Theori Feirniadol a Diwylliannol
Mae myfyrwyr ar y cwrs PhD Theori Feirniadol a Diwylliannol yn derbyn goruchwyliaeth gan staff ac academaidd gydag ymrwymiad hirdymor i ragoriaeth ac amrywiaeth mewn ymchwil, sy’n gweithio ar flaen y gad o ran ymchwil arloesol mewn theori feirniadol a diwylliannol.
Nodau'r rhaglen
Mae'r PhD/MPhil mewn Theori Feirniadol a Diwylliannol ym Mhrifysgol Caerdydd yn galluogi ymchwilwyr ôl-raddedig i drin a thrafod pynciau mewn agweddau ar theori feirniadol gan gynnwys theori hil feirniadol, theori ôl-drefedigaethol, theori ffeministaidd, astudiaethau rhywedd a theori cwiar, eco-feirniadaeth a dulliau amrywiol sy'n datblygu o strwythuraliaeth ac ôl-strwythuraliaeth.
Rydyn ni’n gwerthfawrogi profiad cyfoethog ein nifer o fyfyrwyr tramor, ac yn darparu ar gyfer eu hanghenion penodol o ran cyd-destun diwylliannol eu hastudio, gyda chymorth Canolfan Datblygu Ysgrifennu’r Ysgol, a gofynion ysgrifennu’n gain mewn ail iaith.
Nodweddion unigryw
- Diwylliant ymchwil rhyngddisgyblaethol deinamig a chefnogol
- Hyfforddiant i ddatblygu a gwella sgiliau trosglwyddadwy a fydd yn cynyddu cyflogadwyedd myfyrwyr mewn marchnad swyddi sy’n gynyddol gystadleuol, ym maes Addysg Uwch a’r tu hwnt iddi
- Mynediad at ystod amrywiol o gyfleoedd hyfforddiant ymchwil a datblygu proffesiynol, gan gynnwys rhaglen hyfforddi generig a gweithdai traethawd ymchwil sy'n rhoi’r cyfle i chi gyflwyno gwaith sy’n mynd rhagddo i'ch cymheiriaid
- Mynediad at gyfres bwrpasol o ystafelloedd ymchwil
- Cyfleoedd addysgu i raddedigion ar y radd israddedig ar gais wrth i gyfleoedd o'r fath godi, gyda chymorth gan Academi Dysgu ac Addysgu'r Brifysgol trwy'r Rhaglen Cymrodoriaeth Gyswllt ar gyfer y rhai sy'n ymgymryd â rolau tiwtora i raddedigion
- Gall myfyrwyr ymchwil ôl-raddedig wneud cais am gyllid Ysgol i fynychu cynadleddau academaidd a/neu gynnal ymweliadau archifol/llyfrgell.
Ffeithiau allweddol
| Math o astudiaeth | Amser llawn, rhan amser |
|---|---|
| Cymhwyster | PhD, MPhil |
| Hyd amser llawn | PhD 3 mlynedd, MPhil 1 flwyddyn |
| Hyd rhan-amser | PhD 5 mlynedd, MPhil 2 flynedd |
| Derbyniadau | Ionawr, Ebrill, Gorffennaf, Hydref |
Sgiliau wedi’u datblygu
Yn ogystal â gweithio'n agos gyda goruchwyliwr, mae myfyrwyr doethuriaeth yn mynychu gweithdy traethawd ymchwil wythnosol, sy'n cynnig hyfforddiant ymchwil sy'n benodol i ddisgyblaeth yn ogystal â chyfleoedd i rannu gwaith ar y gweill gyda myfyrwyr eraill.
Mae'r gweithdai'n cael eu cynnal ochr yn ochr â'r rhaglen hyfforddiant ymchwil a sgiliau proffesiynol integredig a gaiff ei chynnal gan yr Academi Ddoethurol.
Asesiad
Asesir y PhD drwy gyflwyno traethawd ymchwil o 80,000 o eiriau ac arholiad viva voce.
Asesir y PhD drwy gyflwyno traethawd ymchwil o 50,000 o eiriau ac arholiad viva voce.
“Wedi’u lleoli ar ryngwyneb traddodiadau, methodolegau, dulliau damcaniaethol, disgyblaethau ac arferion gwahanol, mae ein hymchwil arloesol yn ennyn cwestiynau heriol a difyr ar gyfer ein staff a, thrwy ein goruchwyliaeth PhD a’n addysgu’n seiliedig ar ymchwil hefyd ar gyfer ein myfyrwyr ar bob lefel.”
— Yr Athro Ann Heilmann, Cyfarwyddwr Ymchwil yn yr Ysgol Saesneg, Cyfathrebu ac Athroniaeth.
Amgylchedd ymchwil
Mae’r Ysgol wedi llwyddo i gipio’r 4ydd safle yn y DU am effaith ymchwil a’r 5ed safle o ran pŵer ymchwil ym maes Iaith a Llenyddiaeth Saesneg (REF2021). Mae hyn yn dyst o ymrwymiad yr Ysgol i ddatblygiad deallusol a phroffesiynol ei myfyrwyr ôl-raddedig yn seiliedig ar ddarparu profiad goruchwylio o ansawdd uchel, hyfforddiant ymchwil lefel uwch a mynediad at yr adnoddau sydd eu hangen i helpu pob myfyriwr i ffynnu'n ddeallusol a gweithio'n gynhyrchiol.
Ceir tystiolaeth o fywiogrwydd y gymuned ymchwil gan yr ystod amrywiol o glystyrau ymchwil: diwylliannau digidol; diwylliannau gweledol; rhywedd a rhywioldeb, diwylliannau, canolfannau, rhwydweithiau a grwpiau darllen Cymreig a Chymraeg.
Yn ogystal, mae'r Ysgol yn cynnal cynhadledd ymchwil flynyddol dan arweiniad myfyrwyr ar gyfer ôl-raddedigion sy'n gweithio mewn Llenyddiaeth Saesneg, Ysgrifennu Creadigol a Beirniadol, Theori ac Athroniaeth Feirniadol a Diwylliannol, a'r nod yw meithrin sgyrsiau rhyngddisgyblaethol a gwella sgiliau ymchwil a chyflogadwyedd unigol myfyrwyr.
Mae Llyfrgell y Celfyddydau ac Astudiaethau Cymdeithasol yn cynnwys casgliadau sylweddol ym mhob un o'n meysydd pwnc, ynghyd ag adnoddau electronig helaeth. Mae hefyd yn gartref i Gasgliadau ac Archifau Arbennig , sy'n dal casgliadau arbenigol, megis Llyfrau Prin Caerdydd (casgliad o dros 14,000 o eitemau sy'n amrywio o incunabula o'r bymthegfed ganrif i lyfrau gwasg gain yr ugeinfed ganrif), yn ogystal â deunyddiau sy'n ymwneud â Datganoli, Dwyrain a Chanol Ewrop, y Rhyfel Byd Cyntaf, Darluniau, Hanes llafur, Llenyddiaeth a diwylliant Cymru, Dewiniaeth, Hanes Menywod ac Astudiaethau Rhyw, Hanes Meddygaeth a Gwyddoniaeth—a llawer mwy.
Rydym yn croesawu ceisiadau PhD ym meysydd arbenigol staff, megis y canlynol:
- Marcsiaeth Critigol
- Hanes Diwylliannol
- Dadadeiladu
- Astudiaethau Deleuze
- Theori digidol ac astudiaethau gêm
- Eco-ddyniaethau
- Rhywedd, rhywioldeb a hunaniaeth
- Estheteg yr Almaen ac Ysgol Frankfurt
- Ôl-drefedigaethedd, Cenedl a diwylliant
- Ôl-foderniaeth
- Ôl-ddyneiddiaeth
- Damcaniaethau am y llenyddol
- Astudiaethau trawma a’r cof.
Goruchwylwyr
Mae rhagor o wybodaeth am staff a’u meysydd ymchwil ar gael ar wefan yr Ysgol.
Mewn marchnad swyddi gystadleuol, rydyn ni’n annog a chefnogi ein myfyrwyr i ddatblygu’r sgiliau fydd yn eu gwneud yn gyflogadwy, beth bynnag fo cyfeiriad eu gyrfa.
Benthyciadau Llywodraeth y DG i ôl-raddedigion doethuriaeth
Gallai ymgeiswyr ar gyfer y rhaglen Doethuriaeth Broffesiynol fod yn gymwys i wneud cais am fenthyciad doethuriaeth ôl-raddedig gan Lywodraeth y DU..
Benthyciadau Llywodraeth y DG i ôl-raddedigion doethuriaethArian
Edrychwch ar ein prosiectau a'n hysgoloriaethau PhD diweddaraf a chael rhagor o wybodaeth am gyfleoedd ariannu eraill.
Ffioedd dysgu
Myfyrwyr o'r DU
Mynnwch y wybodaeth ddiweddaraf am ffioedd ôl-raddedigion.
Myfyrwyr o'r UE, AEE a'r Swistir
Mynnwch y wybodaeth ddiweddaraf am ffioedd ôl-raddedigion.
Myfyrwyr o weddill y byd (rhyngwladol)
Addas i raddedigion y Dyniaethau neu’r Gwyddorau Cymdeithasol. Rhaid wrth radd anrhydedd Dosbarth Cyntaf neu yn Adran Uchaf yr Ail Ddosbarth neu gymhwyster cyfwerth.
Efallai y bydd gofyn i fyfyrwyr nad ydynt wedi cwblhau MA neu gwrs dulliau hyfforddi ymchwil archwilio Modiwlau Theori ar yr MA Llenyddiaeth Saesneg.
Gofynion Iaith Saesneg
Mae'r Ysgol yn croesawu ceisiadau gan fyfyrwyr y tu allan i'r Deyrnas Unedig. Ar gyfer siaradwyr Saesneg anfrodorol, mae sgôr gyffredinol IELTS o 7.5 gydag o leiaf 7.0 ym mhob is-sgôr yn hanfodol.
Darllenwch ein Gofynion Iaith Saesneg am ragor o wybodaeth.
Yn ogystal â chwblhau’r ffurflen gais ar-lein, y cynnig ymchwil a’r dogfennau ategol, rydym hefyd yn gofyn am draethawd enghreifftiol o tua 4,000 o eiriau yn Saesneg wedi’i ysgrifennu gennych chi ar unrhyw bwnc llenyddol neu ddiwylliannol o’ch dewis (rhywbeth rydych chi wedi’i gyflwyno o’r blaen ar gyfer eich gradd meistr, er enghraifft). Argymhellir eich bod yn anfon e-bost at y gweinyddwr ôl-radd ar encap-pg@caerdydd.ac.uk gyda’ch cynnig ymchwil a sampl o draethawd cyn gwneud cais ffurfiol.
Cyswllt
Cyswllt/Cysylltiadau Gweinyddol
Derbyniadau Ôl-raddedig ENCAP
Cyswllt gweinyddol
