PhD gyda Chydran Glinigol
Beth bynnag fo'ch is-ddisgyblaeth ddeintyddol, mae'r PhD pedair blynedd hon gyda Chydran Glinigol yn gyfle delfrydol i gymryd rhan mewn rhaglenni ymchwil cyffrous a fydd yn meithrin eich gallu i wneud ymchwil, yn ogystal â datblygu eich sgiliau clinigol yn eich disgyblaeth ddewisol ar yr un pryd.
Byddwch chi’n treulio pedwar diwrnod yr wythnos yn cynnal ymchwil, ac un diwrnod yn gwella eich sgiliau clinigol trwy addysgu didactig, mynd i glinigau arbenigol, a gofalu am gleifion dan oruchwyliaeth. Yma byddwch chi’n gweithio gyda, ac yn cael eich goruchwylio gan, fentoriaid clinigol profiadol ac arbenigol fel hyfforddwyr ac athrawon.
Bydd eich hyfforddiant yn cael ei deilwra i sicrhau eich bod chi’n cyflawni eich nodau personol a phroffesiynol, ac mae’r rhaglen ar gael yn y disgyblaethau clinigol canlynol:
- Mewnblanoleg ddeintyddol
- Periodontoleg
- Deintyddiaeth adferol (prosthodonteg sefydlog ac y gellir eu tynnu)
- Meddyginiaeth y geg
- Llawfeddygaeth y genau a'r wyneb
- Deintyddiaeth bediatrig
Nodau'r rhaglen
Nod y rhaglen yw eich datblygu chi, arweinwyr deintyddiaeth glinigol y dyfodol, ar gyfer eich gyrfaoedd academaidd a chlinigol.
Ffeithiau allweddol
| Math o astudiaeth | Amser llawn |
|---|---|
| Cymhwyster | PhD |
| Hyd amser llawn | 4 blynedd |
| Derbyniadau | Ionawr, Ebrill, Gorffennaf, Hydref |
Bydd y themâu clinigol a amlinellir i gyd yn cynnwys amlygiad clinigol o Flwyddyn 1 a byddant yn amrywio yn ôl disgyblaeth, ond bydd pob un yn cynnwys hyfforddiant ymarferol wrth ddiagnosio, rheoli ac adsefydlu cleifion yn eich disgyblaeth glinigol.
Bydd eich diddordebau clinigol yn dylanwadu ar eich pwnc ymchwil, ac yn cyd-fynd â themâu ymchwil yr Ysgol. Bydd hefyd wedi'i ddylunio ar y cyd â'n goruchwylwyr PhD profiadol y byddwch chi’n cael eich dyrannu iddyn nhw.
Os bydd eich cais yn llwyddiannus, bydd eich ymsefydlu a’ch astudiaethau ymchwil yn dechrau gyda chwrs un dydd yr wythnos ar ddadansoddi data a sgiliau labordy.
Wrth i chi gasglu data dros y rhaglen bedair blynedd o hyd, byddwch chi’n cael eich cefnogi'n llawn gan eich goruchwylwyr ac yn cael cymorth ystadegol pwrpasol.
Benthyciadau Llywodraeth y DG i ôl-raddedigion doethuriaeth
Gallai ymgeiswyr ar gyfer y rhaglen Doethuriaeth Broffesiynol fod yn gymwys i wneud cais am fenthyciad doethuriaeth ôl-raddedig gan Lywodraeth y DU..
Benthyciadau Llywodraeth y DG i ôl-raddedigion doethuriaethArian
Edrychwch ar ein prosiectau a'n hysgoloriaethau PhD diweddaraf a chael rhagor o wybodaeth am gyfleoedd ariannu eraill.
Ffioedd dysgu
Dewch o hyd i'r ffioedd ar gyfer cyrsiau ymchwil ôl-raddedig.
Myfyrwyr o'r DU
Mynnwch y wybodaeth ddiweddaraf am ffioedd ôl-raddedigion.
Myfyrwyr o'r UE, AEE a'r Swistir
Mynnwch y wybodaeth ddiweddaraf am ffioedd ôl-raddedigion.
Myfyrwyr o weddill y byd (rhyngwladol)
Mae'n rhaid eich bod wedi derbyn cymhwyster deintyddol sylfaenol.
Gofynion Iaith Saesneg
IELTS 7.0 gyda 6.5 ym mhob is-sgil, neu gyfwerth, a gymerwyd o fewn y 2 flynedd ddiwethaf.
Darllenwch ein Gofynion Iaith Saesneg am ragor o wybodaeth.
Fel rhan o'ch cais, bydd angen i chi ddarparu'r canlynol:
- llythyr cais a CV yn dangos eich cyflawniadau/profiad addysgol a chlinigoltystiolaeth o fod yn ymarferydd deintyddol cofrestredig
- un geirda academaidd
- un geirda clinigol
- tystiolaeth eich bod yn cwrdd â'r gofynion iaith Saesneg
Mae croeso ichi anfon ymholiadau anffurfiol a datganiadau o ddiddordeb, a gellir eu gwneud trwy anfon copi o'ch CV a llythyr eglurhaol at deintyddolpgadmissions@caerdydd.ac.uk neu'r Athro David Thomas (Cyfarwyddwr y Rhaglen) Thomasdw2@caerdydd.ac.uk.
Os yw eich cais ffurfiol yn bodloni’r gofynion, cewch chi eich gwahodd i gyfweliad lle byddwch chi’n:
- dangos eich gwybodaeth a'ch diddordeb mewn ymchwil trwy gyflwyniad 10 munud
- trafod y prosiect ymchwil a'r cyfleoedd hyfforddi sydd ar gael gyda'ch goruchwylwyr clinigol/ymchwil
