Optometreg a gwyddorau’r golwg

Ar ôl gweithio ers dros 20 mlynedd, rydw i’n teimlo fy mod wedi dysgu am Optometreg yn iawn erbyn hyn! Mae’r cwrs wedi bod yn waith caled ond mae’r sgiliau rydw i wedi’u dysgu wedi bod werth yr ymdrech. Gyda’r wybodaeth rydw i wedi’i gael, rydw i’n gallu trin a rheoli fy nghleifion yn well, hyd yn oed cyn fy lleoliad ysbyty. Mae’r tiwtoriaid ac arweinydd y cwrs yn wybodus iawn ond roedden nhw’n gallu esbonio unrhyw beth mewn ffordd sy’n hawdd ei ddeall. Bydd y cwrs hwn yn gwella eich hyder ac yn rhoi hwb i’ch gyrfa tuag at y lefel nesaf.

Ar ôl ennill gradd BSc ac MSc s o Brifysgol Caerdydd, roeddwn i’n gwybod am y cyfleusterau a'r oruchwyliaeth ragorol sydd ar gael, ac felly roedd hi’n hawdd gwneud y penderfyniad i ddod i astudio PhD yn y labordy Bioffiseg Adeileddol yn yr Ysgol. Yn ystod fy PhD, roeddwn i’n ddigon ffodus i gyflwyno fy ngwaith mewn cynadleddau cenedlaethol a rhyngwladol gerbron arweinwyr y byd yn y maes, ac roedd hyn wedi arwain at brosiectau cydweithio rhyngwladol. Gyda'i gilydd, roedd y sgiliau trosglwyddadwy hyn wedi fy mharatoi ar gyfer gyrfa yn y byd academaidd ac yn y pen draw, oherwydd y rhain, roeddwn i’n gallu cael swydd ôl-ddoethurol ym Mhrifysgol Harvard.

Rydw i wedi cwblhau cyrsiau gan sefydliadau eraill, ac mae’r cyrsiau ym Mhrifysgol Caerdydd yn cael eu rhedeg mewn modd proffesiynol iawn ac yn cyflawni nodau’r cwrs sydd wedi fy ngalluogi i ymestyn hyd a lled fy ymarfer. Rydw i’n credu bod dilyn y cymwysterau uwch wedi fy ngalluogi i gymryd cam cadarn ymlaen yn fy ngyrfa broffesiynol a darparu gofal llawer gwell nag oeddwn i’n gallu cyn astudio yng Nghaerdydd.