Iaith a Chyfathrebu

Mae'r PhD yn rhaglen amser llawn tair blynedd neu'n rhedeg dros bum mlynedd, yn rhan-amser.

Asesiad

Asesir y PhD drwy gyflwyno traethawd ymchwil o hyd at 80,000 o eiriau ac arholiad viva voce.

Asesir yr MPhil drwy gyflwyno traethawd ymchwil o hyd at 50,000 o eiriau ac arholiad viva voce.

Yn y Fframwaith Rhagoriaeth Ymchwil diweddaraf (REF2014), daeth yr Ysgol yn 10fed am Iaith a Llenyddiaeth Saesneg. Mae ansawdd uchel iawn yr amgylchedd a’n hyfforddiant ymchwil yn golygu ein bod yn ffurfio rhan o Ganolfan Hyfforddiant Doethurol Cymru (DTC) y Cyngor Ymchwil Cymdeithasol ac Economaidd (ESRC). Wrth ddilyn eich ymchwil ôl-raddedig yn y Ganolfan byddwch yn dod yn rhan o ddiwylliant ymchwil ffyniannus, wedi'i nodi am ragoriaeth ei safonau academaidd.

Mae’r Ganolfan Ymchwil Iaith a Chyfathrebu yn un o’r canolfannau rhyngwladol mwyaf blaenllaw ar gyfer ymchwil, hyfforddi ac addysgu ymchwil mewn meysydd cymdeithasol, cymhwysol a rhyngweithiol cyfathrebu dynol, y cyfryngau torfol, iaith ac ieithyddiaeth. Rydym yn defnyddio theori ieithyddol ac ystod eang o ddulliau i archwilio sut mae iaith yn gweithio fel system, a sut mae’n cael ei defnyddio i ddiffinio hunaniaeth ac adlewyrchu a mowldio agweddau. Rydym yn cymhwyso ein hymchwil i heriau cymdeithasol pwysig, i gynhyrchu gwelliannau mewn meysydd amrywiol gan gynnwys dysgu iaith, gofal Alzheimer, rhyngweithio amlddiwylliannol, rhyngweithio rhwng y byd cyfreithiol a lleygwyr, a chynhwysiant cymdeithasol.

Amgylchedd ymchwil

Mae’r Ysgol yn cymryd hyfforddiant myfyrwyr ymchwil o ddifrif calon a chynigir cyfleusterau ac arweiniad goruchwylio a fydd yn eu helpu i ffynnu’n ddeallusol ac i weithio’n gynhyrchiol.

Mae Llyfrgell y Celfyddydau ac Astudiaethau Cymdeithasol yn llawn llyfrau a chyfnodolion academaidd yn ein holl feysydd pwnc,yn ogystal â meddu ar adnoddau electronig sylweddol, a chasgliadau arbenigol fel Llyfrau Prin Caerdydd, archif gyfoethog o dros 14,000 o eitemau sy’n amrywio o incwnabwla o’r bymthegfed ganrif i lyfrau cain yr ugeinfed ganrif.

Mewn marchnad swyddi gystadleuol, anogir a chefnogir ein myfyrwyr i ddatblygu’r sgiliau fydd yn eu gwneud yn gyflogadwy, beth bynnag fo cyfeiriad eu gyrfa. Rydym yn gwerthfawrogi profiad cyfoethog ein nifer o fyfyrwyr tramor, ac yn darparu ar gyfer eu hanghenion penodol o ran cyd-destun diwylliannol eu hastudio a gofynion ysgrifennu’n gain mewn ail iaith.

Cynhelir Seminar Ymchwil Ôl-raddedig bob pythefnos drwy gydol pob semester.

Mae nifer o grwpiau darllen ac ymchwil cynhyrchiol yn CLCR a'r Ysgol ehangach. Yn ogystal, mae grwpiau'n ymddangos yn aml yn unol â diddordebau cydweithwyr ac ymgeiswyr doethurol. Rydyn ni’n annog myfyrwyr doethurol i gymryd yr awenau wrth gynnig a threfnu grwpiau newydd.

Mae myfyrwyr PhD yn y Ganolfan Ymchwil Iaith a Chyfathrebu hefyd yn cymryd rhan mewn cynhadledd flynyddol, gan rannu eu hymchwil gyda chyfoedion sy’n fyfyrwyr, staff academaidd ac ysgolheigion gwadd, a rhanddeiliaid eraill.

Mae astudiaeth Ôl-raddedig yn yr Ysgol yn borth i lawer o yrfaoedd yn y byd academaidd a thu hwnt.

Mae nifer o ôl-raddedigion tramor yn dychwelyd i ddarlithio gyda rhagolygon gyrfa llawer gwell.

Arian

Edrychwch ar ein prosiectau a'n hysgoloriaethau PhD diweddaraf a chael rhagor o wybodaeth am gyfleoedd ariannu eraill.

Ffioedd dysgu

Myfyrwyr o'r DU

Mynnwch y wybodaeth ddiweddaraf am ffioedd ôl-raddedigion.

Myfyrwyr o'r UE, AEE a'r Swistir

Mynnwch y wybodaeth ddiweddaraf am ffioedd ôl-raddedigion.

Myfyrwyr o weddill y byd (rhyngwladol)

Mynnwch y wybodaeth ddiweddaraf am ffioedd ôl-raddedigion.

Fel arfer mae angen gradd anrhydedd dosbarth Cyntaf neu Ail Ddosbarth Uwch yn y DU, neu gyfwerth, mewn maes addas (megis Ieithyddiaeth, Cyfathrebu, Astudiaethau'r Cyfryngau, Ieithoedd, rhai Gwyddorau Cymdeithasol, Llenyddiaeth Saesneg a’r Dyniaethau).

Bydd ymgeiswyr llwyddiannus i’r rhaglen hefyd wedi dangos bod perfformiad cryf ar lefel gradd Meistr mewn pwnc cysylltiedig i ieithyddiaeth, bydd wedi cwblhau cwrs mewn dulliau ymchwil, a bydd ganddo/ganddi rywfaint o brofiad o gynnal ymchwil empirig (o bosibl fel rhan o'r radd meistr).

Mae gofyn i bob ymgeisydd PhD feddu ar hyfforddiant ymchwil digonol.  Os nad ydyn nhw’n meddu ar hyfforddiant o’r fath, cânt eu hystyried ar gyfer yr MA mewn Iaith ac Ieithyddiaeth Gyfathrebu gyda dilyniant i’r rhaglen PhD 3 blynedd. Yn ystod y flwyddyn MA, er mwyn symud ymlaen i'r rhaglen PHD, mae'n ofynnol i fyfyrwyr gael isafswm marc cyffredinol o 60 neu uwch ar gyfer cam yr MA a addysgir. Os ydych yn ansicr p’un a fyddech chi’n gymwys i gael eich ystyried ar gyfer mynediad uniongyrchol i'r rhaglen PhD, gweler y siart llif.

Gofynion Iaith Saesneg

Yn achos y rhai nad yw Saesneg yn famiaith iddynt, mae sgôr gyffredinol IELTS o 7.5 gydag o leiaf 7.0 ym mhob is-sgôr yn hanfodol.

Darllenwch ein Gofynion Iaith Saesneg am ragor o wybodaeth.

Y broses dderbyn

Bydd pob cais yn cael ei adolygu i ddechrau gan y tiwtor derbyn, gan ystyried ansawdd ac ymarferoldeb y prosiect ymchwil, yn ogystal â gallu staff i oruchwylio'r prosiect ymchwil arfaethedig. Bydd hyn yn cynnwys ymgynghori â goruchwylwyr posibl. Yna bydd ymgeiswyr sy'n llwyddo ar y cam asesu cychwynnol hwn yn cael eu gwahodd i wneud cais ffurfiol am le ar y rhaglen PhD. Rydyn ni’n cyfweld â phob ymgeisydd PhD lle mae cynnig yn cael ei ystyried.  I gymryd rhan mewn adolygiad cychwynnol o'ch cais PhD arfaethedig, cysylltwch ag encap-pgadmissions@caerdydd.ac.uk.

Mae rhestr o oruchwylwyr posibl a’u proffiliau ymchwil ar gael ar wefan yr Ysgol.