Gwneud cais am ystafell yn ein llety i fyfyrwyr israddedig a myfyrwyr cyfnewid

Mae amrywiaeth o breswylfeydd ar gael i ddewis rhyngddynt, gan ddibynnu ar eich ffordd o fyw a'ch cyllideb. Wrth benderfynu ble rydych am fyw, gall ystyried y ffactorau canlynol fod yn ddefnyddiol:

• hunanarlwyol/prydau wedi'u darparu
• ystafell ymolchi ensuite
• rhent
• pa mor agos yw’r llety i'ch adeilad academaidd, canol y ddinas neu eich dewis o gyfleusterau cymdeithasol neu chwaraeon

Gallwch wneud cais am ystafell yn llety'r ar ôl i chi dderbyn cynnig i astudio yma.

Gallwch wneud hynny drwy system ar-lein Prifysgol Caerdydd (SIMS). Bydd angen eich enw defnyddiwr a'ch cyfrinair arnoch. Cafodd y rhain eu hanfon atoch drwy ebost yn fuan wedi i ni gael eich cais.

Gwnewch gais ar-lein

Ymgeiswyr cadarn a chyfnewid ar gyfer y sesiwn llawn - bydd ceisiadau’n agor ym mis Chwefror 2025.

I wneud yn siŵr eich bod yn cael ystafell sengl yn llety'r, mae’n rhaid i chi wneud y canlynol:

• cyflwyno eich cais ar-lein erbyn 25 Gorffennaf 2025

• cael/derbyn cynnig diamod i astudio yma erbyn dydd Gwener, 29 Awst 2025

Ymgeiswyr am le wrth gefn - ceisiadau’n agor ddydd Iau 14 Awst 2025.

I wneud yn siŵr eich bod yn cael ystafell sengl mewn llety, mae’n rhaid i chi wneud y canlynol:

• cyflwyno'ch cais ar-lein erbyn dydd Mercher 20 Awst 2025

Wrth wneud cais ar-lein, byddwch yn gallu rhoi’r llety sydd ar gael yn nhrefn yr hyn sydd orau gennych. Byddwn yn gwneud pob ymdrech i sicrhau eich bod yn cael ystafell yn un o’r preswylfeydd sydd orau gennych. Os na fydd hynny'n bosibl, byddwn yn cynnig ystafell i chi mewn preswylfa arall, gan ddibynnu ar yr hyn sydd ar gael.

• Sylwer: Os bydd eich cais ar-lein yn dod i law ar ôl y dyddiad cau, neu os byddwch yn cael/derbyn cynnig diamod i astudio yma ar ôl dydd Gwener, 29 Awst 2025, byddwn yn gwneud ein gorau i sicrhau ystafell ar eich cyfer, ar sail y cyntaf i'r felin.

Trefn prosesu ceisiadau

Caiff ceisiadau eu prosesu mewn trefn gronolegol, yn unol â dau ddyddiad:

• y cyntaf yw'r dyddiad y cawn gadarnhad gan y Tîm Derbyn Myfyrwyr eich bod wedi derbyn y cynnig diamod i astudio
• yr ail yw dyddiad y daw eich cais i law

Byddwn yn ceisio cynnig ystafell i chi yn un o'r preswylfeydd sy’n well gennych.

Os na fydd ystafell ar gael yn eich dewis cyntaf o breswylfa, byddwn yn ystyried eich holl ddewisiadau eraill yn ôl trefn blaenoriaeth, hyd nes y byddwn yn gallu dod o hyd i ystafell i chi.

Gan fod y preswylfeydd yn amrywio o ran nifer y myfyrwyr sy'n gallu byw ynddynt, a bod rhai yn fwy poblogaidd nag eraill, ni ellir gwarantu ystafell i chi yn y preswylfeydd sy’n well gennych. Os nad yw'r breswylfa sydd orau gennych ar gael mwyach, byddwn yn cynnig ystafell i chi mewn preswylfa arall sy’n addas yn ein barn ni.

Ein polisi yw lletya myfyrwyr mewn fflatiau cymysg o ran rhyw a chenedligrwydd/hil lle bynnag y bo modd, gan gynnwys ystafelloedd gwely ar y llawr gwaelod. Os byddai'n well gennych fyw mewn fflat un-rhyw, rhowch wybod i ni yn wrth wneud eich cais ar-lein.

Os byddwch chi’n byw mewn llety Unite, bydd eich contract gyda nhw. Byddwch chi’n derbyn rhagor o wybodaeth gan Unite yn uniongyrchol ynghylch sut i dderbyn yr ystafell a gynigiwyd i chi.

Ddiwedd mis Gorffennaf/Awst/Medi, byddwch yn cael ebost yn rhoi gwybod i chi fod eich cais wedi’i brosesu a bod angen i chi fwrw golwg ar yr ystafell a gynigiwyd i chi a’i derbyn.

Mae’n rhaid i chi dderbyn yr ystafell a gynigiwyd i chi ymhen pum diwrnod. Os na wnewch hynny, bydd yn cael ei chynnig i fyfyriwr arall. Felly, mae’n bwysig eich bod yn cadw llygad ar eich ebyst yn ystod y cyfnod hwn.

Gall rhai darparwyr cyfrifon ebost ystyried y neges yn sbam. Felly, cofiwch edrych yn eich ffolder sothach/sbam yn ogystal â’ch mewnflwch.

Mae y cynnig yn cynnwys y wybodaeth ganlynol:

• cytundeb
• datganiad ysgrifenedig/telerau ac amodau
• gwybodaeth ynghylch cyrraedd
• canllawiau talu am lety

Wrth dderbyn yr ystafell a gynigiwyd i chi / contract llety, gofynnir i chi gadarnhau nad oes gennych euogfarn droseddol berthnasol sydd heb ddarfod lle mae cyfyngiadau ar waith a all eich atal rhag byw yn llety'r Brifysgol. Cysylltwch â ni os oes gennych euogfarn droseddol o’r fath. I gael rhagor o wybodaeth am sut rydym yn prosesu eich data, darllenwch yr hysbysiad preifatrwydd i fyfyrwyr.

Unwaith y byddwch wedi derbyn yr ystafell a gynigiwyd i chi, byddwn yn ei chadw ar eich cyfer, a byddwch yn cael ebost yn cadarnhau hynny.

Byddwn yn cynnig ystafell i chi am gyfnod penodol, ac ar ôl i chi dderbyn yr ystafell honno, chi fydd yn gyfrifol am dalu'r rhent am y cyfnod a nodir yn eich cytundeb.

Os byddwch chi’n byw mewn llety Unite, cewch ragor o wybodaeth yn uniongyrchol gan Unite ynglŷn â chyrraedd eich llety.

Er mwyn gwarantu eich ystafell yn llety'r yn derfynol, mae’n rhaid i chi gyrraedd a chasglu’r allwedd ar gyfer eich ystafell o fewn y cyfnod amser a nodir yn y wybodaeth am gyrraedd.

Os na allwch gyrraedd o fewn y cyfnod amser a nodir, bydd eich ystafell yn cael ei rhoi i fyfyriwr arall. Ni fyddwn yn gallu gwarantu ystafell i chi yn llety'r mwyach, a bydd angen i chi gysylltu â'r Swyddfa Preswylfeydd pan fydd eich dyddiad teithio wedi'i gadarnhau i weld pa ystafelloedd sydd ar gael.