Ysgoloriaethau Meistr

Ysgoloriaethau Rhagoriaeth Meistr

Rydyn ni’n falch iawn o gadarnhau y gallwch chi wneud cais nawr i’r cynllun Ysgoloriaethau Meistr ar gyfer dechrau astudio yn 2025/26.

Rydym wedi ymrwymo i fuddsoddi hyd at £500,000 yn y cynllun cystadleuol hwn am ysgoloriaethau, i gefnogi myfyrwyr gyda ffi statws cartref sy’n bwriadu dechrau rhaglen Meistr gymwys yn 2025/26.

Mae’r Ysgoloriaethau’n werth £3,000 yr un, a chânt eu dyfarnu ar ffurf gostyngiad ffioedd dysgu.

Cymhwysedd

Mae holl fyfyrwyr y DU yn gymwys i wneud cais am yr Ysgoloriaeth. Fel arfer mae angen i chi fod wedi cyflawni o leiaf 2.1 neu gyfwerth yn eich gradd gyntaf i fod yn gymwys. Mae angen i chi gyflwyno cais i astudio ym Mhrifysgol Caerdydd a chael cynnig i astudio cyn y gellir cadarnhau eich statws ffioedd

Pennir eich statws ffioedd yn unol â’r Rheoliadau Ffioedd. Cewch wybodaeth am ffioedd statws yng Nghymru ar wefan UKCISA.

Rhaglenni cymwys

Dim ond rhaglenni amser llawn a rhan-amser ôl-raddedig a addysgir sy’n arwain at radd feistr sydd wedi’u cynnwys yn rhan o gynllun yr ysgoloriaeth:

• Rhaglen amser llawn sy’n arwain at radd feistr a addysgir
• Rhaglen rhan-amser sy’n arwain at radd feistr a addysgir
• MRes Biowyddorau
• MRes Niwrofioleg Bôn-gelloedd

Os ydych chi’n astudio eich rhaglen yn rhan-amser, byddwch yn cael 50% o’r ysgoloriaeth yn y flwyddyn gyntaf a 50% o’r ysgoloriaeth yn yr ail flwyddyn.

Os ydych yn astudio rhaglen amser llawn sy’n para dros flwyddyn, ni chewch arian o’r ysgoloriaeth hon neu’r ysgoloriaeth ddilynol ar gyfer y blynyddoedd ychwanegol.

Rhaglenni heb eu cynnwys

Nid yw’r rhaglenni canlynol wedi’u cynnwys felly nid ydynt yn gymwys ar gyfer Ysgoloriaeth Rhagoriaeth Meistr:

• Rhaglenni dysgu o bell
• Astudiaethau Pensaernïol (MArch)
• Rhaglenni a addysgir yn arwain at ddiploma graddedig (GDip), tystysgrif ôl-raddedig (PgCert) neu ddiploma ôl-raddedig (PgDip)
• Graddau ymchwil sy’n arwain ar radd Meistr mewn Athroniaeth (MPhil)

Ni fyddwch yn gymwys chwaith os oes gennych eisoes Dystysgrif neu Ddiploma Ôl-raddedig a’ch bod yn mynd ymlaen i gam Meistr y radd ar hyn o bryd.

Ar wahân i’r MRes yn y Biowyddorau neu Niwrofioleg Bôn-gelloedd, ni chewch hawlio arian ysgoloriaeth ar gyfer rhaglenni ymchwil ôl-raddedig sy’n arwain at MPhil.

Derbyn cyllid arall

Gallwch fod yn gymwys ar gyfer Ysgoloriaeth Rhagoriaeth Meistr hyd yn oed os ydych yn derbyn:

• Arian ychwanegol gan Gyllid Myfyrwyr Cymru neu Gyllid Myfyrwyr Lloegr
• Bwrsariaethau Llywodraeth Cymru ar gyfer Myfyrwyr Gradd Meistr
• unrhyw gyllid yn seiliedig ar fenthyciad, fel y Benthyciad Ôl-Raddedig a ddosberthir gan Cyllid Myfyrwyr Cymru a Lloegr.

Os ydych yn fyfyriwr yn y DU sy'n derbyn Ysgoloriaeth Meistr Prifysgol Caerdydd gwerth £3,000, ni allwch dderbyn y gostyngiad cyn-fyfyrwyr yn ogystal â hynny.

Ni fyddwch yn gymwys i dderbyn yr Ysgoloriaeth Rhagoriaeth Meistr os ydych chi hefyd yn derbyn cyllid llawn ar gyfer eich ffioedd dysgu drwy unrhyw ysgoloriaethau neu fwrsariaethau eraill, neu gan gorff noddi (megis Llywodraeth eich mamwlad, elusen neu sefydliad preifat).

Gohirio mynediad

Rhaid i’r ysgoloriaethau gael eu defnyddio wrth ddechrau ym mlwyddyn academaidd 2025/26 yn unig ac ni ellir eu defnyddio ar gyfer dechrau yn 2026/27 na thu hwnt i hynny.

Os ydych yn penderfynu oedi cyn cychwyn yn y Brifysgol ar ôl ennill ysgoloriaeth, byddwch yn colli’ch ysgoloriaeth a bydd yn rhaid i chi gyflwyno cais newydd y flwyddyn ganlynol. Ni all y rhai sydd eisoes yn astudio rhaglen ôl-raddedig ei defnyddio ychwaith.

Gallwch bori drwy ein rhaglenni A-Y.

Os nad ydych yn siŵr a ydych yn gymwys i gyflwyno cais am yr ysgoloriaethau hyn, neu os oes gennych unrhyw ymholiadau, anfonwch ebost at: studentconnect@caerdydd.ac.uk

Dyddiadau pwysig

Dyma’r dyddiadau pwysig ar gyfer ysgoloriaethau 2025/26:

Ni fyddwn yn ystyried ceisiadau sy’n cyrraedd ar ôl y dyddiad cau cyntaf tan ar ôl yr ail ddyddiad cau. Ni fyddwn yn ystyried ceisiadau sy’n cyrraedd ar ôl yr ail ddyddiad cau.

Cofiwch hefyd wneud yn siŵr ein bod ni wedi derbyn eich cais am raglen, gan gynnwys cyfeiriadau a thrawsgrifiadau, erbyn yr un dyddiad cau er mwyn i chi fod yn gymwys i gyflwyno cais am yr ysgoloriaeth.

Sut i wneud cais

Gwneir ceisiadau ar-lein dryw’r Porth Ymgeiswyr. Unwaith caiff eich cais ei dderbyn, bydd dolen i’r ffurflen gais ar gyfer yr Ysgoloriaethau Rhagoriaeth Meistr ar gael ar Borth Cyflwyno Cais Ar-lein SIMS.

Bydd ymgeiswyr newydd yn derbyn manylion mewngofnodi ar gyfer y Porth Ymgeiswyr drwy ebost. Bydd myfyrwyr presennol a blaenorol yn gallu mewngofnodi gan ddefnyddio eu manylion mewngofnodi presennol, a dod o hyd i’r ddolen ar gyfer gwneud cais am yr ysgoloriaeth ar y sgrîn ‘Fy Nghais’ ar SIMS.

Gallai gymryd hyd at 48 awr ar ôl cyflwyno eich cais ar gyfer y rhaglen cyn i chi gael mynediad llawn at y Porth Ymgeiswyr. Felly, rydym yn eich cynghori i wneud cais ar gyfer eich rhaglen astudio ymhell ymlaen llaw.

Byddwch yn dal i allu cael mynediad at y ffurflen gais tan yr ail ddyddiad cau ar gyfer cyflwyno cais am ysgoloriaeth. Os nad yw’r ffurflen gais ar gael, anfonwch ebost at studentconnect@caerdydd.ac.uk er mwyn i ni roi cyngor i chi.

Byddwn yn ystyried un cais ar gyfer ponb ymgeisydd, a dim ond y cais mwyaf diweddar i chi ei gyflwyno a gaiff ei ystyried.

Mae arweiniad ar gael isod hefyd ynghylch sut i lenwi’r ffurflen gais.

Os byddwch yn profi unrhyw broblemau wrth gyflwyno, cysylltwch â'r Swyddfa Derbyn Myfyrwyr.

Derbyn cynnig

Rhaid derbyn ysgoloriaethau ymhen wythnos ar ôl cael hysbysiad o gynnig ffurfiol. Byddwn yn ailddyrannu ysgoloriaethau na chaiff eu derbyn. Gwnewch yn siŵr eich bod yn gwirio eich ebost gohebu’n rheolaidd.

Telerau ac amodau

Amodau’r cynnig

• Mae’r ysgoloriaeth sy’n cael ei chynnig yn amodol ar ymrestru i ddilyn y rhaglen a nodir yn y cais. Os na dderbynnir eich cynnig i astudio erbyn dydd Gwenr 29 Awst 2025 yna gellir tynnu cynigion ysgoloriaeth yn ôl.
• Mae’r cynnig hefyd yn ddarostyngedig i unrhyw amodau eraill a amlinellir yn yr ebost a anfonwyd atoch yn cynnig yr ysgoloriaeth.
• Bydd angen derbyn y telerau a’r amodau hyn cyn y gellir dyfarnu’r ysgoloriaeth.
• Rhaid derbyn y Telerau ac Amodau erbyn y dyddiad nodwyd yn yr ebost sy’n cynnig eich ysgoloriaeth.
• Disgwylir i chi fod wedi cyrraedd a chofrestru ym Mhrifysgol Caerdydd erbyn y dyddiad dechrau a nodir yn y llythyr sy’n cynnig lle i chi, neu’r dyddiad a nodir gan eich Ysgol academaidd.
• Dim ond ar gyfer y rhaglen a nodir ar eich ffurflen gais am ysgoloriaeth y gellir defnyddio’r ysgoloriaeth. Ni ellir trosglwyddo ysgoloriaethau rhwng unigolion a dim ond ar gyfer gradd Meistr a addysgir neu radd Meistr Ymchwil (MRes) ym Mhrifysgol Caerdydd y gellir eu defnyddio.
• Bydd pob penderfyniad a wneir gan y Panel yn derfynol ac ni fydd modd apelio. Oherwydd y nifer uchaf o geisiadau a dderbyniwyd, ni fydd adborth ar gael.

Eich ysgoloriaeth

• Bydd yr ysgoloriaeth ar ffurf gostyngiad yn y ffi dysgu ac ni thelir dim arian yn uniongyrchol i chi. Bydd yr ysgoloriaeth yn lleihau’r swm sy’n daladwy i’r Brifysgol. Yna bydd gweddill y ffioedd dysgu'n daladwy yn ôl ein polisi ffioedd dysgu.
• £3,000 yw swm yr ysgoloriaeth ar gyfer gradd Meistr a addysgir 180 credyd.
• Os ydych yn fyfyriwr yn y DU sy'n derbyn Ysgoloriaeth Meistr Prifysgol Caerdydd gwerth £3,000, ni allwch dderbyn y gostyngiad cyn-fyfyrwyr yn ogystal â hynny.
• Disgwylir i chi dalu am weddill eich astudiaethau o ffynonellau eraill.
• Mae Ysgoloriaethau Rhagoriaeth Meistr ar gael ar gyfer hyd at un flwyddyn academaidd ar gyfer rhaglenni llawn-amser, a dwy flynedd academaidd ar gyfer myfyrwyr rhan-amser. Ni fydd myfyrwyr sy’n astudio cwrs llawn amser dros flwyddyn o hyd, neu gwrs rhan-amser dros ddwy flynedd o hyd, yn cael mwy o arian ar gyfer y blynyddoedd ychwanegol.
• Ar gyfer rhaglenni rhan amser, mae’r ysgoloriaeth a amlinellir 2.2 yn 2.2 yn gymwys pro rata dros ddwy flynedd o astudio.
• Yn yr ysgoloriaeth, nid oes modd cael arian yn lle’r gostyngiad ar y ffi dysgu, na throsglwyddo’r arian nac unrhyw amrywiad arall.
• Chi sy’n atebol am bob cost arall sy’n gysylltiedig â’ch astudiaeth nad yw wedi’i chynnwys yn benodol yn y llythyr sy’n cynnig ysgoloriaeth i chi.
• Dim ond i fyfyrwyr sy’n ariannu eu hunain y mae’r ysgoloriaethau ar gael. Os yw eich ffioedd dysgu’n cael eu hariannu’n llawn neu’n rhannol gan gorff noddi arall (megis llywodraeth eich mamwlad neu sefydliad preifat), bydd rhaid i chi ad-dalu’r ysgoloriaeth i Brifysgol Caerdydd hyd at y cyfanswm a delir gan y corff sy’n eich noddi. Nid yw hyn yn cynnwys cyllid ar ffurf benthyciad.

Eich cyfrifoldebau

• Disgwylir i chi gychwyn eich astudiaethau ym Mhrifysgol Caerdydd ym mis Medi 2025. Nid oes modd gohirio’r ysgoloriaeth hon i’r dyfodol. Os na fyddwch yn gallu dod ym mis Medi 2025, bydd angen gwneud cais newydd am ysgoloriaeth er mwyn eich ystyried am unrhyw ysgoloriaeth yn y dyfodol.
• Mae disgwyl i chi gwblhau’ch cwrs o fewn yr hyd safonol a nodir. Os ceir toriad yn eich astudiaethau, nid oes modd trosglwyddo’r ysgoloriaeth i’r dyfodol.
• Bydd rhaid i chi ddilyn, a chydymffurfio’n llwyr â rheolau a rheoliadau Prifysgol Caerdydd, ynghyd â’r holl amodau a thelerau academaidd a'r amodau a thelerau eraill sy’n gysylltiedig â’ch rhaglen astudio.
• Bydd angen i chi dalu gweddill eich ffioedd dysgu yn ôl ein polisi ffioedd dysgu.
• Disgwylir i chi gymryd rhan mewn gweithgareddau cysylltiadau cyhoeddus a llysgenhadol yn ystod eich amser ym Mhrifysgol Caerdydd. Gallant gynnwys cyfweliadau, cyfleoedd tynnu llun a mynd i ddigwyddiadau (ond heb fod yn gyfyngedig i’r rhain), ond ni fyddant yn tarfu ar eich astudiaethau. Ni ddisgwylir y bydd dros 50 awr o weithgareddau gwirfoddol drwy gydol eich astudiaethau.

Terfynu

• Mae gan Brifysgol Caerdydd yr hawl unrhyw dro, ac fel y mynna, i derfynu’ch ysgoloriaeth os gwelir:
  • Eich bod wedi torri rheolau neu reoliadau Prifysgol Caerdydd gan gynnwys, ond heb fod yn gyfyngedig i, Reoliadau Academaidd y Brifysgol.
  • Eich bod wedi ymddwyn yn amhriodol sy’n anghyson, ym marn Prifysgol Caerdydd, â’i hethos a’i ffordd o weithredu.
  • Eich bod wedi torri amodau a thelerau’r ysgoloriaeth yn sylweddol, fel y nodwyd yn y cytundeb hwn.
  • Eich bod wedi methu â sicrhau cynnydd boddhaol yn eich astudiaethau academaidd.
• Prifysgol Caerdydd yn unig fydd yn penderfynu ar derfynu o’r fath, ac ni fydd dim rhwymedigaeth ar y Brifysgol.

Drwy lenwi’r ffurflen ar-lein sydd yn eich ebost i dderbyn yr ysgoloriaeth, tybir eich bod wedi deall y telerau ac amodau hyn ac yn eu derbyn yn llawn.

Canllawiau pellach