Peirianneg: Mecaneg, Deunyddiau ac Uwch-Weithgynhyrchu

Mae thema ymchwil eang Mecaneg, Deunyddiau ac Uwch-Weithgynhyrchu yn ymgorffori ymchwil arloesol sy’n meithrin arloesedd a chynaliadwyedd, yn cefnogi datblygiad economaidd a chymdeithasol, ac yn cyfrannu at welliannau mewn iechyd ac ansawdd bywyd drwy sicrhau diogelwch a pherfformiad gorau deunyddiau a strwythurau.

Mae’r gwaith ymchwil a gyflawnir o dan thema Mecaneg, Deunyddiau ac Uwch-Weithgynhyrchu yn datblygu, yn dilysu ac yn gwirio modelau dibynadwy ochr yn ochr ag offer efelychu cadarn, cywir ac effeithlon i ddisgrifio a deall systemau aflinol cymhleth, naturiol ac wedi’u creu, ar amrywiaeth eang o raddfeydd gofodol ac amserol, gyda phwyslais ar uwch ddeunyddiau a strwythurau.

Mae’r ymchwil hefyd yn canolbwyntio ar ddatblygu menter, technoleg uwch sy’n gyfeillgar i’r amgylchedd, ynghyd â’i roi ar waith yn effeithiol ac yn gynaliadwy drwy galedwedd, meddalwedd neu systemau rheoli addas i raglenni yn y diwydiannau trafnidiaeth, cynhyrchu ynni a gweithgynhyrchu.

Cyswllt