HateLab: Atal nifer cynyddol y troseddau a’r sarhadau casineb
Dylanwadu ar bolisïau a phlismona trwy fesur casineb ar y we ynghyd â throseddau casineb, a chymryd camau yn eu herbyn.
Mae mwy o droseddau casineb nag erioed yn cael eu cofnodi yng Nghymru a Lloegr, er gwaetha’r ffaith nad yw ehangder y broblem yn eglur am fod y rhan fwyaf o achosion heb eu cofnodi.
Deall faint o gasineb sydd ar led
Mae’r labordy’n defnyddio amryw ddulliau ar gyfer ei ymchwil, megis holiaduron a dysgu peiriannol, i hel tystiolaeth o gasineb ar y we a’r tu allan iddi yng Nghymru, y DU ehangach a’r tu hwnt.
Prosiect Troseddau Casineb Cymru Gyfan, y prosiect cyntaf o'i fath yn y DU, oedd sylfaen rhaglen ymchwil y labordy, a dyma’r astudiaeth fwyaf cynhwysfawr o droseddau casineb yn y DU.
- Wedi holi 2,000 o bobl.
- Wedi cyfweld â 60 o ddioddefwyr.
- Wedi ymgysylltu â 5,000 o ddinasyddion.
Mae HateLab Prifysgol Caerdydd, canolfan fyd-eang ar gyfer data a doethineb ynghylch geiriau a throseddau casineb, wedi bod yn helpu heddluoedd, llywodraethau a mudiadau’r gymdeithas sifil i fynd i’r afael â throseddau casineb ar y we a’r tu allan iddi.
Mae Llywodraeth Cymru wedi defnyddio tystiolaeth o’r labordy i greu fframwaith trechu troseddau casineb ar gyfer Canolfan Genedlaethol y Troseddau Casineb Ar-lein a mudiadau’r gymdeithas sifil fel y gall yr heddluoedd a’u gweithwyr cynorthwyol fynd i’r afael â geiriau sarhaus ar y we.
Adnabod a monitro geiriau casineb ar-lein
Ar y cyd â'r Athro Pete Burnap (Ysgol Cyfrifiadureg a Gwybodeg Prifysgol Caerdydd), lluniodd yr Athro Matthew Williams Ddangosfwrdd HateLab yn 2017. Trwy gyfuno modelu ystadegol â dysgu peiriannol i ymdopi â data digynsail o gyfryngau cymdeithasol, llwyddon nhw i sefydlu cronfa dystiolaeth gyntaf y DU ynghylch casineb ar y we ac olrhain sylwadau sarhaus yn ddiymdroi.
Diben y teclyn oedd hwyluso ymatebion diymdroi i gasineb ar y we, gan gynnwys targedu’r rhai oedd yn amlygu casineb dro ar ôl tro ac osgoi troseddau casineb ar y strydoedd. Mae data’r dangosfwrdd wedi galluogi’r awdurdodau i ymateb yn gyflymach, cynorthwyo’r dioddefwyr yn well a dyrannu adnoddau’n well.
Mynd i'r afael â geiriau casineb ar-lein
Mae’r labordy wedi cyfleu darlun cywir o droseddau casineb yng Nghymru a geiriau casineb ar y we.
Tystiolaeth o’r labordy oedd prif ffynhonnell Fframwaith Gweithredu Trechu Troseddau Casineb Llywodraeth Cymru yn 2014 a roes i heddluoedd, awdurdodau lleol a chymdeithasau tai Cymru ffordd effeithiol o ymateb i gasineb.
Mae technolegau’r labordy yng Nghanolfan Genedlaethol Troseddau Casineb Ar-lein Cyngor Penaethiaid yr Heddluoedd, hefyd. Yn rhinwedd ei diben yn ddolen gyswllt i ddioddefwyr casineb ar-lein, mae’r ganolfan yn defnyddio’r dangosfwrdd i baratoi gwybodaeth i’r heddluoedd ac uwch weision sifil.
Enillodd y labordy wobr Cymru Ddigidol yn 2019 am y defnydd gorau o dechnoleg newydd ac, yn 2020, soniodd Twitter am ei ‘lwyddiant’ ar ei wefan.
Yn y cyfryngau
Cyhoeddodd The Guardian yr erthygl 'Meet the man who won't let the haters win' am waith yr Athro Williams.
Meet the team
Publications
- Ozalp, S. et al. 2020. Antisemitism on twitter: collective efficacy and the role of community organisations in challenging online hate speech. Social Media and Society 6 (2), pp.1-20. (10.1177/2056305120916850)
- Williams, M. L. et al. 2020. Hate in the machine: anti-black and anti-Muslim social media posts as predictors of offline racially and religiously aggravated crime. British Journal of Criminology 60 (1), pp.93-117. (10.1093/bjc/azz049)
- Williams, M. L. and Burnap, P. 2016. Cyberhate on social media in the aftermath of Woolwich: a case study in computational criminology and big data. British Journal of Criminology 56 (2), pp.211-238. (10.1093/bjc/azv059)
- Burnap, P. and Williams, M. L. 2015. Cyber hate speech on Twitter: An application of machine classification and statistical modeling for policy and decision making. Policy & Internet 7 (2), pp.223-242. (10.1002/poi3.85)
- Williams, M. L. and Tregidga, J. 2014. Hate crime victimization in Wales: psychological and physical impacts across seven hate crime victim types. British Journal of Criminology 54 (5), pp.946-967. (10.1093/bjc/azu043)
- Burnap, P. et al. 2014. Tweeting the terror: modelling the social media reaction to the Woolwich terrorist attack. Social Network Analysis and Mining 4 206. (10.1007/s13278-014-0206-4)