Canlyniadau REF 2014

Roedd Prifysgol Caerdydd yn 5ed yn Fframwaith Rhagoriaeth Ymchwil (REF) 2014 yn seiliedig ar ansawdd ein hymchwil.

Fe wnaethom godi 17 safle ar y mesur ansawdd, gan olygu mai ni oedd y sefydliad a gododd gyflymaf ymhlith prifysgolion ymchwil blaenllaw Grŵp Russell.

Am y tro cyntaf yn 2014, fe geisiodd y cynghorau ariannu fesur effaith ein gwaith ymchwil, ac fe gyrhaeddodd y Brifysgol yr 2il safle yn y DU.

Fe aseswyd bod 87% o'n gwaith ymchwil o'r radd flaenaf neu'n rhagorol ar lefel ryngwladol.

Uchafbwyntiau

Roedd rhai o'n huchafbwyntiau o REF 2014 yn cynnwys:

• Peirianneg Sifil ac Adeiladu - 1af yn y Deyrnas Unedig o ran ansawdd. Fe aseswyd bod 97% o'r ymchwil a gyflwynwyd o'r radd flaenaf neu o ansawdd ragorol ar lefel ryngwladol. Fe gafodd ei gwaith ymchwil rhagorol sgôr o 100% o ran ei effaith.
• Seicoleg, Seiciatreg a Niwrwyddoniaeth - 2il yn y Deyrnas Unedig o ran ansawdd. Fe aseswyd bod 92% o'r ymchwil a gyflwynwyd o'r radd flaenaf neu o ansawdd ragorol ar lefel ryngwladol. Cafodd ei gwaith ymchwil rhagorol sgôr o 90% o ran ei effaith.
• Astudiaethau Cyfathrebu, Diwylliant a’r Cyfryngau - 2il yn y Deyrnas Unedig o ran ansawdd. Fe aseswyd bod 89% o'r ymchwil a gyflwynwyd o'r radd flaenaf neu o ansawdd ragorol ar lefel ryngwladol. Fe gafodd ei gwaith ymchwil sgôr o 100% o ran ei effaith.
• Cymdeithaseg - 3ydd yn y DU. Fe aseswyd bod 80% o’r ymchwil a gyflwynwyd yn ‘rhagorol’ am ei heffaith o ran ei chyrhaeddiad a’i dylanwad.
• Addysg - cydradd 5ed yn y DU. Fe aseswyd bod 100% o’r amgylchedd ymchwil yn helpu i gynhyrchu ymchwil o’r radd flaenaf o ran ei bywiogrwydd a’i chynaliadwyedd.
• Proffesiynau Iechyd Perthynol, Deintyddiaeth, Nyrsio a Fferylliaeth - cydradd 4ydd yn y Deyrnas Unedig o ran ansawdd. Fe aseswyd bod 94% o'r ymchwil a gyflwynwyd o'r radd flaenaf neu o ansawdd ragorol ar lefel ryngwladol. Fe gafodd ei gwaith ymchwil rhagorol sgôr o 90% o ran ei effaith.
• Ieithoedd Modern ac Ieithyddiaeth - 1af yn y Deyrnas Unedig o ran effaith. Fe aseswyd bod 84% o'r ymchwil a gyflwynwyd o'r radd flaenaf neu o ansawdd ragorol ar lefel ryngwladol. Fe gafodd ei gwaith ymchwil rhagorol sgôr o 100% o ran ei effaith.