Iaith, Polisi a Chynllunio
Ymunwch â'n cymuned chwilfrydig a arweinir gan heriau, a datblygwch eich ymchwil i iaith - gydag arbenigwyr ym meysydd polisi a chynllunio iaith, hawliau iaith a gwleidyddiaeth, amrywiaeth a newid ieithyddol, sosioieithyddiaeth dwyieithrwydd ac amlieithrwydd, a chymdeithaseg iaith.
Mae'r PhD hwn yn cael ei arwain gan yr Uned Ymchwil Iaith, Polisi a Chynllunio yn Ysgol y Gymraeg. Mae'r prosiectau'n cynnwys ymchwil ryngwladol ar bolisi a chynllunio iaith, hawliau iaith a gwleidyddiaeth, amrywiaeth a newid iaith, sosioieithyddiaeth dwyieithrwydd ac amlieithrwydd, a chymdeithaseg iaith.
Nod yr Uned yw bod ar flaen y gad o ran datblygiadau cenedlaethol a rhyngwladol ym maes cynllunio iaith. Rhoddir pwyslais arbennig ar ddeall goblygiadau cymdeithasol, economaidd ac amgylcheddol iaith dros amser a lle. Mae gwaith yr Uned yn amrywio o ran maint ddaearyddol o faint lleol i faint y byd ac mae’r sbectrwm llawn o dechnegau ymchwil meintiol ac ansoddol yn cael ei ddefnyddio.
Nodau'r rhaglen
Cynnig gwybodaeth ac arbenigedd ar gyfer gyrfa ym maes cynllunio ieithyddol, y cyfryngau, y llywodraeth, addysgu, rheoli ac ymchwil. Rydym yn darparu hyfforddiant lefel uchel o gefnogaeth i bob myfyriwr, ac mae’r gymuned ôl-raddedig yn gwneud cyfraniad hanfodol i enw da rhyngwladol y Brifysgol am ymchwil.
Nodweddion unigryw
- Cyfres flynyddol o seminarau a chynadleddau ymchwil.
- Uned Ymchwil Cynllunio a Pholisi Iaith.
- Cyfleoedd i addysgu yn yr Ysgol a’r Ganolfan Addysgu Cymraeg (Cymraeg i Oedolion).
- Ymchwil ar y cyd â sawl sefydliad yng Ngogledd America ac Ewrop, er enghraifft yng Nghanada ac Iwerddon.
- Cysylltiadau agos â Llywodraeth Cymru ac â sefydliadau cenedlaethol eraill, gan gynnwys Amgueddfa Werin Cymru, Sain Ffagan.
Ffeithiau allweddol
| Math o astudiaeth | Amser llawn, rhan amser |
|---|---|
| Cymhwyster | PhD, MPhil |
| Hyd amser llawn | PhD 3 mlynedd, MPhil 1 flwyddyn |
| Hyd rhan-amser | PhD 5 mlynedd, MPhil 2 flynedd |
| Derbyniadau | Ionawr, Ebrill, Gorffennaf, Hydref |
Sgiliau a ddatblygwyd
- Gwybodaeth ac arbenigedd pwnc ar lefel uwch
- Uwch sgiliau ymchwil a methodoleg (theori a chymhwyso)
- Hunanreolaeth a chymhelliant
- Meddwl dadansoddol a beirniadol
- Lledaenu ymchwil ac ymgysylltu
Asesiad
Asesir y rhaglen hon yn seiliedig ar ganlyniad yr ymchwil a gynhyrchir drwy gyflwyno traethawd ac arholiad llafar.
- Ar gyfer myfyrwyr PhD, dylai’r traethawd hir fod hyd at 80,000 o eiriau.
- Ar gyfer myfyrwyr MPhil, dylai’r traethawd hir fod hyd at 50,000 o eiriau.
Gellir gwneud ymchwil drwy gyfrwng y Gymraeg neu'r Saesneg mewn unrhyw un o'r meysydd canlynol:
- gwleidyddiaeth iaith, bod yn weithgar a datrys gwrthdaro
- hawliau a statws iaith
- polisi iaith, llywodraethu a'r Wladwriaeth
- newid ymddygiad
- amrywiaeth ieithyddol ac amlddiwylliannedd
- agweddau sosioieithyddol ar ddwyieithrwydd, amlieithrwydd, a chaffael ail iaith
- amrywiad iaith a newid iaith a thafodieitheg
Mae graddedigion blaenorol yn y maes hwn wedi mynd ati i ddilyn gyrfa ym meysydd addysg uwch, ymchwil, y cyfryngau, addysgu, y llywodraeth a chyhoeddi.
Benthyciadau Llywodraeth y DG i ôl-raddedigion doethuriaeth
Gallai ymgeiswyr ar gyfer y rhaglen Doethuriaeth Broffesiynol fod yn gymwys i wneud cais am fenthyciad doethuriaeth ôl-raddedig gan Lywodraeth y DU..
Benthyciadau Llywodraeth y DG i ôl-raddedigion doethuriaethArian
Edrychwch ar ein prosiectau a'n hysgoloriaethau PhD diweddaraf a chael rhagor o wybodaeth am gyfleoedd ariannu eraill.
Ffioedd dysgu
Myfyrwyr o'r DU
Mynnwch y wybodaeth ddiweddaraf am ffioedd ôl-raddedigion.
Myfyrwyr o'r UE, AEE a'r Swistir
Mynnwch y wybodaeth ddiweddaraf am ffioedd ôl-raddedigion.
Myfyrwyr o weddill y byd (rhyngwladol)
Addas i raddedigion y Gymraeg neu bynciau eraill y Dyniaethau neu’r Gwyddorau Cymdeithasol. Mae myfyrwyr nad ydynt wedi cwblhau MA, neu gwrs hyfforddi dulliau ymchwil, fel arfer yn dilyn y modiwl sgiliau ymchwil o’r MA a addysgir wrth baratoi at eu traethawd MPhil/PhD.
Rhaid wrth radd anrhydedd dosbarth cyntaf neu yn adran uchaf yr ail ddosbarth yn y DU, neu gymhwyster cyfwerth.
Rhaid i ymgeiswyr sy’n dymuno cyflwyno’u traethawd MPhil neu PhD yn Gymraeg, ond sydd heb radd yn y Gymraeg, fodloni’r Ysgol ynghylch safon eu sgiliau yn yr iaith ar lafar ac ar bapur.
Mae Ysgol y Gymraeg hefyd yn croesawu ceisiadau gan fyfyrwyr di-Gymraeg o’r DU neu dramor sy’n dymuno astudio a chyflwyno eu traethawd MPhil neu PhD drwy gyfrwng y Saesneg.
Gofynion Iaith Saesneg
IELTS gyda sgôr gyffredinol o 6.5 gydag o leiaf 5.5 ym mhob is-sgil, neu gyfwerth. Darllenwch ein canllawiau am ein Gofynion Iaith Saesneg am ragor o fanylion.
Dylai’r ceisiadau gynnwys cynnig ymchwil hyd at 1,500 o eiriau sy'n amlinellu’r rhaglen ymchwil y maent yn bwriadu ei dilyn. Dylai ymgeiswyr gysylltu ag Ysgol y Gymraeg i drafod eu diddordebau ymchwil cyn gwneud cais ffurfiol.
Wedyn bydd y Cyfarwyddwr Astudiaethau Ymchwil Ôl-raddedig yn yr ysgol yn rhoi cyngor ynghylch yr arbenigedd sydd ar gael ac yn helpu ymgeiswyr wrth iddynt ddatblygu eu Cynigion Ymchwil.
Cyswllt
Cyswllt/Cysylltiadau Gweinyddol
Cyswllt/Cysylltiadau Academaidd
Yr Athro Diarmait Mac Giolla Chríost
Cyfarwyddwr Astudiaethau Ymchwil Ôl-raddedig
- Siarad Cymraeg
- macgiollachriostd@caerdydd.ac.uk
- +44 (0)29 2087 9180
