Rydym yn cydweithio â Chydlynydd Epidemioleg Deintyddol Cymru, Gwasanaethau Deintyddol Cymunedol a Llywodraeth Cymru i gynnal yr arolygon.

Mae’r dull tîm integredig hwn yn sicrhau bod y safonau sicrhau ansawdd uchaf yn cael eu cyflawni yn y rhaglen epidemioleg plentyndod.

Amcanion

Mae ein huned yn darparu’r canlynol ar ran Llywodraeth Cymru, wedi’u comisiynu drwy Iechyd Cyhoeddus Cymru:

• cyngor proffesiynol annibynnol
• sicrhau ansawdd
• glanhau data
• dilysu data
• dadansoddi data
• gwasanaeth adrodd

Prosiectau

Rhaglen epidemioleg geneuol

Mae arolygu iechyd y geg plant ac oedolion yn helpu i lywio’r gwaith o gynllunio a gwerthuso gwasanaethau.

Mae’r arolygon rydym yn eu cefnogi yn gymaradwy ledled Cymru ag arolygon blaenorol diweddar ac ardaloedd eraill o’r DU lle mae arolygon tebyg yn cael eu cynnal trwy ddilyn canllawiau’r Gymdeithas Brydeinig ar gyfer Astudio Deintyddiaeth Gymunedol (BASCD).

Arolwg o blant blwyddyn un

Casglodd arolwg Cymru gyfan 2022/23 ddata clinigol ar nifer yr achosion o bydredd mewn sampl o blant ysgol blwyddyn un o bob rhan o Gymru, a difrifoldeb yr achosion hyn, rhwng hydref 2022 a gwanwyn 2023:

Cynhaliwyd arolwg hefyd yn 2015/16, a cheir rhagor o wybodaeth am hyn isod:

Arolwg o blant blwyddyn saith

Mae cynlluniau ar y gweill ar hyn o bryd ar gyfer yr arolwg iechyd y geg Cymru gyfan nesaf a fydd yn canolbwyntio ar blant ym mlwyddyn saith mewn ysgolion canol neu uwchradd ledled Cymru, rhwng hydref 2023 a gwanwyn 2024.

Cynhaliwyd arolwg hefyd yn 2016/17, a cheir rhagor o wybodaeth am hyn isod:

Adroddiadau blynyddol wedi'u harchifo

Adroddiadau blynyddol y rhaglen epidemioleg geneuol

Proffiliau iechyd y geg Byrddau Iechyd 2014

Gwnaethom baratoi proffiliau ar gyfer data iechyd y geg plant ym mlwyddyn ysgol un ym mhob Bwrdd Iechyd Lleol yng Nghymru. Gwnaethom gymharu canlyniadau arolygon a gwblhawyd yn 2007/2008 a 2011/2012:

Proffiliau iechyd y geg Byrddau Iechyd 2012

Mae’r proffiliau iechyd y geg hyn yn rhoi trosolwg o iechyd y geg ar gyfer y saith bwrdd iechyd lleol ledled Cymru.

Maent yn cynnwys tueddiadau mewn clefyd y geg a phydredd dannedd ymhlith plant 5-12 oed, anghydraddoldebau o ran iechyd y geg ymhlith plant, Cynllun Gwên, iechyd y geg mewn oedolion a'r defnydd presennol o wasanaethau mewn perthynas ag angen.

Adroddiadau monitro blynyddol y Cynllun Gwên

Arolwg Deintyddol Cartrefi Gofal Cymru

Dilynodd arolwg 2010-2011 o breswylwyr cartrefi gofal yng Nghymru arolwg 2006-2007 o reolwyr cartrefi gofal drwy archwilio sampl o breswylwyr i gael data ar nifer yr achosion o glefydau deintyddol, y mathau o ymyriadau y gallent elwa arnynt a’r anawsterau o ran darparu’r gofal deintyddol sydd ei angen.

Fe'i cynlluniwyd i fod yn arolwg atodol i'r Arolwg Iechyd Deintyddol Oedolion Cenedlaethol (ADHS) 2009 a, lle bynnag y bo'n bosibl, defnyddiodd yr un meini prawf methodolegol.

Diben yr adroddiad yw cefnogi byrddau iechyd lleol yng Nghymru i ddefnyddio gwybodaeth o'r arolwg i gynllunio’r ddarpariaeth gwasanaethau deintyddol.