Seicoleg
Rydym yn darparu amgylchedd rhagorol ar gyfer ymchwil ym maes seicoleg, gydag arweiniad gan ymchwilwyr enwog a mynediad at gyfleusterau rhagorol.
Mae’r rhaglen hon yn cynnwys ymchwil drosi newydd, wedi’i harwain gan fyfyrwyr, yn pontio disgyblaeth gyfan seicoleg ac mae’n eich galluogi i gynnal ymchwil a hyfforddiant yn y maes o’ch dewis.
Cewch gyfle i gyfrannu at ddatblygiadau arwyddocaol mewn gwybodaeth o dan oruchwyliaeth ymchwilwyr gweithgar, llawer ohonynt yn arbenigwyr enwog yn rhyngwladol yn eu maes.
Nodau'r rhaglen
I gynnig gwybodaeth ac arbenigedd ar gyfer gyrfa mewn amrywiaeth o feysydd sy'n ymwneud â gwaith ymchwil a gynhelir yn yr Ysgol.
Nodweddion unigryw
- Cynhelir ymchwil mewn meysydd arbenigol mewn nifer fawr o labordai pwrpasol sydd i gyd wedi eu hadnewyddu o fewn y pum mlynedd diwethaf
- Gan fod cymaint o amrywiaeth o arbenigedd yn yr Ysgol, gallwn ni ddarparu hyfforddiant mewn amrywiaeth anarferol o fawr o dechnegau methodolegol
- Mae ein hintegreiddio ar draws y gwahanol ddisgyblaethau yn esgor ar gyfleoedd unigryw i wneud prosiectau ymchwil amlddisgyblaethol
- Cyfleusterau ymchwil rhagorol: Dros 1,100 metr sgwâr o ofod labordy arbenigol; ystod eang o gyfleusterau delweddu'r ymennydd gan gynnwys un o sganwyr ymennydd mwyaf pwerus Ewrop; cyfleusterau seicoleg ddatblygiadol pwrpasol gan gynnwys ystafell synhwyraidd, labordai arsylwi a gofod labordy wedi'i gynllunio'n arbennig ar gyfer astudiaethau o blant ac oedolion
Ffeithiau allweddol
| Math o astudiaeth | Amser llawn, rhan amser |
|---|---|
| Cymhwyster | PhD |
| Hyd amser llawn | 3 blynedd |
| Hyd rhan-amser | Cyfleoedd ar gael |
| Derbyniadau | Ionawr, Ebrill, Gorffennaf, Hydref |
Mae hyfforddiant ymchwil yn nodwedd gref o’n rhaglen PhD Seicoleg. Gallai ymchwil ôl-radd mewn Seicoleg Gymdeithasol gwblhau’r MSc mewn Dulliau Ymchwil Gwyddorau Cymdeithasol (neu gyfwerth) cyn cofrestru ar gyfer eu PhD.
Ar gyfer myfyrwyr a ariennir drwy Bartneriaeth Hyfforddiant Doethurol Cymru ESRC, mae hyn yn orfodol.
Yn ystod y PhD, byddwch yn cael cyfleoedd i gael eich hyfforddi mewn llawer o'r technegau sy'n berthnasol i'ch maes pwnc, ac i ennill profiad o brosiectau tu hwnt i’ch prosiect eich hun, er mwyn cryfhau eich arbenigedd ymchwil a’ch rhagolygon cyflogaeth yn y dyfodol.
Erbyn yr adeg mae ein myfyrwyr wedi cwblhau eu PhD, bydd y rhan fwyaf wedi cyhoeddi papurau gwyddonol mewn cyfnodolion blaenllaw sy’n cael eu hadolygu gan gymheiriaid, ac yn mynd ymlaen i sicrhau swyddi mewn meysydd academaidd neu feysydd nad ydynt yn academaidd.
Asesiad
Asesir y rhaglen hon yn seiliedig ar ganlyniad yr ymchwil a gynhyrchir d(traethawd o 80,000 o eiriau a viva voce).
Mae’r ymchwil a wneir yn yr Ysgol yn amrywio o ‘o’r synaps i gymdeithas’ ac yn cynnwys ymddygiad normal wrth ddatblygu ac mewn oedolion, chwalfa gwybyddiaeth ar ôl straen, trawma ac mewn cyflyrau niwrolegol a/neu enetig, yn ogystal â materion seicolegol allweddol sydd o bwys i gymdeithas, fel rhagfarn, iechyd atgenhedlol ac optimeiddio perfformiad yn y gwaith.
Rydym yn gwneud ymchwil wyddonol a rhyngddisgyblaethol ragorol o dan bedair thema ymchwil gyfoes:
- Niwrowyddoniaeth, gan gynnwys niwrowyddoniaeth ymddygiadol, niwrowyddoniaeth wybyddol a gwyddoniaeth ddelweddu
- Seicoleg Wybyddol, gan gynnwys seicoleg wybyddol, a chanfod a gweithredu,
- Seicoleg Datblygu ac Iechyd
- Seicoleg Gymdeithasol ac Amgylcheddol, gan gynnwys seicoleg gymdeithasol, a risg a’r amgylchedd
Mae gwybodaeth fanwl am bob un o’r meysydd ymchwil ar gael ar dudalennau ymchwil gwefan yr Ysgol.
Goruchwylwyr
Ceir rhestr lawn o broffiliau’r staff ar dudalennau’r Staff ar wefan yr Ysgol.
Cyfleusterau ymchwil
Mae manylion llawn o gyfleusterau ymchwil ar gael ar dudalennau Cyfleusterau gwefan yr Ysgol.
Benthyciadau Llywodraeth y DG i ôl-raddedigion doethuriaeth
Gallai ymgeiswyr ar gyfer y rhaglen Doethuriaeth Broffesiynol fod yn gymwys i wneud cais am fenthyciad doethuriaeth ôl-raddedig gan Lywodraeth y DU..
Benthyciadau Llywodraeth y DG i ôl-raddedigion doethuriaethArian
Rydym yn cynnig tri math o gyfleoedd a ariennir:
- Ysgoloriaethau agored
- Prosiectau a ariennir yn benodol
- Cyfleoedd sy'n gysylltiedig â phartner.
Edrychwch ar ein prosiectau a'n hysgoloriaethau PhD diweddaraf a chael rhagor o wybodaeth am gyfleoedd ariannu eraill.
Ffioedd dysgu
Myfyrwyr o'r DU
Mynnwch y wybodaeth ddiweddaraf am ffioedd ôl-raddedigion.
Myfyrwyr o'r UE, AEE a'r Swistir
Mynnwch y wybodaeth ddiweddaraf am ffioedd ôl-raddedigion.
Myfyrwyr o weddill y byd (rhyngwladol)
Fe arfer mae angen gradd anrhydedd dosbarth cyntaf neu yn adran uchaf yr ail ddosbarth o brifysgol yn y DU, neu gymhwyster cyfwerth, mewn Seicoleg neu ddisgyblaeth gysylltiedig.
Gofynion Iaith Saesneg
Bydd angen isafswm sgôr IELTS o 6.5 (o leiaf 6.5 ym mhob cydran).
Darllenwch ein Gofynion Iaith Saesneg am ragor o wybodaeth.
I ddechrau eich cais, llenwch y ffurflen 'Gwneud cais' a dewiswch y rhaglen, y dull astudio a'r flwyddyn mynediad sydd orau gennych.
Prosiectau wedi'u hariannu
Os hoffech chi gyflwyno cais i gyflawni un o’n prosiectau PhD wedi’u hariannu, dyma’r hyn i’w wneud.
Chwilio am ysgoloriaethau PhD a ariennir.
Os ydych chi’n cyflwyno cais i gyflawni prosiect wedi’i ariannu, nid oes angen i chi gyflwyno cynnig ymchwil.
Dylech chi gyflwyno’r canlynol:
- Teitl y prosiect ac enw’r goruchwyliwr
- Datganiad personol (750 gair ar y mwyaf) – dylech chi lanlwytho dogfen sy’n nodi pam hoffech chi gyflawni’r prosiect PhD hwn, gan gynnwys pa sgiliau/profiad/gwybodaeth sydd gennych chi a allai fod o werth i’r prosiect
- Eich CV cyfredol (dwy dudalen ar y mwyaf)
- Tystiolaeth yn ddelfrydol o fodloni’r gofynion mynediad o ran yr iaith Saesneg
- Tystysgrifau a thrawsysgrifiadau ar gyfer eich holl addysg ôl-ysgol uwchradd hyd yma – os ydych chi’n dal i astudio ar gyfer eich gradd israddedig, ni fydd gennych chi unrhyw dystysgrifau neu drawsysgrifiadau terfynol yn ôl pob tebyg, ond dylech chi gyflwyno unrhyw drawsysgrifiadau interim diwedd blwyddyn sydd gennych chi hyd yma
- Dau eirda academaidd, y byddwch chi’n gofyn amdanyn nhw – yn ddelfrydol, dylech chi lanlwytho eich geirdaon gyda'ch cais, neu gall eich canolwyr e-bostio eu geirdaon i admissions@caerdydd.ac.uk
Sylwch mai dim ond un ffurflen gais y gallwch ei chyflwyno fesul dyddiad cychwyn. Os oes gennych chi ddiddordeb mewn nifer o brosiectau wedi’u hariannu sydd â’r un dyddiad cychwyn, ewch ati i gyflwyno un ffurflen gais a’ch datganiadau personol ar gyfer pob prosiect, gan nodi’r glir beth yw teitl y prosiect ac enw’r goruchwyliwr.
Prosiectau sy’n cael eu hariannu gennych chi eich hun
Os oes gennych chi eich cyllid eich hun, neu os ydych chi’n debygol o sicrhau eich cyllid eich hun, yna cyflwynwch gais i gyflawni prosiect wedi’i hunan-ariannu. Pan fydd gennych chi syniad o'r hyn yr hoffech chi ymchwilio iddo, rydyn ni’n argymell edrych ar broffiliau ein staff academaidd i weld pa aelodau o’r staff sydd â diddordebau ymchwil tebyg i chi. Yna, gallwch chi gysylltu â nhw a rhoi syniad cryno iddyn nhw o'r hyn yr hoffech chi ymchwilio iddo.
Nodwch y dylech chi gysylltu ag aelodau llawn o’r staff yn unig ac nid cymdeithion ymchwil. Os byddai ganddyn nhw ddiddordeb mewn cael cais gennych chi, yna cyflwynwch gais yn y ffordd arferol.
Mae’r myfyrwyr hynny sydd eisoes wedi cysylltu â'r goruchwyliwr perthnasol yn llawer mwy tebygol o gael eu derbyn na'r rhai sy'n cyflwyno cais heb wneud hyn.
Bydd angen i chi gyflwyno’r canlynol:
- Cynnig ymchwil (2,000 o eiriau ar y mwyaf, heb gynnwys cyfeirnodau llyfryddiaethol) – gweler y canllawiau
- Datganiad personol (750 gair ar y mwyaf) – dylech chi nodi pam hoffech chi gyflawni’r prosiect PhD hwn, gan gynnwys pa sgiliau/profiad/gwybodaeth sydd gennych chi a allai fod o werth i’r prosiect, a mynd ati i lanlwytho’r datganiad personol hwn ar ffurf dogfen
- Eich CV cyfredol (dwy dudalen ar y mwyaf)
- Tystiolaeth yn ddelfrydol o fodloni’r gofynion mynediad o ran yr iaith Saesneg
- Tystysgrifau a thrawsysgrifiadau ar gyfer eich holl addysg ôl-ysgol uwchradd hyd yma – os ydych chi’n dal i astudio ar gyfer eich gradd israddedig, ni fydd gennych chi unrhyw dystysgrifau neu drawsysgrifiadau terfynol yn ôl pob tebyg, ond dylech chi gyflwyno unrhyw drawsysgrifiadau interim diwedd blwyddyn sydd gennych chi hyd yma
- Dau eirda academaidd, y byddwch chi’n gofyn amdanyn nhw – yn ddelfrydol, dylech chi lanlwytho eich geirdaon gyda'ch cais, neu gall eich canolwyr e-bostio eu geirdaon i admissions@caerdydd.ac.uk
