Caffi'r Ôl-raddedigion

Dewch i wybod rhagor am astudiaethau ôl-raddedig yn un o’n caffis hamddenol ac anffurfiol i Ôl-raddedigion.

Bydd dyddiad digwyddiad Caffi'r Ôl-raddedigion nesaf yn cael ei gyhoeddi maes o law.

Beth i’w ddisgwyl

Rydyn ni’n croesawu unrhyw un sy’n ystyried dilyn cwrs ôl-raddedig, ni waeth ble rydych chi arni o ran y broses benderfynu. Gallwch chi:

sgwrsio â rhai o'n myfyrwyr presennol, yn rhai ymchwil a rhai a addysgir, am fywyd yng Nghaerdydd
gwybod rhagor am yr opsiynau cyllido sydd ar gael ichi
mynd ar daith o amgylch ein campws ym Mharc Cathays
trafod eich cwestiynau am astudio gyda ni mewn cyd-destun cymdeithasol ac anffurfiol
mwynhau diod boeth am ddim, ni sy’n talu!

Sylwer na fydd staff yr ysgolion academaidd ar gael yn y Caffis i Ôl-raddedigion. Os oes gennych chi gwestiynau am raglen ôl-raddedig benodol, rydyn ni’n eich cynghori i fynd i un o’n Diwrnodau Agored i Ôl-raddedigion.