rhaglenni/tiwtoriaid personol yn ogystal â'r cyfle i gwrdd â chydlynwyr modiwlau ar gais.
Adborth
Mae adborth yn cael ei ddarparu ar bob pwynt asesu ar gyfer asesiadau crynodol. Mae adborth ffurfiannol yn cael ei ddarparu mewn sesiynau ymarferol a thrwy gydol yr addysgu.
Pa sgiliau y byddaf yn eu hymarfer a’u datblygu?
Yn ogystal â dealltwriaeth drylwyr o astudiaethau'r cyfryngau a chyfathrebu, a thueddiadau presennol cyfryngau ar-lein a digidol yn benodol, byddwch yn ennill sgiliau ymchwil sy'n berthnasol ar gyfer astudio academaidd a phroffesiynau eraill.
Mae'r rhain yn cynnwys:
- sgiliau dadansoddi disgwrs a chynnwys
- dadansoddi rhwydweithiau cymdeithasol
- cyfweliadau a grwpiau ffocws
- offer dadansoddi a digidol perthnasol.
Byddwch yn datblygu cymhwysedd i ymgymryd â gwaith dadansoddi trylwyr, gan gynhyrchu traethodau yr ymchwiliwyd iddyn nhw’n drylwyr, yn unol â’r dyddiad cwblhau, ac ymgymryd â dadleuon cyfoes allweddol.
Ffioedd dysgu ar gyfer dechrau astudio yn 2025
Bydd eich ffioedd dysgu a sut y byddwch yn eu talu yn dibynnu ar eich statws ffioedd. Gallai eich statws ffioedd fod yn statws cartref, ynysoedd neu tramor.
Dysgwch sut rydym yn pederfynu eich statws ffioedd
Ffioedd am statws cartref
Nid yw ffioedd ar gyfer mynediad 2025/26 ar gael eto
Myfyrwyr o'r UE, AEE a'r Swistir
Rydym yn aros am gadarnhad o'r ffioedd dysgu ar gyfer blwyddyn academaidd 2025/26.
Ffioedd am statws ynys
Dysgwch ragor am ffioedd ol-raddedig i fyfyrwyr o Ynysoedd y Sianel ac Ynys Manaw.
Ffioedd am statws tramor
Rydym yn aros am gadarnhad o'r ffioedd dysgu ar gyfer blwyddyn academaidd 2025/26.
Costau ychwanegol
Costau byw
Rydym wedi ein lleoli yn un o ddinasoedd mwyaf fforddiadwy y DU. Rhagor o wybodaeth am gostau byw yng Nghaerdydd.
Arian
Gyrfaoedd graddedigion
Cyflogir graddedigion MA Cyfryngau Digidol a Chymdeithas mewn amrywiaeth o alwedigaethau, gan gynnwys y sector di-elw, busnes digidol, newyddiaduraeth ar-lein, a sefydliadau rheoleiddio. Maent yn ymgymryd â rolau arweiniol mewn ymgyrchoedd cyfryngau cymdeithasol, polisïau rhyngrwyd, sefydliadau hawliau dynol, newyddiaduraeth a diwydiannau creadigol.
Fel cwrs academaidd sy'n canolbwyntio ar ddadansoddiad beirniadol, mae'r rhaglen hon hefyd yn fan cychwyn perffaith ar gyfer ymchwil PhD ac yn eich paratoi ar gyfer gyrfaoedd mewn sefydliadau ymchwil, yn y brifysgol a sefydliadau cyhoeddus neu breifat eraill.
Sylwer: nid yw’r rhaglen Cyfryngau Digidol a Chymdeithas MA yn gwrs newyddiaduraeth alwedigaethol. Dylai myfyrwyr sydd â diddordeb yn y math hwn o raglen wneud cais am yr Newyddiaduraeth Ryngwladol MA.
Camau nesaf
Ymweliadau Diwrnod Agored
Cofrestrwch am wybodaeth am ein dyddiadau sydd i ddod.Gwnewch ymholiad
Cysylltwch â ni am ragor o wybodaeth am y cwrs hwn.Rhyngwladol
Mwy o wybodaeth am ein prifysgol fyd-eang.Rhagor o wybodaeth
Pynciau cysylltiedig: Newyddiaduraeth
Data HESA: Hawlfraint yr Asiantaeth Ystadegau Addysg Uwch Cyfyngedig 2021. Ni all yr Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliadau neu benderfyniadau sy'n deillio o drydydd partïon o'i data. Daw'r data o Arolwg Hynt Graddedigion Diweddaraf 2019/20 a gyhoeddwyd gan HESA ym mis Mehefin 2022.
