Deiliaid cynnig ôl-raddedig sydd wedi eu heffeithio gan weithredu diwydiannol

Bydd y canllawiau hyn yn rhoi gwybod am yr hyn sydd angen i chi ei wneud os oes gennych:

• cynnig amodol gan Brifysgol Caerdydd ar gyfer astudio ôl-raddedig neu astudio pellach arall
• cynnig amodol gan Brifysgol Caerdydd gan gynnwys gradd mewn modiwl/au penodol
• cynnig am Ysgoloriaeth Prifysgol Caerdydd ar gyfer astudio ôl-raddedig neu astudio pellach arall

Ychwanegu tystiolaeth i'ch cofnod derbyn

Os oes gennych gynnig amodol gan Brifysgol Caerdydd ac mae gweithredu diwydiannol yn effeithio ar eich marciau a/neu ddyfarniad terfynol, bydd angen i chi lanlwytho cymaint o wybodaeth a thystiolaeth â phosibl i'ch cofnod derbyn yn sims.cf.ac.uk.

Bydd angen i chi wneud hyn hefyd os oedd eich cynnig amodol yn cynnwys gradd mewn modiwl (au) penodol.

Dylai'r wybodaeth a'r dystiolaeth gynnwys:

• Trawsgrifiadau dros dro wedi'u llofnodi neu eu stampio sy'n cynnwys manylion y graddau a gyflawnoch ar lefel y modiwl ac yn gyffredinol, gyda manylion modiwlau ychwanegol rydych wedi'u cwblhau.
• Tystysgrifau dros dro wedi'u llofnodi neu stampio sy'n cadarnhau'r radd gyfartalog a gafwyd a/neu’r radd derfynol a ragwelir.
• Dyddiad eich dyfarniad i'w restru fel dyddiad y trawsgrifiad/tystysgrif dros dro ddiweddaraf.
• Llythyr ‘tebygol o gwblhau’ gan eich sefydliad – mae'r llythyr hwn yn ofyniad hanfodol i bob ymgeisydd sydd wedi’u heffeithio gan y gweithredu diwydiannol.

Beth i'w gynnwys mewn llythyr ‘tebygol o gwblhau’

Rhaid i lythyr ‘tebygol o gwblhau’ gynnwys:

• Eich manylion personol, fel y gallwn gadarnhau bod y llythyr yn ymwneud â chi.
• Cadarnhad eich bod yn debygol iawn o gwblhau eich rhaglen. Gwybodaeth ynghylch a yw holl elfennau'r rhaglen wedi'u cwblhau.
• Pryd fydd eich gradd yn debygol o gael ei dyfarnu.
• Manylion cyswllt ar gyfer yr adran a fydd yn ei chyhoeddi, i'w defnyddio at ddibenion gwirio

Gwnewch gais am eich fisa yn y DU (myfyrwyr rhyngwladol)

Os oes gennych gynnig diamod i astudio ym Mhrifysgol Caerdydd, byddwn yn rhoi datganiad Cadarnhad o Gael Eich Derbyn i Astudio (CAS) i chi. Gallwch ddefnyddio hwn i wneud cais am eich fisa.

Mae'r dogfennau (gwybodaeth a thystiolaeth) yr ydym yn gofyn amdanyn nhw yn cadarnhau bod eich cais i Brifysgol Caerdydd yn bodloni'r gofynion i allu bwrw ymlaen â'ch fisa myfyriwr. Dyma'r dogfennau y dylech eu cyflwyno gyda'ch cais am fisa, gan gynnwys y llythyr ‘tebygol o gwblhau’.

Ysgoloriaethau Prifysgol Caerdydd