Rydym yn ysgol sy’n cael ei harwain gan ymchwil ac rydym yn adnabyddus am addysgu rhagorol. Mae ein portffolio dynamig o raddau cyfoes yn cael eu haddysgu gan arbenigwyr yn eu meysydd.
Rydym yn cynnig ystod o raglenni gradd arbenigol a throsi sy’n addas i amrywiaeth o gefndiroedd, p’un a oes gennych ddealltwriaeth o’r pwnc ers eich gradd israddedig neu’n symud i faes cyfrifiadureg o ddisgyblaeth arall.
Cynorthwyo eich astudiaeth
Bydd pob myfyriwr MSc yn cael gliniadur yn ystod yr wythnos sefydlu fydd yn aros gyda chi drwy gydol y cwrs.
Lleoliadau gwaith â thâl
Cewch brofiad gwaith gwerthfawr mewn lleoliadau gwaith a phrosiectau proffesiynol gydag ymarferwyr diwydiannol blaenllaw.
Yn wreiddiol, cefais waith ar ôl graddio gyda gradd israddedig o Brifysgol Rydychen, ond sylweddolais yn fuan wedyn fy mod ar lwybr gyrfa nad oeddwn i wedi’i ddewis. Penderfynais ddilyn cwrs trosi er mwyn cael dechrau eto a sicrhau mwy o opsiynau ar fy nghyfer. Dewisais Gaerdydd oherwydd roedd modiwlau’r cwrs i’w gweld yn fwy perthnasol i’r sgiliau a fyddai eu hangen arnaf yn y farchnad swyddi yn fwy na chyrsiau trosi eraill bues i’n edrych arnynt. Roedd Caerdydd hefyd fel petai’n cynnig cymorth da iawn i ôl-raddedigion. Yn bendant mae’r MSc hwn wedi agor cyfleoedd gwaith ar fy nghyfer nad oedd ar gael o gwbl cyn i mi gwblhau’r cwrs.
Matilda Rhode, MSc Cyfrifiadura
Ein sgyrsiau
Trosolwg o’r Ysgol a chroeso
Dyma Bennaeth yr Ysgol, yr Athro Stuart Allen, yn cynnig trosolwg defnyddiol o Gyfrifiadureg a Gwybodeg yng Nghaerdydd, gan gynnwys sut rydym yn cefnogi ein myfyrwyr a rhai o’r ffyrdd ysbrydoledig maent yn cyfrannu at y gymuned ehangach.
Darlith ragflas: Deallusrwydd Artiffisial: Cyfrifiaduron v. Pobl?
Ymunwch â’r Athro Alun Preece wrth iddo gyflwyno darlith ragflas ddiddorol yn edrych ar sut y gall DA weithio ochr yn ochr â phobl.
MSc Peirianneg Meddalwedd
Rhagor am y cwrs MSc Peirianneg Meddalwedd a addysgir yn yr Academi Meddalwedd Genedlaethol.
Astudio MSc Uwch-Gyfrifiadureg
Dyma Manoj o India yn trafod astudio MSc Cyfrifiadureg Uwch ym Mhrifysgol Caerdydd, a sut beth yw bod yn fyfyriwr yng Nghaerdydd.
MSc Cyfrifiadura: Safbwynt Myfyrwyr
Dyma Teresa Bryant, sy’n fyfyriwr MSc Cyfrifiadura gyda Lleoliad, yn sôn am sut brofiad yw astudio’r cwrs trosi hwn gyda ni, gan roi cipolwg ar sut mae wedi mynd o gael braidd dim gwybodaeth am raglennu ar ddechrau’r cwrs i fod wedi cael popeth sydd angen iddi ei wybod wedi’i addysgu iddi.
Myfyriwr MSc Uwch-Gyfrifiadureg Rhyngwladol
Mae Kruthi Rajashekar o India yn astudio MSc Uwch-Gyfrifiadureg gyda ni. Mae’n rhoi cipolwg ar y cwrs, a pha gymorth ychwanegol y gallwch ddisgwyl ei gael, yn ogystal â’r cyfleusterau a’r cyfleoedd anhygoel sydd ar gael i fyfyrwyr.
Dewisais astudio yng Nghaerdydd oherwydd y diwrnod agored. Roedd yr awyrgylch yng Nghaerdydd yn gyfeillgar ac yn groesawgar, roedd y myfyrwyr a oedd yn dangos y Brifysgol i ni yn frwdfrydig dros Gaerdydd, roedd y cyfleusterau ar gyfer fy nghwrs yn fodern, ac roedd gan y labordai ddigon o olau ynddynt gan roi amgylchedd da i ddysgu ynddo. Mae Caerdydd yn cynnig llawer o ffeiriau gyrfaoedd er mwyn cynorthwyo wrth gael gyrfa, yn cynnig tiwtoriaid personol er mwyn helpu gyda materion sy’n ymwneud ag unrhyw gwrs, a’r addysgu o ansawdd uchel y mae’r athrawon yn ei gynnig.
Ian Cox, myfyriwr graddedig o’r MSc Cyfrifiadureg Uwch
Cynlluniwyd y rhaglen flaengar hon i’r rhai sydd wedi graddio mewn cyfrifiadura ac yn awyddus i ragori ymhellach drwy sicrhau uwch-feistrolaeth ar y ddisgyblaeth. Ynddi, trafodir y pynciau cyfoes sy’n gyrru’r datblygiadau a’r tueddiadau technolegol diweddara
Ar gyfer graddedigion sydd am symud i gyfrifiadureg o ddisgyblaeth arall. Mae'r rhaglen yn para blwyddyn ac yn cynnig gwybodaeth dechnegol eang a chyd-destun busnes cadarn ar gyfer rheoli systemau TG.
Wedi’i dylunio ar gyfer graddedigion sydd am symud i’r cwrs cyfrifiadur o ddisgyblaeth arall, mae’r rhaglen hon sy'n flwyddyn o hyd yn denu myfyrwyr o amrywiol yrfaoedd a meysydd pwnc sy'n dymuno ymgyfarwyddo â'r sgiliau sydd eu hangen ar gyfer gyrfa mewn datblygu meddalwedd.
Mae’r rhaglen 'gyda blwyddyn ar leoliad gwaith proffesiynol' yn gyfle i fyfyrwyr ymgymryd â phrofiad 7-12 mis os ydynt yn llwyddo i ddod o hyd i leoliad addas.
Cewch archwilio technegau a chymwysiadau Deallusrwydd Artiffisial (AI) a datblygu eich sgiliau ymarferol drwy gael eich amlygu i broblemau a setiau data'r byd real.
Cewch archwilio technegau a chymwysiadau Deallusrwydd Artiffisial (AI) a datblygu eich sgiliau ymarferol drwy gael eich amlygu i broblemau a setiau data'r byd real.
Mae’r rhaglen ar gyfer pobl brofiadol mewn technoleg neu waith addas a hoffai dreulio cyfnod o astudio a datblygu personol i’w helpu i gyrraedd rolau arweinyddion uchelradd yn gyflymach.
Cewch ddysgu amrywiaeth o sgiliau y mae galw amdanynt ar gyfer echdynnu a thrin 'data mawr' a datblygu eich sgiliau ymarferol drwy gael eich amlygu i broblemau a setiau data'r byd real.
Gradd arloesol yn canolbwyntio ar ddatblygu gwybodaeth a sgiliau drwy ddysgu ymarferol, ar sail ymchwil, am newyddiaduraeth, gwyddor data, codio cyfrifiaduron a datblygiadau digidol.
Mae'r radd MSc Peirianneg Meddalwedd yn cyflwyno cyfle i fyfyrwyr o gefndiroedd amrywiol mewn pynciau STEM (Gwyddoniaeth, Technoleg, Peirianneg a Mathemateg) ennill y sgiliau, yr wybodaeth a'r profiad ymarferol sydd eu hangen i fod yn effeithiol fel peiriannydd meddalwedd masnachol.
Yn rhan o’r rhaglen un flwyddyn bydd myfyrwyr yn ymgymryd â datblygiad ymarferol gan ddefnyddio’r offer a thechnegau masnachol arloesol diweddaraf, a chymryd rhan uniongyrchol yn y diwydiant mewn amgylchedd masnachol dynamig.
Nod y rhaglen hon yw datblygu eich galluoedd technegol yn ogystal â dealltwriaeth feirniadol o effeithiau moesegol a chymdeithasol delio â data testun.
Dyma raglen seiber ddiogelwch uwch a ddatblygwyd gan Brifysgol Caerdydd mewn partneriaeth â PwC ac a gefnogir gan gyllid gan Fargen Ddinesig Prifddinas-Ranbarth Caerdydd, i baratoi gweithwyr proffesiynol seiber ddiogelwch o safon sy’n ddeniadol i sefydliadau ledled y byd ac yn barod i weithio.
Mynd i'r afael â'r materion diogelwch allweddol sy'n wynebu systemau cyfathrebu a gwybodaeth byd-eang a datblygu eich sgiliau ymarferol trwy ddod i gysylltiad â phroblemau a setiau data'r byd go iawn.
Cynlluniwyd y rhaglen flaengar hon i’r rhai sydd wedi graddio mewn cyfrifiadura ac yn awyddus i ragori ymhellach drwy sicrhau uwch-feistrolaeth ar y ddisgyblaeth. Ynddi, trafodir y pynciau cyfoes sy’n gyrru’r datblygiadau a’r tueddiadau technolegol diweddara
Yn y maes blaenoriaeth hwn, mae gennym ddiddordeb arbennig mewn cymhwyso gwaith cloddio data a thestun ym meysydd gofal iechyd, plismona, gwyddorau bywyd a gwyddorau cymdeithasol.
Mae'r maes blaenoriaeth hwn yn seiliedig ar weithgareddau'r Labordy Gwyddor Data Cymdeithasol a'r Labordy Cyfrifiadura Symudol a Chymdeithasol.
Mae ein gwaith ymchwil mewn cyfrifiadura gweledol yn cwmpasu amrywiaeth eang o bynciau ym meysydd golwg cyfrifiadurol, graffeg gyfrifiadurol, cyfrifiadura geometrig, yn ogystal â a phrosesu delweddau a fideos. Un o themâu pwysig ein gwaith yw ystyried prosesau mewnbynnu, disgrifio a golygu solidau, arwynebau a chromliniau. Cynrychiolir y rhain yn ddadansoddol, fel modelau CAD ac fel rhwyllau. Mae agweddau eraill ar ein gwaith yn cynnwys dadansoddi, defnyddio a chreu data sefydlog fel delweddau, rhwydweithiau arwyneb a sganiau dyfnder 3D, yn ogystal â data sy’n amrywio yn ôl amser megis fideo a sganiau 4D o wrthrychau symudol. Mae ein harbenigedd yn y maes hwn wedi cael ei gymhwyso at sawl disgyblaeth wahanol gan gynnwys peirianneg, gwyddorau’r ddaear, seicoleg, bioleg, meddygaeth a hyd yn oed rheoli cwantwm.
Mae astudio am PhD neu MPhil yn Ysgol Cyfrifiadureg a Gwybodeg Caerdydd yn cynnig y cyfle i chi ddod yn rhan o ysgol ymchwil cryf, deinamig a rhyngwladol llwyddiannus.
Mae maes cynrychioli gwybodaeth a rhesymu yn ymwneud â systemau ar systemau rhesymu awtomataidd yng nghyd-destun rhith-deallusrwydd. Mae gennym bwyslais penodol ar: ffyrdd ymarferol ac anwythol o resymu, dadlau, rhesymu gofodol ansoddol, rhesymu epistemig a chaffael gwybodaeth.
Mae technoleg ffactorau dynol wedi ymrwymo i ddeall a gwella'r ffordd y mae pobl yn defnyddio technoleg mewn amgylchedd gwybodaeth. Mae'n canolbwyntio ar ddulliau awtomataidd o gloddio, strwythuro ac integreiddio gwybodaeth ddigidol (gan gynnwys testun, llais, cerddoriaeth a delweddau), hwyluso cyfathrebu cyfrifiadurol dynol, ac astudio ymddygiad dynol drwy ddefnyddio gwybodeg synhwyrydd.
Ymhlith ein ymchwil mewn seiberddiogelwch mae dosbarthiad peiriant o ddrwgwedd mewn ffurfiau amrywiol (ee elfennau gweithredadwy deuaidd a dolenni ar y we), modelau mathemategol ar gyfer mesur a rhagweld risg diogelwch rhwydwaith, diogelwch systemau rheoli diwydiannol (ee systemau SCADA), a diogelwch Cwmwl.
Mae gan y maes blaenoriaeth hwn ddiddordeb mewn rhaglenni amlddisgyblaethol cyfrifiadurol a data-ddwys sy'n rhychwantu gwyddoniaeth gyfrifiadurol draddodiadol a'r maes sy'n datblygu o wyddoniaeth data mawr.
Mae technolegau a pheirianneg Quantum (QuTeE) yn canolbwyntio ar fodelu a thechnegau rheoli er mwyn creu dyfeisiau a phrosesau cwantwm. Rydym yn gweithio ar dechnegau er mwyn dylunio, rheoli ac optimeiddio ymddygiad prosesau cwantwm yn seiliedig ar ddulliau i fodeli ac efelychu systemau cwantwm, nodweddu eu hymddygiad yn ôl paramedr a dysgu modelaidd, a chanfod a dadansoddi signalau mesur.
Bydd ein cyfleuster newydd sbon pwrpasol, y byddwn yn ei rannu â’r Ysgol Mathemateg, yn barod yn nhymor yr hydref flwyddyn nesaf.
Exterior shot of Abacws, the new building which will be home to the School of Computer Science and Informatics, and the School of Mathematics.
Feature staircase of Abacws, which is due to open September of this year.
There will be multiple pc labs in the new building with some being able to accommodate as many as 100 students.
Abacws has been designed in collaboration with students and academic staff to create interdisciplinary, flexible and creative workspaces,
Abacws features flexible lecture theatres and seminar rooms with innovative layouts to encourage interaction.
The new £39m building will pioneer a way of working for Cardiff University which embodies collaboration and shared vision.
The single six-storey building is situated on Senghennydd Road next to Cathays railway station.
Academi Gwyddor Data
Addysgir nifer o’n graddau MSc yn yr Academi Gwyddor Data a sefydlwyd mewn ymateb i’r galw am raddedigion tra medrus a chyflogadwy mewn meysydd sy’n cynnwys gwyddor data.
Ar y cyd â phartneriaid diwydiannol, ein nod yw cyflwyno myfyrwyr i amrywiaeth helaeth o ddulliau deall data a defnyddio’r rheiny i roi ar waith ffyrdd arloesol o ddatrys amryw broblemau yn y byd go iawn.
