Mae'r fforwm yn rhoi cyfle i academyddion o'r adran Logisteg a Rheoli Gweithrediadau (LOM) i ddod ynghyd â'i gilydd, a chyda phartneriaid mewnol ac allanol i archwilio heriau mawr yn y dyfodol, ac i sicrhau bod sefydliadau o wahanol sectorau a diwydiannau yn blaenoriaethu rheoli'r gadwyn gyflenwi gynaliadwy a chyfrifol.
Amcanion
- cydgysylltu â grwpiau cynaliadwyedd eraill o fewn y brifysgol (e.e. Llefydd Cynaliadwy)
- cynnal gweithdai hanner diwrnod ar gyfer academyddion ac ymarferwyr (e.e. caethwasiaeth fodern, caffael cyhoeddus)
- PhD Sustainability SIG - digwyddiadau arbennig i fyfyrwyr PhD i annog cydweithio â myfyrwyr PhD o'r tu allan i Brifysgol Caerdydd.
- Cydweithrediadau rhwng prifysgolion y DU ac Ewrop (e.e. Caerfaddon, Bryste, Lerpwl, Nottingham, Politecnico Di Milano)
- gwahodd siaradwyr o newyddiaduron – Golygyddion a Golygyddion Gwadd o rifynnau arbennig am faterion cynaliadwyedd
- cydweithio ar gyfleoedd ariannu e.e. prosiectau sy'n gysylltiedig â chaffael Comisiynydd Cenedlaethau'r Dyfodol
Ymchwil
Mae'r adran LOM yn cynnal ystod eang o ymchwil rheoli cadwyn gyflenwi gynaliadwy (SSCM), gyda thua hanner yr holl staff LOM yn gwneud ymchwil sy'n gysylltiedig â SSCM.
Mae SSCM yn ymwneud â gweithredu nodau cynaliadwyedd yn y gadwyn gyflenwi. Credir bod gan SSCM dair colofn, lle mae'r nodau economaidd yn y gadwyn gyflenwi yn cael eu cydbwyso â nodau cymdeithasol ac amgylcheddol. Mae hefyd yn cynnwys ystod eang o bynciau megis materion cymdeithasol a moesegol mewn cadwyni cyflenwi, caethwasiaeth fodern, masnach deg, talu cyflog byw, prynu gan fusnesau bach a mentrau cymdeithasol, a chynwysoldeb, amrywiaeth a materion diwylliannol mewn cadwyni cyflenwi.
Gall gynnwys ymchwil yn y sector cyhoeddus a'r trydydd sector, megis caffael cyhoeddus cynaliadwy, a manteision cymunedol ym maes caffael cyhoeddus cymdeithasol. Mae hefyd yn cynnwys materion amgylcheddol ehangach fel logisteg werdd, asesu cylch bywyd a'r economi gylchol. Gellir ei archwilio o amrywiaeth o safbwyntiau damcaniaethol a mabwysiadu gwahanol ddulliau.
Mae ein hymchwil yn adlewyrchu'r ystod o ymchwil ar faterion yn ymwneud â'r gadwyn gyflenwi gynaliadwy a chyfrifol.
Cwrdd â'r tîm
Cadeirydd y Fforwm
Staff academaidd
Myfyrwyr Ôl-raddedig
Cyhoeddiadau
- Flynn, A. and Walker, H. 2020. Corporate responses to modern slavery risks: An institutional theory perspective. European Business Review 33 (2), pp.295-315. (10.1108/EBR-05-2019-0092)
- Wontner, K. L. et al. 2020. Maximising “community benefits” in public procurement: tensions and trade-offs. International Journal of Operations and Production Management 40 (12), pp.1909-1939. (10.1108/IJOPM-05-2019-0395)
- Goltsos, T. E. , Syntetos, A. A. and van der Laan, E. 2019. Forecasting for remanufacturing: the effects of serialization. Journal of Operations Management 65 (5), pp.447-467. (10.1002/joom.1031)
- Lu, H. et al. 2018. Exploring sustainable supply chain management: A social network perspective. Supply Chain Management 23 (4), pp.257-277. (10.1108/SCM-11-2016-0408)
- Touboulic, A. and Walker, H. 2016. A relational, transformative and engaged approach to sustainable supply chain management: the potential of action research. Human Relations 69 (2), pp.301-343. (10.1177/0018726715583364)
Camau nesaf
Ymchwil sy’n gwneud gwahaniaeth
Mae ein hymchwil yn gwneud gwahaniaeth i fywydau pobl wrth i ni gweithio ar draws disgyblaethau er mwyn ymgodymu â phrif heriau sy’n wynebu’r gymdeithas, yr economi ac ein hamgylchedd.
Ymchwil ôl-raddedig
Mae ein graddau ymchwil yn rhoi'r rhyddid i chi i archwilio pwnc arbennig mewn dyfnder ymhlith ymchwilwyr blaenllaw.
Ein heffaith ymchwil
Mae'r astudiaethau achos hyn yn rhoi sylw i rai o'r meysydd lle rydym yn cael effaith ymchwil gadarnhaol.