Gwell dealltwriaeth o'r byd trwy lenyddiaeth
Mae Oliver bob amser wedi bod yn angerddol am straeon a'r ffordd maen nhw'n siapio ein dealltwriaeth o'r byd, felly roedd plymio i lenyddiaeth yn llwybr naturiol iddo.
Mae Oliver yn credu mai’r allwedd i ddeall y byd yw edrych ar y gorffennol drwy lenyddiaeth, ac mae’n credu bod dadansoddi digwyddiadau’r gorffennol yn gallu bwrw goleuni angenrheidiol ar faterion byd-eang presennol.
Mae’n dweud bod llenyddiaeth yn gyfrwng pwerus iawn i’ch galluogi i archwilio gwahanol safbwyntiau a syniadau – a dyna’n union pam ddewisodd ddilyn ei angerdd am straeon ac astudio Llenyddiaeth Saesneg ym Mhrifysgol Caerdydd.
Yn ogystal â’i alluogi i fynd i’r afael ag amrywiaeth o syniadau, safbwyntiau a digwyddiadau, helpodd ei gyfnod yn y brifysgol iddo ddysgu mwy am ei hun hefyd wrth fod ymhlith cyfoedion sy’n rhannu’r un diddordebau a datblygu cymuned graidd drwy ddysgu a chymdeithasu.
“Drwy ddysgu o’r gorffennol a rhannu gwahanol safbwyntiau, gallwn wneud penderfyniadau mwy gwybodus ynghylch beth i’w wneud nesaf.”
Mae astudio llenyddiaeth wir wedi fy ngwneud i’n fwy hunanymwybodol, ac yn fwy ymwybodol o’r hyn rwy’n ei ddarllen: yr hyn rwy’n ei gymryd i mewn a pha ffynonellau i ymddiried ynddyn nhw.
Gyda’n gilydd, gallwn ddeall y byd yn well drwy lenyddiaeth
Beth wnaeth dy ysbrydoli i astudio Llenyddiaeth Saesneg?
Rwy’n credu bod llenyddiaeth yn gyfrwng pwerus iawn – mae’n eich galluogi i archwilio gwahanol safbwyntiau a syniadau. Roedd dod o dre fach lle nad oedd llawer o bobl yn rhannu fy niddordeb mewn llenyddiaeth, a chyrraedd Caerdydd a chael fy amgylchynu gan bobl o’r un anian â fi, yn anhygoel. Roedd hi’n wych cael cysylltu gydag eraill oedd yr un mor angerddol â fi.
Sut mae dy amser yng Nghaerdydd wedi dy siapio di?
Drwy gael fy amgylchynu gan bobl â diddordebau tebyg i fi, helpodd fi i ddysgu mwy amdana i fy hun — beth rwy’n ei hoffi, nad ydw i’n ei hoffi, a’r math o berson hoffwn fod wrth symud ymlaen. Mae Caerdydd yn ddinas fach, felly rydych chi’n gweld wynebau cyfarwydd o hyd, sy’n atgyfnerthu pwysigrwydd bod yn ddilys ac yn driw i’ch hun. Mae astudio llenyddiaeth, yn benodol, wir wedi fy ngwneud i’n fwy hunanymwybodol, ac yn fwy ymwybodol o’r hyn rwy’n ei ddarllen: beth rwy’n ei gymryd i mewn a pha ffynonellau i ymddiried ynddyn nhw.
Sonia fwy wrthon ni am brofiad cofiadwy yng Nghaerdydd.
Roedd gweithio ar brosiectau grŵp yn fy nghyrsiau llenyddiaeth yn hynod werthfawr. Bydden ni’n cael ein rhannu yn grwpiau ac yn cael y dasg o ddadansoddi testun trwm, gyda phob un ohonon ni’n canolbwyntio ar wahanol themâu. Roedd yn brofiad newydd i fi gan mai astudio’n annibynnol ro’n i wedi’i wneud yn bennaf cyn hyn. Gwnaeth cydweithio gydag eraill a chlywed eu dehongliadau wir agor fy llygaid i wahanol safbwyntiau y gallwn i fod wedi’u methu ar fy mhen fy hun. Hefyd, roedd bod yn rhan o Gymdeithas Pêl-droed Llenyddiaeth Saesneg yn wych — efallai na enillon ni lawer o gemau, ond roedd y cyfeillgarwch yn amhrisiadwy.
Yn olaf, sut wyt ti’n teimlo am y syniad ‘gyda’n gilydd, gallwn’ wneud gwahaniaeth?
Rwy’n credu gyda’n gilydd, gallwn ddeall y byd drwy lenyddiaeth. Mae astudio Saesneg wedi dangos i fi sut mae hanes yn dueddol o ailadrodd ei hun, a gall deall digwyddiadau’r gorffennol drwy lenyddiaeth fwrw goleuni ar faterion byd-eang presennol. Drwy ddysgu o’r gorffennol a rhannu gwahanol safbwyntiau, gallwn wneud penderfyniadau mwy gwybodus ynghylch beth i’w wneud nesaf.
“Mae astudio llenyddiaeth wir wedi fy ngwneud i’n fwy hunanymwybodol, ac yn fwy ymwybodol o’r hyn rwy’n ei ddarllen: yr hyn rwy’n ei gymryd i mewn a pha ffynonellau i ymddiried ynddyn nhw.”
Darllenwch fwy o straeon fel stori Oliver
Mae ein graddedigion yn unfarn unllais ar y weledigaeth at y dyfodol. O harneisio ein sgiliau, ein dysg a’n safbwyntiau amrywiol, gallwn greu newid cadarnhaol, arloesi a chreu byd gwell i genedlaethau’r dyfodol. Mae graddedigion 2024 yn dweud eu dweud wrthon ni.
“Roedd Caerdydd yn sefyll allan gan ei bod yn cynnig cydbwysedd gwych rhwng trylwyredd academaidd a bywyd yn y ddinas.”
Mae Nihad a Saleh ill dau yn entrepreneuriaid uchelgeisiol sy'n credu bod busnes moesegol yn sbardun allweddol i newid yn y byd – ac mae rheoli arian ac adnoddau yn effeithiol yn chwarae rhan hanfodol mewn cymdeithas.