Daearyddiaeth a chynllunio
Rydym yn ganolfan ryngwladol flaenllaw o ran addysgu ac ymchwilio ym maes cynllunio gofodol a daearyddiaeth ddynol.
Rhesymau dros astudio gyda ni
Gan ddefnyddio gwyddorau cymdeithasol rhyngddisgyblaethol ar groesffordd daearyddiaeth a chynllunio, mae ein hymchwil yn ddeinamig ac amrywiol. Deall cymdeithas, gofod a lleoedd yw’r nod er mwyn datblygu a rheoli dinasoedd, rhanbarthau ac ardaloedd gwledig a’u gwneud yn gynaliadwy. Ymunwch â ni a helpwch i fynd i’r afael â heriau mawr ein cymunedau ar hyn o bryd.
Canolbwyntio ar eich dyfodol
97% o'n graddedigion ôl-raddedig a addysgir mewn cyflogaeth a/neu’n astudio ymhellach, ar fin dechrau swydd neu gwrs newydd, neu’n gwneud gweithgareddau eraill fel teithio, 15 mis ar ôl diwedd eu cwrs. (Arolwg Hynt Graddedigion 2020/21).
Ymchwil sy’n cael effaith
Ystyrir bod 85% o’n hymchwil sydd o bwys cymdeithasol, economaidd a diwylliannol (sy’n trawsnewid trafodaethau polisi ac yn dylanwadu ar agendâu rhyngwladol) yn arwain y byd neu’n rhyngwladol ragorol (REF 2014).
Uchel ei pharch
Rydym ymhlith y 100 uchaf am ddaearyddiaeth (Rhestr QS o Brifysgolion Gorau’r Byd yn ôl Pwnc 2022) ac yn yr 14eg safle ar gyfer cynllunio trefol a gwledig a thirwedd (The Times/Sunday Times Good University Guide 2023).
Cyrsiau
Ein fideos
Cynllunio a Datblygu Rhyngwladol (MSc)
Mae cynllunio trefol yn ddiddorol iawn ac yn mynd i’r afael â heriau newid a datblygu mewn byd sy’n trefoli, ac mae’r cwrs hwn wedi’i ddylunio i’ch helpu i lunio eich gyrfa yn y dyfodol mewn ymarfer proffesiynol. Mae Athro Alison Brown yn rhoi trosolwg o'r rhaglen.
Cynllunio ar gyfer yfory
Mae’r MSc hwn yn galluogi myfyrwyr i ddatblygu sgiliau cymhwysol a dysgu beirniadol ym maes cynaliadwyedd cyfoes. Mae Dr Andrea Collins yn rhoi trosolwg o'r rhaglen.
Dylunio Trefol (MA)
Mae’r cwrs hwn, a redir ar y cyd ag Ysgol Bensaernïaeth Cymru, yn galluogi myfyrwyr i ddysgu gan ddefnyddio dylunio, theori, ac arferion dylunio datblygu a rheoli, a fydd yn llywio'r prosesau dylunio trefol. Mae Dr Hesam Kamalipour yn rhoi trosolwg o'r rhaglen.
Amgylchedd a Datblygiad (MSc)
Nod y radd hon – sef MSc mewn Amgylchedd a Datblygu – yw ymchwilio, cwestiynu ac archwilio dewisiadau amgen i'r tensiynau a'r cyd-ddibyniaethau sy’n bodoli rhwng datblygiad a systemau ecolegol-gymdeithasol. Mae Dr Antonio Ioris yn rhoi trosolwg o'r rhaglen.
Trafnidiaeth a Chynllunio (MSc)
Ewch ati i ennill y sgiliau, y wybodaeth a'r hyder i greu systemau trafnidiaeth y dyfodol. Mae Dr Dimitris Potoglou yn rhoi trosolwg o'r rhaglen.
Cynllunio a Datblygu Gofodol (MSc)
Nod yr MSc Cynllunio a Datblygu Gofodol yw eich rhoi ar ben ffordd i fod yn gynllunydd da. Mae Dr Sina Shahab yn rhoi trosolwg o'r rhaglen.
Yn fy marn i, ased mwyaf yr Ysgol Daearyddiaeth a Chynllunio yw'r staff eu hunain, sydd nid yn unig yn cyflwyno darlithoedd a seminarau eithriadol, ond sydd bob amser yn hapus ac ar gael i gwrdd â mi pan fyddaf yn cael trafferth gwneud darn penodol o waith neu’n ceisio arweiniad ar bwnc traethawd hir ac astudiaethau yn y dyfodol.
Rhagor o wybodaeth amdanom ni
Trawsnewid lleoedd drwy feddwl yn feirniadol ac ymgysylltu â’r cyhoedd
Rydym wedi ein lleoli yn Adeilad Morgannwg, adeilad eiconig, rhestredig Gradd 1, sydd yng nghanolfan ddinesig Caerdydd ac yn dafliad carreg o ganol y ddinas. Er bod ein cartref yn hanesyddol, mae ein cyfleusterau’n addas at yr unfed ganrif ar hugain, gydag ystod eang o ddarlithfeydd modern, ystafelloedd seminar, stiwdios dylunio a labordy cyfrifiadurol.
Mae’r cyfleusterau addysgu cyfrifiadurol yn cael eu cefnogi’n llawn gan staff technegol ac yn llawn yr holl becynnau sy’n berthnasol i’ch astudiaethau, gan gynnwys rheoli cronfeydd data, dylunio â chymorth cyfrifiadur, GIS a meddalwedd ystadegol a graffigol.
Mae'r rhaglen Trafnidiaeth a Chynllunio yn cynnig dewis eang ac amrywiol o fodiwlau. Maent yn amrywio o fodiwlau dadansoddol a thechnegol sy'n edrych ar ymddygiad teithio, modelau trafnidiaeth, caffael a dadansoddi data, i fodiwlau sy'n ystyried polisïau a strategaethau trafnidiaeth ehangach. Mae'n gyfuniad sy'n eich helpu i baratoi ar gyfer dyfodol mewn cynllunio neu fodelu trafnidiaeth.
Darganfod Prifysgol Caerdydd
Y camau nesaf
Gweld ein cyrsiau ôl-raddedig a addysgir ym maes daearyddiaeth a chynllunio
Edrychwch ar ein cyrsiau.
Gweld ein cyrsiau ymchwil ôl-raddedig ym maes daearyddiaeth a chynllunio
Edrychwch ar ein cyrsiau.
Cysylltu â ni
Gofynnwch gwestiwn drwy ein ffurflen ymholi, a chewch ateb gennym cyn gynted ag y bo modd.
Sut i wneud cais
Popeth y mae angen i chi ei wybod am ein proses ymgeisio.
Ffynhonnell: Yn cynnwys data HESA: Hawlfraint Jisc 2023. Ni all Jisc dderbyn cyfrifoldeb am unrhyw gasgliadau neu benderfyniadau a wneir gan drydydd partïon ar sail ei ddata.
