Ewch i’r prif gynnwys

Trawsnewid diwylliant ymchwil

Rydym yn buddsoddi yn y gwaith o adeiladu diwylliant ymchwil cadarnhaol sy'n seiliedig ar werthoedd.

Bydd ein diwylliant ymchwil yn creu amgylchedd lle gall pawb ffynnu, a lle gall ymchwilwyr wneud ymchwil rhagorol.

Cydrannau allweddol

Mae Diwylliant Ymchwil yn cwmpasu ymddygiad, gwerthoedd, disgwyliadau, agweddau a normau ein cymunedau ymchwil, sy’n cynnwys y canlynol:

  • staff academaidd sy'n gyfrifol am ymchwil ac ysgolheictod
  • ymchwilwyr ôl-raddedig
  • arbenigwyr sy'n ysgogi gweithgaredd ymchwil gan gynnwys arbenigwyr technegol, pynciol ac yn y gwasanaethau proffesiynol ac gweinyddol

Mae diwylliant ymchwil yn ymdrin ag ystod o faterion sy'n llunio cyd-destun ymchwil, sy’n cynnwys y canlynol:

  • cydraddoldeb, amrywiaeth, cynhwysiant a gwrth-hiliaeth
  • diogelwch swyddi a datblygiad gyrfaol
  • asesu ymchwil yn gyfrifol
  • cydnabod pwysigrwydd lles a chyfraniad pawb yn y gymuned ymchwil
  • ymchwil agored
  • uniondeb a moeseg
  • cydweithredu, colegoldeb, rhyngddisgyblaethedd a chynhyrchu ar y cyd

Ein gweledigaeth

Ein gweledigaeth ar gyfer diwylliant ymchwil cadarnhaol yw cyd-destun sy'n cael ei arwain gan werthoedd ac sy'n gefnogol, yn gydweithredol, yn greadigol, yn agored, yn gynhwysol, yn parchu pawb, yn deg ac yn seiliedig ar uniondeb.

Er mwyn cyflawni'r weledigaeth hon, roedden ni eisiau cynllun gweithredu ar gyfer diwylliant ymchwil dan arweiniad tystiolaeth i’r Brifysgol gyfan ac a fyddai’n ystyried ein cyd-destunau penodol ac yn seiliedig ar brofiadau a barn ein staff.

Comisiynwyd yr arolwg cyntaf o ddiwylliant ymchwil i gasglu barn y gymuned, ac aethom ati i gyhoeddi’r canfyddiadau ym mis Medi 2023. Ein nod yw ailadrodd yr arolwg bob yn dair blynedd er mwyn sicrhau gwelliannau parhaus a bod profiadau ein cydweithwyr yn parhau i lywio ein gweithgarwch.

Cynllun Gweithredu Diwylliant Ymchwil 2024-2026

Mae'r cynllun hwn, sy’n tynnu ar ddadansoddiad o ddata’r arolwg diwylliant ymchwil, yn dangos blaenoriaethau Prifysgol Caerdydd sy'n seiliedig ar dystiolaeth, a hynny er mwyn datblygu diwylliant ymchwil yn y sefydliad. Yn sail i gynllun y diwylliant ymchwil mae’r awydd i'r sefydliad ddod yn gynaliadwy yn ariannol a dyma flaenoriaeth allweddol yn Strategaeth Prifysgol Caerdydd.

Rhennir ein blaenoriaethau yn y pum maes canlynol.

  1. Cefnogi a diogelu amser ymchwil drwy chwilio am effeithlonrwydd yn ein gweithgarwch ac ymdrechu i sicrhau lefelau uwch o amser cyffiniol at ddibenion ymchwil pan fo hynny'n bosibl.
  2. Hyrwyddo arferion cadarnhaol yn yr ysgolion/canolfannau/sefydliadau drwy rannu’r arferion gorau yn rheolaidd a chefnogi’r gwaith o ymgysylltu â'r gymuned ehangach.
  3. Datblygu cynlluniau peilot ym maes arferion ymchwil cadarnhaol drwy ddod o hyd i’r arferion gorau sy’n arwain sectorau mewn lleoedd eraill.
  4. Defnyddio datblygiad Gwasanaeth Ymchwil y Dyfodol i ehangu effeithlonrwydd mewn prosesau sy'n gysylltiedig ag ymchwil, megis adolygu moeseg Ysgolion, Ymchwil Agored a meysydd eraill.
  1. Datblygu mecanweithiau sy’n creu twf diwylliannol a deallusol yn sgil ymdrin yn barhaus â phobl y tu hwnt i gymunedau cyfredol sy’n perthyn i ddisgyblaethau penodol.
  2. Cefnogi ymgysylltu allanol gan ymchwilwyr er mwyn iddynt ddatblygu eu sgiliau a gwella’r cyfleoedd i bartneru er mwyn creu ymchwil ac arloesi ar y cyd.
  3. Hyrwyddo Ymchwil Agored i sicrhau bod modd cyrchu ein hymchwil a’i bod yn ddealladwy, yn atgynhyrchadwy ac yn dryloyw i annog y broses o ymgysylltu â'r gynulleidfa ehangaf bosibl.
  4. Creu cynllun cyfathrebu ym maes diwylliant ymchwil i ledaenu gwaith y Brifysgol yn effeithiol gyda'r nod o wella diwylliant ymchwil yn fewnol ac yn allanol.
  5. Sicrhau bod ailddatblygu proffiliau staff ar y fewnrwyd a’r we yn cefnogi’r gallu i weld a darganfod cydweithwyr yn y Gwasanaethau Proffesiynol ac ymchwilwyr.
  1. Creu sianel ar gyfer yr holl ymchwilwyr a staff y Gwasanaethau Proffesiynol i gyfrannu syniadau ac arsylwadau ynghylch cyfleoedd i leihau biwrocratiaeth, mynd ati i ofyn am adborth a datblygu hyn i wella systemau.
  2. Gweithredu prosiect Gwasanaeth Ymchwil y Dyfodol i gefnogi’r gwaith o adnewyddu systemau, lleihau biwrocratiaeth a diwylliant ymddiriedaeth drwy barhau i ddatblygu a gweithio ar y cyd mewn partneriaeth.
  3. Sicrhau bod yr holl staff yn cael eu grymuso a'u cefnogi wrth godi materion sy'n ymwneud ag unrhyw agwedd ar ymddygiad amhriodol yn y gymuned ymchwil, gan gynnwys gwahaniaethu, bwlio ac aflonyddu, camymddwyn academaidd, gan ymgorffori hyn mewn partneriaeth â'r Tîm Cydraddoldeb, Amrywiaeth, Cynhwysiant a Gwrth-Hiliaeth pan fo hynny'n briodol.
  4. Sicrhau bod ymchwilwyr sy'n cael eu herio’n bersonol naill ai yn y gwaith neu o ganlyniad i'w hymchwil (e.e. pynciau sensitif) yn cael eu cefnogi'n briodol. Cynnig llwybrau a chyfrifoldebau clir mewn sefyllfaoedd gwahanol, gan gynnwys Strategaeth Lles y Staff 2024-27, a pholisïau uniondeb ymchwil a llywodraethu, ond heb fod yn gyfyngedig i’r rhain,
  5. Sicrhau tegwch mynediad at gyfleoedd hyfforddi o safon i'r holl staff sy'n ymwneud ag ymchwil.
  6. Defnyddio’r dysgu yn sgil gwerthuso Rhaglen Beilot Cynnau | Ignite i fireinio ymhellach ac ymgorffori arweinyddiaeth diwylliant ymchwil cadarnhaol ledled y cymunedau.
  7. Ymgorffori gwelliannau parhaus wrth ddatblygu’r diwylliant ymchwil drwy adolygu cynnydd yn rheolaidd sy'n cyd-fynd â'r cynllun gweithredu diwylliant ymchwil a gwneud addasiadau yn ôl yr angen.
  1. Sicrhau bod strategaethau, cynlluniau a blaenoriaethau ymchwil yr ysgolion yn cyfleu ac yn meithrin diwylliant ymchwil cadarnhaol sy'n gydweithredol, yn greadigol, yn agored, yn gynhwysol ac yn seiliedig ar uniondeb.
  2. Mynd i'r afael â’r rhwystrau systemig rhag cynyddu'r amrywiaeth a chynrychiolaeth yn y cymunedau ymchwil, gan weithio mewn partneriaeth â’r Tîm Cydraddoldeb, Amrywiaeth, Cynhwysiant pan fo hynny'n briodol.
  3. Cefnogi ac annog y gymuned ymchwil i ymgysylltu â datblygiad arferion gorau yn genedlaethol ac yn rhyngwladol sy'n ymwneud â chynwysoldeb a chyfle cyfartal, gan weithio mewn partneriaeth â’r Tîm Cydraddoldeb, Amrywiaeth, Cynhwysiant pan fo hynny'n briodol.
  4. Sicrhau bod y Strategaeth Ymchwil Ôl-raddedig a'r cynlluniau yn ymgorffori diwylliant ymchwil cynhwysol a chefnogol ar gyfer yr ymchwilwyr ôl-raddedig.
  5. Wrth i brosesau adnoddau dynol gael eu hadolygu, sicrhau bod yr effeithiau sy'n ymwneud â diwylliant ymchwil yn cael eu hystyried yn benodol wrth asesu unigolion, gan gynnwys gweithgarwch sy'n cyd-fynd â phrosesau recriwtio, prawf, yr ADP, hyrwyddo a gwneud penderfyniadau ynghylch y Fframwaith Rhagoriaeth Ymchwil (REF).
  6. Datblygu dulliau arloesol o werthfawrogi, cydnabod a gwobrwyo cydweithwyr o bob math o rôl a chyfnod ymchwil gyrfaol sy'n dangos diwylliant ymchwil cadarnhaol ledled y sefydliad ac yn arloesi yn hynny o beth.
  7. Ymestyn cyfranogiad a llais staff Ymchwil yn unig ac ymchwilwyr ar ddechrau eu gyrfa ar y llwybr Addysgu ac Ymchwil wrth ddatblygu polisi ymchwil, ar y cyd â chymunedau eraill.
  8. Hyrwyddo CRediT (Tacsonomeg Rolau sy’n Cyfrannu) pan fo hynny'n briodol a chynyddu ymwybyddiaeth ac annog pobl i gymryd rhan drwy gyfathrebu’n well.
  1. Ehangu ar y broses o ddatblygu llwybrau gyrfaol newydd y cytunwyd arnynt i dechnegwyr, a hynny er mwyn ystyried eu cysylltu â rolau eraill yn y gwasanaethau proffesiynol i gefnogi argymhellion adroddiad comisiwn TALENT.
  2. Drwy ddatblygu Gwasanaeth Ymchwil y Dyfodol, sicrhau disgrifyddion clir ar gyfer graddau staff yn y Gwasanaethau Proffesiynol sy'n ymwneud ag ymchwil, gan ddefnyddio enghraifft y disgrifiad diweddar newydd o ddilyniant graddau staff ymchwil.
  3. Adolygu’r arferion gorau yn y sector i sicrhau bod staff ymchwil yn camu ymlaen o raddau 5 i 7, gan gynnwys cysoni ag annibyniaeth a chymorth datblygu.
  4. Hybu cyfleoedd i bob aelod o’r gymuned ymchwil gael hyfforddiant a datblygu ei yrfa, gan gynnwys rolau ategol a symudedd o ran gyrfa, megis secondiadau a lleoliadau.
  5. Parhau i fonitro patrymau cyflogaeth ac ansefydlogrwydd contractau, gan geisio cynyddu sicrwydd contractau pryd bynnag y bo modd yng nghyd-destun cyfyngiadau cyllido ledled y sector.

Y Grŵp Datblygu Diwylliant Ymchwil sy’n gyfrifol am weithredu'r cynllun gweithredu ar gyfer ein diwylliant ymchwil. Cytunwyd ar ein cynnig cychwynnol i drawsnewid y diwylliant ymchwil ym mis Rhagfyr 2021 cyn yr arolwg cyntaf. Ceir detholiad o allbynnau a gyflawnwyd drwy'r cynllun cychwynnol hwn.

Manylion cyswllt

Hoffem glywed eich barn a'ch syniadau am newidiadau cadarnhaol ym maes diwylliant ymchwil. Os hoffech chi rannu unrhyw syniadau â ni, neu os hoffech chi gael rhagor o wybodaeth am ein gwaith ar ddiwylliant ymchwil, cysylltwch â: