Cysylltiadau ymchwil strategol

Mae datblygu cysylltiadau gyda chyrff academaidd eraill, diwydiant a'r llywodraeth yn hanfodol i ni wireddu ein huchelgais ymchwil.

Mae'r cysylltiadau hyn yn caniatáu i ni gyfuno arbenigedd ategol, cynyddu ein gallu ymchwil a'n helpu ni i ddefnyddio syniadau gwreiddiol i greu effaith yn y byd real. Maen nhw hefyd yn cynnig cyfleoedd cyffrous ar draws sefydliadau a ffrydiau cyllid amgen i academyddion.

GW4

Llywodraeth Cymru

Mae gennym ni gyswllt agos â Llywodraeth Cymru. Mae hyn yn cynnwys bod yn rhan o raglen Sêr Cymru. O fewn y rhaglen hon, ni sy'n arwain Rhwydwaith Ymchwil Gwyddorau Bywyd Cymru.

Nod y rhwydwaith yw datblygu gwyddoniaeth sy'n arwain at driniaethau newydd mewn meysydd o angen meddygol sydd heb eu diwallu. Rydym ni hefyd yn ymwneud â gweithgareddau'n gysylltiedig â'r rhaglen Cydgyfeiriant newydd a gyllidir gan yr UE.

Prifysgolion Cymru

Rydym ni'n cydweithio'n agos gydag Prifysgolion Cymru sy'n cynrychioli buddiannau prifysgolion yng Nghymru. Mae hefyd yn Gyngor Cenedlaethol i Brifysgolion y DU.

Academia Europaea

Mae Hyb Gwybodaeth Academia Europaea a leolir ym Mhrifysgol Caerdydd yn un o saith a gynhelir ledled Ewrop.

Nod yr Hyb yw cyfeirio at ragoriaeth academaidd ledled y DU a Gweriniaeth Iwerddon ac annog cydweithredu ar draws yr Academi. Mae hefyd yn chwarae rhan fawr wrth ddarparu tystiolaeth wyddonol ar gyfer llunio polisïau yn Ewrop, yn ogystal â hyrwyddo cydraddoldeb rhywiol mewn ymchwil ac arloesedd.