Astudio rhaglen ymchwil ôl-raddedig
Mae ein rhaglenni ymchwil ôl-raddedig yn rhoi cyfle i chi baratoi am yrfaoedd yn y byd academaidd a thu hwnt iddo.
Byddwch yn treiddio i faes penodol o’ch diddordeb chi, yn ennill sgiliau trosglwyddadwy newydd sy'n ddefnyddiol ac yn bosibl eu defnyddio mewn llawer o yrfaoedd gwahanol, ac yn gwneud cyfraniad gwerthfawr at wybodaeth newydd.
Mae canllawiau a gwybodaeth ddefnyddiol ar y dudalen hon er mwyn gwneud y broses o wneud cais am un o'n rhaglenni ymchwil mor syml â phosibl.
Dewis eich rhaglen ymchwil
Ym Mhrifysgol Caerdydd, rydyn ni’n cynnig ystod o raglenni ymchwil sy’n cynnwys y canlynol:
Rhaglenni ymchwil (gan gynnwys PhD ac MPhil)
Mae rhaglenni ymchwil ar gael ym mhob ysgol academaidd ym Mhrifysgol Caerdydd. Ein rhaglenni ymchwil yw:
- astudiaeth fanwl o faes diddordeb penodol dros gyfnod helaeth, fel arfer yn para blwyddyn amser llawn ar gyfer MPhil a thair i bedair blynedd amser llawn ar gyfer PhD
- sydd ar gael yn llawn amser neu'n rhan-amser, yn y rhan fwyaf o achosion
- wedi'i recordio ar ffurf traethawd ymchwil neu draethawd hir ac a asesir mewn arholiad llafar VVA voce
- cyfle i ddangos eich cyfraniad gwreiddiol o wybodaeth neu ymarfer i'r maes o'ch dewis
Bydd eich profiad a'ch math o ymchwil yn wahanol, gan ddibynnu a fydd yn rhaglen mewn labordy neu mewn swyddfa.
Rhaglenni ymchwil gydag elfen a addysgir (gan gynnwys MRes a Doethuriaethau Proffesiynol)
Mae'r rhain yn cynnwys Meistr Ymchwil (MRes) yn y Biowyddorau a Doethuriaethau Proffesiynol mewn Seicoleg Glinigol, Astudiaethau Iechyd ac Economeg. Rhaglenni ymchwil gydag elfen a addysgir:
- yn cael ei gofnodi ar ffurf traethawd ymchwil neu draethawd hir
- darparu hyfforddiant ymchwil uwch a chynigir gwybodaeth arbenigol trwy elfen a addysgir cyn i chi ddechrau ar eich prosiect ymchwil penodol
Dewis y llwybr cywir i raglen ymchwil
Mae dau brif lwybr ymgeisio i chi eu hystyried:
1. Ymateb i PhD hysbysebu
Ar gyfer y llwybr hwn, gallwch wneud cais am PhD wedi'i hysbysebu gyda phrosiect wedi'i ddiffinio ymlaen llaw a goruchwyliwr penodol. Fel arfer, ni fydd angen i chi wneud cynnig ymchwil, ond gan fod y prosiect wedi'i ddiffinio ymlaen llaw, gwnewch yn siŵr ei fod yn cyd-fynd â'ch diddordebau. Mae'r prosiectau o’r fath yn aml yn cael eu hariannu gan gyngor ymchwil.
Ar gyfer pynciau STEM, hysbysebir y rhan fwyaf o brosiectau yn yr hydref i ddechrau'r mis Hydref canlynol. Defnyddiwch ein teclyn chwilio Ysgoloriaethau a Phrosiectau PhD i weld beth sydd ar gael.
2. Gwneud cais i un o'n rhaglenni ymchwil
Os na allwch chi ddod o hyd i rywbeth sy’n mynd â’ch bryd ymhlith yr hysbysebion am gyfleoedd prosiect, a'ch bod yn penderfynu cynnal eich prosiect ymchwil eich hun, gallwch wneud cais uniongyrchol i un o'n rhaglenni ymchwil.
Os ydych chi’n dewis y llwybr hwn, fel arfer byddai angen i chi anfon cynnig ymchwil cychwynnol byr a dod o hyd i ddarpar oruchwyliwr sy'n gweithio yn y maes sydd o ddiddordeb i chi.
Fel arfer, mae’r llwybr hwn yn cael ei hunan-ariannu, naill ai gan noddwr neu ffynhonnell arall.
Gwybodaeth ychwanegol
Dyddiadau dechrau
Mae’r dyddiad dechrau fel arfer yn cael ei bennu gan y prosiect neu'r ysgoloriaeth os fyddwch chi’n dewis Llwybr Un, a hynny fel arfer ym mis Hydref. Fodd bynnag, mae rhai cyfleoedd hefyd yn dechrau ym mis Ionawr, ac os yw eich prosiect yn cael ei hunan-ariannu, efallai y byddwch hyd yn oed yn gallu dechrau ym mis Ebrill neu ym mis Gorffennaf.
Cyfleoedd addysgu
Mae rhai o'n myfyrwyr ymchwil yn cael cyfle i addysgu yn ystod eu hastudiaethau gyda ni, ond mae hyn yn amrywio, yn dibynnu ar ba ysgol academaidd rydych chi wedi'i lleoli ynddi. Os yw hyn yn bwysig i chi, mae’n bendant yn gwestiwn i'w ofyn i'ch darpar oruchwyliwr yn ystod y broses o ymgeisio.
Astudio o bell
Efallai y bydd rhai myfyrwyr yn byw i ffwrdd o Gaerdydd ac yn ymweld â'r campws yn llai aml nag eraill, os yw hyn yn gweddu i’w ffordd o fyw ac i ymrwymiadau eraill. Efallai y bydd hyn yn bosibl i chi, ond bydd yn dibynnu'n llwyr ar eich prosiect, eich cyllid (fel arfer, ni fydd prosiectau a ariennir gan gyngor ymchwil Llwybr Un yn caniatáu hyn) a gyda chytundeb eich goruchwyliwr.
Gwaith rhan-amser
Mae llawer o fyfyrwyr ymchwil yn gweithio'n rhan-amser i gefnogi costau byw ac i ennill profiad. Pan fyddwch yn cofrestru, gallwch dderbyn cyfleoedd gwaith gan JobShop ond gofalwch ddod o hyd i'r cydbwysedd cywir o ran amser, gan ein bod ni’n eich cynghori i roi eich astudiaethau yn gyntaf bob tro. Hefyd, bydd angen i chi wirio gofynion eich fisa os oes angen un arnoch chi i astudio yn y DU.
Rhagor o wybodaeth
Mynnwch y wybodaeth angenrheidiol i gael gwneud y dewis cywir i chi.
Cysylltu
Rydyn ni yma i helpu gydag unrhyw ymholiadau. Cysylltwch â'r tîm ymholiadau gyda'ch cwestiynau.
Dewch i edrych o gwmpas ein campws, cwrdd â myfyrwyr a staff, a chael blas ar sut beth yw astudio a byw yng Nghaerdydd.
