Bioleg Gemegol
Mae’r grŵp ymchwil bioleg gemegol yn cynnal ymchwil sy'n hanfodol i’r gymuned wyddonol, sydd â goblygiadau sylweddol i les y cyhoedd. Rydyn ni’n symud ymlaen o ateb cwestiynau bioleg sylfaenol i ddatblygu technolegau sy’n ddefnyddiol ar gyfer cymwysiadau ymarferol.
Mae ein gwaith yn ymdrin ag ystod eang o bynciau gan gynnwys; biosynthesis cynnyrch naturiol, ymchwilio mecanistig i ymgeiswyr therapiwtig, ymchwiliadau i dargedau clefydau, labelu biofolecylau ar gyfer dylunio cynnyrch, a chreu biofolecylau newydd-i-natur. Trwy integreiddio arbenigedd ar draws gwahanol ddisgyblaethau, rydyn ni’n ymdrechu i ddatblygu ffiniau gwybodaeth ac arloesi gwyddonol.
Mae myfyrwyr yn ein grŵp yn ennill sgiliau a thechnegau amrywiol yn y canlynol:
- Cemeg Cynnyrch Naturiol
- ynysu a nodweddu cyfansoddion bioactif
- cynhyrchion naturiol biosynthesis a'u deilliadau gyda bioweithgarwch amgen
- Gwyddoniaeth Amaethyddol
- datblygu bio-blaladdwyr a chynyddwyr twf
- rhyngweithiadau rhwng planhigion a microbau
- Technoleg Protein
- ehangu côd genetig ar gyfer swyddogaethau proteinau newydd
- peirianneg protein ac esblygiad cyfeiriedig
- Ensym / Biocatalysis
- dylunio a pheirianneg biocatalyddion ar gyfer cymwysiadau posibl mewn diwydiant
- astudiaethau mecanistig o swyddogaeth ensym
- Bioleg Gyfrifiadurol
- dylunio protein de novo gan ddefnyddio offer cyfrifiadurol
- efelychiadau deinameg moleciwlaidd
- Technegau Arbrofol
- sgrinio trwygyrch uchel
- crisialeg protein a bioleg strwythurol
- sbectrometreg màs a dadansoddiad cinetig
Mae ein hymchwil yn gynhenid ryngddisgyblaethol, sy'n cynnwys cydweithrediadau gydag arbenigwyr ym meysydd cemeg, fferylliaeth, biowyddoniaeth a meddygaeth ffisegol. Rydyn ni’n cynnal cysylltiadau cryf â diwydiant, gan gynnwys partneriaethau â chwmnïau biotechnoleg fel Epsilogen, EnzyTag a Syngenta, i drosi ein hymchwil i gymwysiadau ymarferol. Mae'r partneriaethau hyn yn cynnig set o sgiliau cynhwysfawr i fyfyrwyr, gan eu paratoi am yrfaoedd amrywiol yn y byd academaidd, mewn diwydiant a sectorau addysg uwch eraill.
Cyswllt
Cyswllt/Cysylltiadau Gweinyddol
Dr Ben Ward
Administrative contact
Mae gennym dîm profiadol ac arloesol yn gweithio ar amrywiaeth o feysydd cemeg fiolegol:
Mae gwyddoniaeth protein yn sail i bob agwedd ar ein bywydau bob dydd. Mae ymchwiliadau i broteinau wedi cynnig atebion i ffenomenau biolegol pwysig, megis astudio peptidau gwrthfacterol a marcwyr canser. Mae cymhwyso'r canfyddiadau hyn yn arwain at greu adnoddau biolegol cemegol sy'n hwyluso gwybodaeth newydd megis ligas peptidau, yn ogystal â biotherapiwteg, gyda manteision uniongyrchol i'r cyhoedd, megis semaglwtid, Trastuzumab emtansine ac inswlin detemir.
Mae'r ymchwil yn y maes hwn yn ceisio meistroli'r cemeg sy'n sail i gymwysiadau protein. Bydd myfyrwyr yn cael profiad ymarferol o baratoi ac addasu protein, dylunio ensymau, sgrinio trwygyrch uchel, crisialeg protein, sbectrometreg màs, dadansoddi cinetig a thechnegau trwygyrch uchel. Gan ddefnyddio synthesis protein cemegol, rydyn ni’n datgelu gwybodaeth atomegol ar sut mae bacteriosinau a ganfyddir yn naturiol yn cyflwyno gweithgarwch nanogram sbectrwm eang yn erbyn pathogenau bacteriol,
gan baratoi'r ffordd i dargedu'r cynnydd mewn ymwrthedd i ficrobau mewn ysbytai. Yn y cyfamser, rydyn ni’n addasu ehangu codau genetig a biogatalyddion eraill megis ligas peptidau i greu proteinau unigryw gyda bioweithgarwch newydd.
Mae signalau trwy foleciwlau lipoffilig bach yn ymwneud â phob lefel o gyfathrebu allanol rhwng organebau o'r holl fydoedd. Mae'r fferomonau sy'n cyfathrebu rhwng aelodau o'r un rhywogaeth gydag amrywiaeth eang o semiogemegion yn cyfathrebu rhwng rhywogaethau yn hysbys. Mewn anifeiliaid, megis pryfed, mae fferomonau a semiogemegion eraill a gynhyrchir yn bennaf trwy ddulliau biotechnolegol yn cynnig dulliau cynaliadwy o reoli plâu amaethyddol a fectorau pathogenau mewn anifeiliaid fferm a phobl, yn ogystal â rheoli organebau buddiol.
Rydyn ni’n defnyddio dulliau soffistigedig wrth gofnodi’r semiocemegion sy'n aml yn ansefydlog yn gemegol ac yn bresennol mewn crynodiadau isel iawn, ac yn gwneud ymgeisiau trosglwyddiadau strwythurol trwy sbectrometreg màs chromatograffeg gypledig sy'n cynnwys y dechnoleg ddiweddaraf. Cadarnheir y strwythur trwy gymharu â samplau a ddilyswyd gan NMR o ffynonellau eraill gan gynnwys synthesis organig. Datblygir fformiwleiddiad yn arbennig ar gyfer cyfansoddion sensitif iawn a chydweithio â diwydiant ar gyfer datblygiad ymarferol. Mae cydweithio gydag Ysgol y Biowyddorau yn hanfodol i’r gwaith hwn, er mwyn gwahanu cromatograffig sydd wedi’i gysylltu’n uniongyrchol â recordiadau electroffisiolegol o organau arogli gan gynnwys niwronau arogli sengl.
Mae ein hymchwil yn gwthio ffiniau’r hyn sy’n bosibl ac mae’n gynhenid ryngddisgyblaethol, sy'n cynnwys cydweithrediadau gydag arbenigwyr ym meysydd sy'n amrywio o gemeg ffisegol i fioleg glinigol neu dechnolegau sy'n sail i gynhyrchu bwyd cynaliadwy. Rydyn ni’n cynnal cysylltiadau cryf â diwydiant, gan gynnwys cwmnïau biotechnoleg megis Epsilogen , EnzyTag a Caelimp, i drosi ein hymchwil yn gymwysiadau ymarferol. Mae'r dull trawsddisgyblaethol hyn yn cynnig set o sgiliau cynhwysfawr i fyfyrwyr, gan eu paratoi am yrfaoedd amrywiol yn y byd academaidd a diwydiannol.
Mae goruchwylwyr ymchwil ôl-raddedig sy'n gweithio yn y maes hwn yn cynnwys
Prosiectau
Mae gennym restr helaeth o brosiectau ymchwil y mae goruchwylwyr yn gweithio arnynt ar hyn o bryd ac rydym yn croesawu ymgeiswyr sydd â diddordeb yn y prosiectau hyn.
Mae angen i unrhyw un sy’n dymuno cyflwyno cais ar gyfer y prosiectau hyn fod wedi sicrhau cyllid drostynt eu hunain. Gallai hyn fod gan noddwyr allanol, benthyciadau i fyfyrwyr neu drwy hunan-ariannu.
Yn ogystal â hyn, mae gennym ystod o brosiectau ymchwil â chyllid allanol. Sicrhewch eich bod yn bodloni’r meini prawf cymhwystra penodol o ran cyllid cyn gwneud cais.
Mae croeso ichi gysylltu â'r academyddion yn uniongyrchol i gael sgwrs anffurfiol neu ragor o wybodaeth
Dylid cyflwyno cais drwy wasanaeth gwneud ceisiadau Prifysgol Caerdydd. Nodwch deitl a goruchwyliwr y prosiect ar eich cais.
Arian
Gallwch chwilio am ysgoloriaeth neu gael rhagor o wybodaeth am gyllid.
Ffioedd dysgu
Myfyrwyr o'r DU
Mynnwch y wybodaeth ddiweddaraf am ffioedd ôl-raddedigion.
Myfyrwyr o'r UE, AEE a'r Swistir
Mynnwch y wybodaeth ddiweddaraf am ffioedd ôl-raddedigion.
Myfyrwyr o weddill y byd (rhyngwladol)
Gwybodaeth am y Rhaglen
I gael gwybodaeth am strwythur y rhaglen, gofynion mynediad a sut i wneud cais ewch i’r rhaglen Cemeg.
Gweld y Rhaglen
