Adam Street Gardens

Mae'r neuadd breswyl breifat hon yn eiddo i Unite ac yn cael ei rheoli gan Unite. Mae gan Brifysgol Caerdydd drefniant atgyfeirio ar waith ar gyfer sesiwn 2024/25, fel y gall myfyrwyr gynnwys y neuadd hon fel un o'u dewisiadau wrth geisio llety.

Mae'r trefniant hwn yn golygu, os dyfernir ystafell i chi yn y neuadd breswyl hon. Bydd eich contract yn uniongyrchol gydag Unite a bydd yr holl wasanaethau llety/prosesau yn cael eu darparu gan Unite, nid y brifysgol.

Mae Adam Street Gardens yn cynnig cartref i fyfyrwyr yng nghanol y ddinas gydag ardal gymunedol ar y safle a champfa gyda chyfarpar da yn rhad ac am ddim. Mae'r neuadd hon yn arbennig o gyfleus i fyfyrwyr sy'n astudio Peirianneg, Ffiseg a Seryddiaeth neu Gyfrifiadureg, ond mae hefyd o fewn pellter cerdded i bopeth sydd ar Gampws Cathays.

Yn ôl Unite, mae'n ofynnol i bob preswylydd gael gwarantwr. Os nad oes gan breswylwyr warantwr, yna mae angen talu'r rhent yn llawn cyn, neu ar ôl cyrraedd.

Yn ystod blwyddyn academaidd 2024-25, bydd Unite yn gwneud gwaith ar ffasâd allanol yr eiddo hwn rhwng 09:00 a 18:00 o ddydd Llun i ddydd Gwener. Byddwch yn clywed rhywfaint o sŵn isel yn ystod oriau gwaith, ac yn gweld sgaffaldiau o amgylch y safle. Bydd Unite yn rhoi gwybod am y gwaith hwn cyn iddynt ddechrau.