Cymdeithaseg

Cwestiwn canolog Cymdeithaseg yw: sut mae bywyd cymdeithasol yn bosibl?

Trwy feithrin rhywbeth o'r enw 'dychymyg cymdeithasegol', mae ein gradd yn cynnig ffordd i fyfyrwyr asesu'n feirniadol y ffordd y mae bywyd cymdeithasol yn cael ei drefnu a'i batrymu, a'r syniadau, y credoau a'r dyheadau sy'n llunio'r byd yr ydym yn byw ynddo.

Drwy astudio cymdeithaseg yng Nghaerdydd, byddwch yn cael eich addysgu gan arbenigwyr blaenllaw yn eu meysydd ymchwilio. Mae ein harbenigeddau ymchwil yn cynnwys cymdeithaseg gwyddoniaeth a thechnoleg, anableddau a stigma, iechyd, salwch a'r corff, yn ogystal â rhywedd a rhywioldeb, dosbarth cymdeithasol, ethnomethodoleg, a mwy.