Offer a chyfleusterau

Mae ein cyfleusterau yn denu academyddion blaenllaw o bob cwr o’r byd, ac yn eu galluogi i gyflawni eu huchelgais ym maes ymchwil.

Rydym yn buddsoddi’n sylweddol yn ein hystad bob blwyddyn i ddarparu cyfleusterau modern sydd ag adnoddau gwerth chweil. Mae ein rhaglen datblygu campws yn cynnwys gwaith yng nghampws newydd Parc Maendy. Mae Parc Maendy yn cael ei ddatblygu yn benodol i fod yn gartref i’n Canolfannau a’n Sefydliadau Ymchwil, a bydd yn cynnig adnoddau rhagorol ar gyfer ymchwil rhyngddisgyblaethol.

Cafodd yr adeilad cyntaf ar y campws newydd, sef adeilad Hadyn Ellis a oedd werth £30m, ei gwblhau yn 2013. Mae'n cynnig cyfleusterau datblygedig iawn ar gyfer ein timau ymchwil sydd gyda’r gorau yn y byd.

Mae'r rhaglen hefyd yn cynnwys yr Adeilad Cochrane newydd ar gampws Parc y Mynydd Bychan, a fydd yn cynnig gwell cyfleusterau ar gyfer y pum Ysgol Gofal Iechyd, ac estyniad gwerth £4m i’r Ysgol Biowyddorau.

Rhannu adnoddau

Fel rhan o bartneriaeth GW4, rydym yn gweithio gyda Phrifysgol Caerfaddon, Prifysgol Bryste a Phrifysgol Caerwysg i sicrhau bod ein hoffer ymchwil yn fwy gweladwy ac yn haws ei rannu.

Mae gwefan offer GW4 yn galluogi staff academaidd a thechnegol i chwilio am ddarnau mwy o offer ymchwil sy’n eiddo i brifysgolion GW4.

Yn ogystal â hynny, mae gennym ein cronfa ddata ein hunain o offer ymchwil yr holl Brifysgol ar gyfer offer llai.